Glitter Graphics & Comments
اتجه فى بطأ و ثقه
الى المطبخ
اتأمل السكاكين
ثم فى ثقه تمتد يدى تلتقط احداها
ارفعها يدى فى بطأ
واهوى بالسكين على صدرى
و رويدا رويدا
اشق التجويف الصدرى بالسكين
ببطأ
اتجه بالسكين لاسفل
لاسفل
ودون صرخة الم واحده
برغم الالم الممضى
امد يدى فى الشق الذى خلفه السكين
اقبض على قلبى بقوه
وانتزعه
خارج جسدى
انظرلهذا العضو القابع بيدى
اراه لا يزال
يرتجف وينتفض
فى سخريه شديده انظر اليه
وفى احتقار اشد ارمقه
ثم اتجه الى احد الاكياس البلاستيكيه الخاصه بالقمامه
واقذفه بها
اغلق الكيس جيدا
ثم اتجه لصفيحة القمامه
واضع بها الكيس البلاستيكى
المحتوى على قلبى
فلا اريد ان الوث محتويات القمامه
بدماء هذا العضو عديم القيمه
بالتأكيد
محتوياتها
اكثر اهميه
من هذا العضو
امد يدى وارتدى ملابس جديده
بدلا من تلك التى لوثتها الدماء
وابدء فى الانتباه الى صوت
صراخ و نشيج
الصوت يتعالى
يقترب
يغدو اكثر وضوحا
حتى يكاد يصم اذناى
انتفض جالسه
فى سريرى
غارقه فى العرق البارد
وان كنت لا ازال اشعر بالم ممض فى صدرى
فى المكان الذى تلقى طعنه السكين
واردد الحمدلله كان كابوس
انظر فى الساعه
اجد انى تأخرت على ميعاد
الفحوصات التى طلبها منى الطبيب
ارتدى ملابسى
واتجه الى المستشفى
يا الله
هذا الآم بصدرى
لا يريد ان يكف
نفس الالم فى الكابوس
ا ذهب الى غرفه رسم القلب
تثبت الممرضه الاقطاب على صدرى وقدمى
وتراقب الجهاز
تعقد حاجبيها فى قلق
ثم تنظر لى وتمنحنى ابتسامه باهته
ثم تنادى الطبيب
وتمنحه الورقه الخارجه من الجهاز
يتهامسان قليلا
ثم يمنحنى الطبيب ابتسامه باهته اخرى
اشعر بالقلق
واتساءل
هل هناك خطأ ما برسم القلب؟
يقترب منى الطبيب
ويهمس:
على الاطلاق
لا يوجد شئ على الاطلاق
اتنفس الصعداء
واتساءل من جديد
ولماذا علامات القلق والتهامس اذا كان كل شئ سليم
بحزم ينتقى الطبيب كلماته
ويخبرنى
لأنى اقصد ما قلته حرفيا
لا يوجد شئ على الاطلاق فى رسم القلب
لانه لا قلب لك
56 comments:
لا ادري ما اقول
لقد الجمتني المفاجأه في اخر البوست
يذكرني هذا البوست بافلام الرعب القديمه
وايضا يذكرني بقلب كان لي مات من زمااااان
ولكني لفظته للبحر عساه ان يغسله من خطاياه
لكي تحياتي
عزيزتي اترمين قلبا منحه الله لكي ليهبك الحياه من اجل رجل .. قلبك اغلي من ذلك انفضي عنه مرضه و ساعديه بالمقويات و المطهرات ليطرد الاذي منه و يحيا ينبض و يمدك بالصحه و الجمال و لكن لا تسمحي بان يغزوه من هو ليس جدير به ليدهسه و يدمره ثانيه ضعي لافته عليه لا يا من تدعي انك عنتر زمانك لا يامن تبيع الاوهام لا يا من لا تحترم من هم دونك قوي قلبك و استرديه و اجعليه ينبض و اذهبي للطبيب مره اخري ليري قلب من نور و كبرياء
لا والف لا
لا ياشرين
اقولها ولاول مرة اقولها لاحد
لا
هذا البوست مجرد كابوس يأس وغرق
شرين انت بتغرقى واسمحيلى امد ليكى يدى او اكون زورق النجاة
الطبيب دا اكيد مبيعرفش حاجة او الجهاز دا خربان او عطلان ازاى مافيش قلب ازاى والنبضات الموجوعة دى جاية منين
شرين البوست موجوع اوى وجروح اوى اوى
احساس غريب رهيب فى كلماتك البسيطة دى
ازاى يكون ماكيش قلب
الرياح والاعاصير واضح انها كانت قوية عليكة بس ماتسبيهاش تاخدك بعيد عن شرين اللى حبناها وعرفناها وحسينا برقتها وحبها واحساسها وقلبها الطيب
شرين انا مش معاكى ابدا فى كلمتك
انظر لهذا العضو فى سخرية شديدة
الحب والوفاء مش سذاجة ولا عيب نسخر منه لا شرف اننا لسه بنحس ونحب فى الزمن دا
لا لا يا شرين
ارجوكى انا مش هاقدر اقول كل حاجة فى الكومنت
دا اميلى
kba_1989@yahoo.com
ابعتيلى ايميلك ارجوكى
وخلى بالك
انتى قلب طاهر حساس بينبض رقيق مليان حب ملوش مثيل فى الزمن دا
تحياتى لقلب شرين
كريم بهي
شرى
انتى ؟
لا اظنك ابدا هكذا؟
ان كنتى حقا بلا قلب
لما كتبتى تلك السطور
لما امتعتينا بكل كلماتك السابقة
اعلم انها قد تكون مجرد امنيات فى لحظات ضعف ان نصير بلا قلب حقا
ولكنها تظل امنيات
اعلم اننا لن نستطيع تحقيقها
فكم جميله تلك المشاعر التى فى قلوبنا حقا
تحياتى شرى
عزيزتى
اوقات كتيرة لازم نموت قلبنا لانه بيهنا وبيعذبنا بضعفه بس المهم نختار يموت مع مين ويقسى ويعيش مع مين ويفرح ويسامح مين ...مين اللى يستحق يفضل ويعيش جواه ومين اللى يستحق يمشى ويطرد من جواه العيب اننا بنتغابا وبنلغى العقل لما نتمنا شئ ونحاول نقنع نفسنا بيه ونكون اذكيا ونطلع عيوب ملهوش وجود لما نكون رفضيين شئ تانى
بعدل ما تموتيه هذبيه علميه فهميه حسسيه ان الحب والحياه ليها مبدئ ومهما كانت غلاوت اى انسان عندك مش هتكون اغلى من قلبك ومبدئك
واتوعدى زى ما تدى لازم تخدى وما تديش حد بدل ما خدتيش منه
واحساس الانسان جوهره غاليه اوى وبالذات المراه وعلى اد غلاوتها على اد ما لازم تشوفى الغلاوه دى فى تصرفات اللى بتتعملى معاه
سواء حبيب او صديق او قريب
تحياتى يا افندم
وقولى لقلبك سامحنى
بدل ما اعزك بايدى بذلك
سلام
انا الا عرفة ان ممكن قلب الانسان يصدأ
ولاكن علاجة بالتقوى
--
انا مش عارف اية المشكلة بالضبط لاكن وانا بكتب اى موضوع فى المدونه عندى بيكون عن الحالة النفسية الا انا فيها
--
اظن ان فيها قصة حب فشلت
--
حديث لكل شاب اراد ان يحب قبل الزواج
يقول النبى صلى الله علية وسلم
مكتوب على فرج كل إمرأه ناكحة
أقسم بالله لو تمعنى فى النظر لهذا الحديث
ما وقعنا فى مثل هذة الالام
ولخطورة هذة الامور أدركتها
من خمس سنوات
فكتبت فى هذة الامور كتابا متواضعا امتزجت سطورة بواقعنا
نحن الشباب
لان الذى كتبه فى نفس المرحلة شاب
ان شاء الله يراجع الآن وبعد ذلك يسجل
وسأنشرة كاملا فى نفس الوقت على المدونة
الى ان نتروا هذا الكتاب
يا بنات الاسلام
هناك أداب شرعية
نفذوها
وانتم تتكلمون مع الشباب
وشباب الاسلام هؤلاء اخواتنا
وهناك اداب اذكركم ونفسى بها
واوصيكم واوصى نفسى قبلكم بوصية اخوية
حينما تدخل عالم النت
ضع امامك هذا الشعار
الله ناظرى
الله شاهدى
الله مطلع على
هذا الكلام أمانة فى اعناق من يقرأة
وهو ليس لكم
ولاكن اتمنا ان تحملوووووه
الى طلابة
حرام عليكي ياشيرين
بجد حرام عليكي
بصي هو الموضوع هايل وتناولك هايل وكل الحوارات دي وبتاع
بس خبر ايه يابنتي
اضحكي شويه للدنيا انا في عرضك
اضحكي يابنتي وروقي
والا وكتاب الله هتلاقيني جايب توك توك فيه بتاع عشرتاشر واحد صعيدي وجاينلك البيت ونعمللك حلقة نبابيت صعيدي وطبل وزمر ورقص بالخيل .. والتوك توك
روقي كده بقى
سلاموووووووز
هذا الكلام ليس موجه لكى اختى العزيزه وان كان بعضة لكى لاكن معظمة
لطلابة
اعتذر ان كنت أسأت فى احد
--
وان شاء الله بدعوكى لزيارة المدونة
تحيااااتى
كدة خلتينى اقشعر ياشرين
عاجبك كدة
طب اعلق على البوست ده ازاى
وانا مقشعر كدة
اكيد طبعا كل ده كابوس من الشيطان
حتى الدكتور اللى قالك مفيش قلب ده
كان شيطان
كل ده
ياشوشو
من الشيطان
عيشى حياتك طبيعية
وتوكلى على الله
واستعيذى من الشيطان
سلامات ياشيرى
شيري
مين ده اللي مالقوش عنده قلب ؟؟؟ انتي ؟
لا يمكن ان يكون من يعبر ويكتب بهذا الاحساس الفياض لا قلب له .. امر يستحيل ان يحدث ... سلامة قلبك يا شيري
ليتني استطيع من حيث انا ان اعرف من هذا الذي يدفع بك الى مثل هذا المنحى من التفكير ومن الضيق ؟؟ فمن يعبر عن احاسيسه بكل هذه الرقة لا يمكن الا ان يكون ذو قلب ارق من رقيق وبحاجة الى فنان لا انسان فحسب ليحسن التعامل مع رقته
اجدت في تصوير الكابوس وابدعت في وضه النهاية وكيف لا وانت البديعة .... لكن اتمنى عليك ان تكوني في مزاج اصفى واروق واروع من هذا الذي استشعرته من كلماتك
ودومي لنا بديعة كما انت
الطيب
شيرين حبيبتى
اولا وقبل اى حاجة البوست اكتر من رائع عشت معاه اوى
حبيبتى متقسيش على قلبك اوى كدة لانه حقيقى ملوش ذنب فى اى حاجة فالحب هو اطهر ما يكون ولكن من لوثه هو ذلك من لم يستحق الحب
فانفضيه من قلبك ومن روحك يشفى قلبك
ممكن تلومى عقلك او نفسك اكتر بس برضو مينفعش لومنا يدمرنا انما لازم يكون سبب فى احياءنا من جديد
تحياتى يا من اوجعتى قلبى
شيرين انا زعلانة
ازاى انتى معندكيش قلب دا دكتور حمار
تعالى ليا وانا هاثبت انك عندك قلب وقلب يمكن مبقاش في زيه كتير بين الناس
وانا دكتورة وهو دكتور وسبيني أثبت كفأتي
.............................
اتستطيع تلك اليدان
الناعمتان أنتمسك السكين
وما ذنبه هذا الإنسان الجميل
في تحمل ألم السكين
لقد ظلمت القلب الصغير
فليس العيب عنده
ولكن عند أحد البني أدمين
يهموه ويلعبون به
وذلك لطيبته وحسنه
فلا تظلميه ولا ترميه
فهو أغلى ما تملكين
فحافظى عليه
فهو ملك خالق الهوى
يقلبه
وإنس يضحكون عليه
فهو مغلوب على أمرة
لقد كان يصرخ من ألمك بدلاً منكي
فكيف لا تشعرين به
فهو يعشق ضحكتك ويبكي لدمعتك
فأعيديه إليكي لحوذتك
أعيديه لمكانه فقد شعر بالغربة
إنه يشتاق لضمة ضلوعك إليه
أما الدكتور فهو لا يفقه شيء
أنه لا يعلم شيء
ولا يرى القلب لأنه أعمي القلب
ولكن قد يكون لديه بصر
فلو كان لديه هو قلب لرأى
روعة ما بكب من قلب
..........................
بلاش كأة وكفايا يا شيرين
تعالى الجديد عندى
وانا عارفة انتى مستنيه الفضيحة بتاعة البلوجرية اللى انا قولت عليهم
لسة شوية
لما النار تهدى شوية
ريال لف
عزيزتي شرين،
أنا على عكس معظم المعلقين، عايز أقولك حاجة هامة جدا: الكتابة تطهير وعلاج فأكتبي ما تشائين، دعيه يخرج بدلا من أن يتحول إلى سكين حقيقي يسير بداخلك يقطع في مزيد من أوصالك النفسية دون أن تدري. اكتبي، اكتبي، اكتبي.
وكان حيبقى حلو أوي لو آخر جملة حذفتيها، لتتركينا في حيرة سيرالية حقيقية.
عميق تحيتي وخالص مودتي
ضياء
صعب قوى يا شيرين البوست ده واصعب منه القفله بتاعت البوست
سرحت وقلت تقصدى ايه قلبك مع انسان مايستهلش ولا انتى عايزه تعيشى من غير قلب
شيرين عايز اعرف انتى عايزه توصلى لايه مع نفسك والله يا شيرين لو كل انسان وقع مره موقفش تانى كنتى حتلاقى الشعب المصرى كله على الارض
الحياه بتستمر ولازم تستمر بس مش حتستمر لوحدها اهم حاجه رغبتك انتى فى الاستمرار
عفوا عزيزتي شيرين ، لكنني أختلف مع الاخوة هنا، فلأول مرة لا أرى في خاطرة لك ما يكفي من جدة المضمون و عمق المعنى، أعتقد أن قوة العاطفة أقل من سابقاتها بشكل ملحوظ
عفوا مرة أخرى ، لكن صديقك من صدقك ، و هذا بالطبع ذوق شخصي يخصني و لا يعني ان كل من سيقرأ سيشعر بالمثل
تحياتي و تقديري
اسكندرانى اوى
اذا كان البوست ذكرك بافلام الرعب القدبمه
فتخيل ماذا فعل بى هذا الكابوس الذى يتكرر بشكل شبه يومى
حتى ان الالم لم يعد يفرق صدرى
قلبك الذى لفظته للبحر ليغسله من خطاياه
هل غسله البحر من خطاياه؟
وهل استعدته يوما من البحر؟
--------------------------------------
someone in life
كتبت لى
اترمين قلبا منحه الله لكي ليهبك الحياه
فماذا تفعل ان اعطاك هذا القلب بدل الحياه موتا؟
على كلا ساضع الافته عليه
وساساعده بامقويات والمطهرات
واعيد رسم القلب
واخبرك بالنتيجه
___________________________________
كريم البهى
انت كتبتلى
شرين انا مش معاكى ابدا فى كلمتك
انظر لهذا العضو فى سخرية شديدة
الحب والوفاء مش سذاجة ولا عيب نسخر منه لا شرف اننا لسه بنحس ونحب فى الزمن
والله انا كنت عارفه ومؤمنه بالكلام ده
بس زى ما انت قلت
لاننا فى الزمن ده
لازم ندوس على قلبنا علشان نعيش
علشان اللى احنا امنا بيه فى الزمن دة بيعتبر
غباء وضعف اللى حوالينا بيستغلوه اسوء استغلال
بيستغلوا طيبتنا واحسلسنا علشان يقتلونا بيها
_____________________________________
رحيل
صديقتى العزيزه
زى ما انت قلتى هى مجرد امنيات فى لحظة ضعف
بس بجد نفسى تتحقق
______________________________
احساس لسه حى
كلامك صح بس الكلام ده عقلك اللى بيقلوهلك
عقلك اللى بيفرض عليك الكلام ده
وعلى الرغم من صحته
لا يزال لقلبك اليد العليا
العقل مش قادر يتحكم فى القلب
بس اكيد هيجى يوم ويقدر_______________________________
محمد جمعه
لا تعتذر فانت لم تسئ لاحد
وحقك فى الرد وعرض وجهه نظرك مكفول تماما
واهلا بك فى اى وقت
________________________________
soooo
مستنيه التوكتوك
والصعايده
واهم حاجه الاحصنه
بس لو ما نفعوش برضه
هتعمل ايه
اقولك
شيل الاسد زى ما انا قولتلك انى شيلته فى البوست بتاعك بتاع القطط
واكيد لما الاسد يعمل
@##$%^^
هتلاقينى باضحك
ماشى
سلامزووووووووو
---------------------------
doha
حاضر يا سيدى هاستعيذ بالشيطان
اعوذ بالله من الشيطان ارجيم
_________________________________
الطيب
كالعاده تتفاعل مع كلماتى وتشعر بها
وكالعاده يصلنى تعليقك وكلماتك الى قلبى مباشره
مش عارفه اقولك ايه اكتر من كده
بس بجد عارفه انك حاسسنى
__________________________________
سهر الليالى يا حبيبتى
انا عارفه كويس انك حسانى
انا مش قلتلك احساسنا واحد
حتى لو كان تفكيرنا مختلف
لكننا بنحس بمشاعر بعض جدا
شكرا لكلماتك الرقيقه والمشجعه
كلام زى ده هو اللى بيدى الانسان امل فى الحياه
___________________________________
real love
دايما انت فهمانى وحاسه باللى جواى
انت بتقوليلى
قلب يمكن مبقاش في زيه كتير بين الناس
مش يمكن علشان ما بقاش فى زيه كتير
احسن له ينقرض
بدل ما يبقى كيان غريب او مختلف
فى عالم يرفض الاختلاف والتميز
________________________________
دكتور ضياء
الغالى جدا
المختلف جدا
المتحضر جدا
انا انفذ ما كتبتة لى حرفيا يا دكتور
وده كان سبب فتحى للبلوج منذ البدايه
انا باكتب من زمان جدا
من وانا فى ابتدائى
بس كنت باكتب فى اجندات
وعمر ما حد قرأ اللى كتبته
لكن فجأه
مؤخرا
حسيت انى محتاجه ناس تشاركنى اللى باكتبه
حسيت انى عايزه اخرج اللى جوايا بدل ما فعلا يتحول زى ما حضرتك قولت لسكين حقيقى
حضرتك ما تعرفش قبل البلوج انا كنت قربت اد ايه من تحويل الكابوس ده لحقبقه
بس الحمدلله زى ما حضرتك قولتفى البوست بتاعك
لقيت اللى يلحقنى على اخر لحظه
لانه قدر ولطف
شكرا لتشجيعك الدائم دكتور ضياء
________________________________________
د. اياد
على ماذا تقول عفوا
البوست فعلا خالى من العاطفه
يمكن ما فيهوش اى حاجه غير انى باحكى كابوس مر بى بالفعل فنفلته للورق
ورسم القلب فى اليوم التانى كان حقيقه
الخيال الوحيد كان فى نهاية البوست
وبالفعل
صديقك من صدقك
وبداخل المدونه
ستجد منى طلبا لكل من يقرأ ان يترك تعليقا وليس ضروريا ان يكون مدح
بل فليقل ما شاء
المهم ان يعبر عن رأيه
فعشت لى صديقا صادقا
د. اياد
رئيس جمهورية نفسى
انا اسفه
فات على تعليقك
ارد عليك بقى يا سيدى
الانسان فى الزمن ده اسلم له يعيش من غير قلب
لو عاش من غير قلب عمره ما هيتجرح ولا عمره هيقع وما يقمش
وبعدين تقول ايه لو اللى وقع ده
لا هو واقف على رجليه
ولا واقع على الارض
يا دوبك ما شى على ركبه
او بيزحف
لسه موجود جواه بقيه باقيه من كرامه قديمه
رافضه انه يكون واقع تماما على الارض
بيحاول على قد ما يقدر بس كل قدرته يا دوبك منعاه انه يقع على الاخر
فواقف على ركبه
فهمت حاجه؟
اقسم بالله العظيم لو اني اشيل الاسد وكده هيخليكي تضحكي
هشيل الاسد من دلوقتي
اضحكي ياشيخه
والله مافيه حاجه مستاهله
سلاموووووووووووووز
التحرر من المشاعر
أمل لمن يشعر بألم
ألم من نوع خاص
لا يصيب إلا من لهم أرق المشاعر
فأحيى مشاعرك الرقيقة
وكلماتك الرائعة
والفكرة التى كتبت أنا مثلها يوما ما
العزيزه شيرين
اديكى قلتى لسه يدوبك ماشى على ركبه شيرين بشويه اراده اعتقد انها مش نقصاكى تقدرى وبجد تقفى تانى على رجليكى عارفه ليه تقفى تانى على رجليكى علشان ده اسلم واحسن رد على انسان ميستهلش البكاء عليه
شيرين شويه اراده وتقلعى النظاره السوده من على عينكى مع سماع اغنيه عمرو دياب انا غيرت خلاص عنوانى
والله حتكونى احسن بكتير
soooo
لو الصعايده هما الى حيخلو شيرين تضحك اعتبرنى يا سيدى اول صعيدى متطوع ونبوتى جاهز كمان :D
اتلخبطت
كلام الدكتور قبل الحلم ولابعده .. (كلام مش بجد)
رائعة ياشيرين ..الفكرة واكلام ..
على فكرة بين البلوجرز فى ناس كتير جدا أروع من اللى بنقرا لهم فى المجلات والصحف ..
حظوظ مش كده؟
آه..
هذا الممتع اللعين.. يختفي بضربة سكين؟؟!
أولا القصة ملهمة..لأنها لعبت على وتر عدم الحقيقية..ليس هناك يقين واحد في العالم يجبرني الآن أن أعترف بأن لي قلب..ولن ألتفت لإلتماعات الدهشة في العيون..فبعد خلاصي من هذا الممتع اللعين..لن تصيبني الدهشة أو القلق..فليس لدي ماأقلق من أجله..سأتحول إلى هذا الكائن الآلي البارد تماما..أطيع الأوامر وأجلس القرفصاء لاأفكر في شئ وسأمنح جسدي لأول طارق خروجا من ازمتي..لقد اكتسبت المناعة..مناعة ضد المشاعر والأحاسيس..مناعة ضد الحياة الإنسانية..
رائع ياشيرين..لكن السؤال..من منا يريد أن يعيش بلا قلب..من منا لن تطارده ذكرياته..من منا لن يكتوي بفكرة عدم الإحساس...والله زمن..الإحساس..هل هذا حقيقي؟..ينهار العالم كله من تجربة واحدة أو تجربتين أو ثلاث..أم ينهار عالمي الذاتي..يمكنني أن أقول الآن معكي..لم يعد هناك عالم..هناك فضاء جاف تماما..تماما..تماما
خالص تحياتي ومحبتي لقلمك الدامي
قاس
تنفست الصعداء عندما أشرت الي أنه كابوس
لكني فوجئت بتلك النهاية
احيانا تحتم علينا الحياة أن نجتث جذوره من داخلنا لكن هيهات أن يتوقف لدينا الاحساس بعد ازالته اذا نجحنا في ذلك من الأساس
تحياتي أسلوب جميل
يا شيرى يا حبيبتى
والله انتى قلبك جميل وزى السكر
هو بس محتاج عمرة
سلامة قلبك من السكاكين
soooo
ورئيس جمهورية نفسى
بجد مش عارفه اقولكم ايه
الف شكر ليكم
على الاهتمام ومحاوله رسم البسمه على شفلة
واحدة ما تعرفوهاش
انتم من الناس القليله فى الزمن ده
اللى باعتبر معرفتهم مكسب حقيقى
Arabic Id
حقبقى فعلا زى ما قلت
الناس اللى عندهم مشاعر هم اكتر ناس بينجرحوا
وبسبب رقة مشاعرهم مهما داويت الجرح بيفضل سايب ندبه مكانه ما بتروحش ابدا
_____________________________________
شريف
كلام الدكتور كان بعد الحلم
هى انتزعت قلبها بعالم الاحلام وعندما عادت لعالم الواقع اكتشفت ان قلبها ايضا اختفى من عالم الواقع
بين البلوجرز فى ناس كتير جدا أروع من اللى بنقرا لهم فى المجلات والصحف ..
عندك حق
والفنانين اللى بيرسموا زيك برضه
بس انا ما اعتقدش انى من الناس اللى بتتكلم عنهم دول
يمكن انت
لكن انا لا
زين
العزيز جدا
العزيز دائما
سأتحول إلى هذا الكائن الآلي البارد تماما
اتمنى بالفعل ان اتحول لذلك الكائن
وحينما اتخلص من هذا العضو المزعج المسمى
لا تقلق على
فلن اكتوى
بنار عدم الاحساس
لان الاحساس سيذهب بغياب القلب
انا مقتنعه بكلمتك تلك تماما
.يمكنني أن أقول الآن معكي..لم يعد هناك عالم..هناك فضاء جاف تماما..تماما..تماما
ولا زلت اتذكر كلماتك التى كتبتها عندى تعليقا على بوست همسات
أتطلع في الجوانب
لابشر
أتطلع في الجوانب
كل يسير منخفض الرأس
أتطلع لاأحد
إنهم كومة من الكذبة الفاشلين
نعم هذا هو عالمنا الذى نحيا فيه
فنان فقير
اولا
شكرا جدا على المرور الجميل ويارب ما يكونش الاخير
انا زرت مدونتك واعجبتنى جدا
مليئه بالمشاعر والاحاسيس
تانيا
كتبت لى
احيانا تحتم علينا الحياة أن نجتث جذوره من داخلنا
هيهات أن يتوقف لدينا الاحساس بعد ازالته اذا نجحنا في ذلك من الأساس
اذا ازلناه يتوقف الاحساس بداخلنا بالفعل
لانه هو مصدر الاحساس
لكن كما قلت انت
اذا نجحنا في ذلك من الأساس
وهنا تكمن المشكله
لم ولن ننجح ابدا فى ازالته
لذا كانت نهاية البوست خياليه
---------------------------------------
مريم الجميله
فكرك الحاجه لما تعمليلها عمره
هترجع زى ما كانت لسه جديد ؟
خفق قلبي لعنوانك .. فاستمهلته .. اصبر قليلا فما كانت لتفزعك سريعا ،، ماذا لو قرأت اذا؟؟؟
وحاول المسكين الهدوء .. ولكن كيف امام السكين ..
شق الصدر واستخراج موطن الالم ،، بيت الداء ،،
استأصال يتم وينتهي الامر ؟؟ ربما
إلا أنه ليس كأي جزء يمكن استأصله ؟؟
أي كابوس ذاك ...
ــــــــ
شيرين : حروفي تتعثر أمامك تتساقط .. ترتطم أرضا وتحاول فتعاود ذلك
اصبحت اخشى التعليق لديك ،، تؤلمني كلماتك ،، تعيد لي كابوسي ،، بل كانو اكثر من واحد ،،
.. لآ لن أحكي عنها شيأ
فلا اريد ان الوث محتويات القمامه
قاسية جدا تلك ،،،
أراها تنفجر بكاء ،، تخشى ملامسة الاشياء .. كل الاشياء حتى لا تلوثها
لا تدنسها ..
لا تصيبها ببصماتها ،، ،، أو وصماتها ،، أي عار تحملته وحدها
ترتجف دائما ،، برتمي بزاوية مضلمة ،،
تتمنى النهاية
ليهدء الكثير ..
ربما الجميع
،،
شيرين : رفقا بنفسك ،، وان لم يكن حبيبتي .. فرقا بي ،، فأكاد أجزم سيدتي أنك شققتي صدري بسكين كابوسك
هل أقبل يديك ،، استعطفك أكثر ،، عن اي ضعف إذا بالله تتحدثين ؟؟؟
أصبحت أكيدة من سلاحك ،، ولابد أن تتأكدي أنتي أيضا ،، قلملك القوي وفكرك المشحون ،، وروحك المنغمسة في مرارة الألم ..
أبدعت صديقتي .. أبكيتني حقاً.. تماسكت بعضا ،، ولكن دون جدوى ألقيت بنظارتي ،، و وانهى الامر هنا بساحتك الكريمة ،،
شكرا لك
كوني بخير شيرين
كوني بخير
عايزة اقولك انك وحشتيني موووووت ،،وبجد سامحيني عشان اتأخرت عليك التعليق ،، وانا يا ستي مع
soooo ,رئيس جمهورية نفسي
وعندي استعداد اركب دقن والبس عمة كبيرة مووووت وجلابية بلدي وآخد عصاية المقشة اللي في بيتنا وألحق التوكتوك قبل ما يفوتني ،، المهم أوصلك بجد
شيرين ..
مستنياك
مش تتأخري
النظرة الاول تفرض علينا بأن نقول انك بلا قلب ورضيتي بذلك وكلك اعتقاد بأن هذة المضغة لا تعني شيئ وانها اصبحت اقل قيمة من القمامة
لكنى يا صديقتى الجميلة اعتقد انى فهمت شئ آخر من كلامك
هو ندمك على احساس في يوم وهبتية لقلب وبمنتهى الجرأه لوث قلبك واستباح مشاعرك
عزيزتي ان كنتى تندمي على مرحلة قدمتى فيها اكثر من الصدق والمشاعر لمن لا يقدر وفي آخر الأمر رجعتى بخفي حنين فهذا ليس عيب في القلب الذي يسكن دخل قفصك الزهري ولكن عدم توقع ممن تلقي هذة المشاعر بأن البشر يمكن ان تعق بقلوب ملائكة
فعلا اشكرك على تشبيهك لمرحلة يمر بها العقل تكون عنيفة جدا تجعلنا نستبيح جميع مواهبنا التى حبانا بها الله
احيكي على الفكرة فأنى رائعة
عميق مودتي وتحياتي
شيرين العزيزة
أصحاب القلوب المرهفة
هم أكثر من يعانون منها الأمرين
ولكن رغم هذه المعاناه والتي تؤلم أشد الألم
إلا ان من يملكون قلبا مثل قلبك
يفيض مشاعر ورقه
تحيط بهم قلوب تحبهم وتطلع اليهم
فلولا قلبك الجميل لمأ التف الناس حولك الان ينتظرون ما يخطه قلمك
وتجيش به مشاعرك
فمكسبك من جمال وطيبه قلبك أكبر من الجروح التي يسببها لك
أحيكي على رسم القلب
صديقتى عفوا نسيت اقولك
لو تذوقنا في يوم من كأس الأنين شربة سوف يأتي يوم بعدة وان طالت الفترة يكون اكبر من كل توقعاتنا بسبب حلاوة هذا اليوماتمنى ان تشرق شمس هذا اليوم على مدنك
تحياتي
شرين حبيبتى
أنا مش لاقياكى
بس أنا خايفة لتكونى زعلتى منى
بس أنا بجد مقصدتش اضايقك
واسفه ازا كان كلامى ضايقك
مستنياكى
اهلا عزيزتي انا جئت اطمئن علي رسم القلب انشاء الله يكون قلبك الان بصحه و عافيه و ينبض بخير و يدفعك للامام و ارجةا ان يكون قد تخلص من احزانه و كوابيسه علي فكره انا مؤنث مش مذكر لا سمح الله هههه
نورسين
يا حبيبتى
انت بتعرفى تحسى كلماتى على الفور
اعتقد ان ردك وتعليقك
هو نفسه بوست رائع
بل افضل من بوست رسم قلب بكثير
حقيقه تعليقك هو الذى مسنى
واثار دمعاتى
اما عن الدقن والشنب
تعالى مع سووو
ورئيس جمهوريه نفسى
اما نجرب
يمكن اضحك المره دى
يكفى فقط ان اممتلك اصدقاء يهتمون لامرى مثلكم
سيد
العزيز جدا
حقيقه مستنى كلماتك
وما مسنى اكتر انك وصلت للمغزى الصحيح للبوست
لقد فهمت ما اقصده بالضبط
وان دل ذلك على شئ
فهو على الشاعر والفنان القابع باعماقك
واعرف ان يوما ما سيأتى
وتشرق الشمس من جديد
مهما طال امد الظلام
mask
الف شكر على كلماتك الرقيقه المشجعه
اتفق معك تماما
ان القلوب الرقيقه هى التى تصاب بالجروح اكثر من غيرها
الا ترى مع ان من الافضل استئصال المكان المعرض للجرح
بدلا من انتظار وقوع الجرح القادم
والتسؤل متى واين وكيف سيحدث
يا سهر الليالى يا حبيبتى
انا عمرى ما ازعل منك او اتضايق منك
وزى ما قلتلك الف مره
لو اختلفنا فى التفكير
مش مهم
المهم ان مشاعرنا واحده
انا بحس باحساسك وافهمه من غير ما تحتاجى تشرحيه
وانت كمان
نفس الحكايه بتحسى وتفهمى كلماتى على طول
someone in life
يا عزيزه جدا
يكفينى فقط عودتك للاطمئنان على
ليكون قلبى بخير
واعلم ان هناك قلوبا لا تزال تهتم بسواها
وتشعر باحاسيس غيرها
دمت لى صديقه
ابديه
على فكره
انا نزلت موضوع جديد .. اقسم بالله العظيم منزله مخصوص عشان تضحكي وتروقي
عقلي الباطن بيقولي انك لو ما ضحكتيش في الموضوع ده .. ابقى فشلت فشل ذرييييييييييع
مرييييييييييييييع
سرييييييييييييييييع
عبسمييييييييييييييع
اللمييييييييييييييع
سلاموووووووووز
اااااااااااااااااااااه
ما هى الدنيا كدا
ولا انتى كنتى فاكرة ايه غير كدا
وفى ناس بيتوهوا هناك وراضيين
وفى ناس برضوا تايهين
لكن مش عاجبهم كدا
وتدووور الدنيا واحنا على كدا
نفس الحال ما يتبدل عن كدا
واخدانا على فين يا دنيا
ماتسيبينا رضينا احنا بكدا
وكدا او كدا
ادينا عايشين
فى عباية السنين
فى حلم الموجوعين
ويقظة المحرومين
ادينا ادينا عايشين
بنداوى جراحنا بدموعنا
ونقول عايشين
جروح الصبح واجعانا
جروح انبارح لسه معانا
وجروح بكرة
واقفة هناك مستنيانا
لا انا طريقى مش بكرة
انا راجع تانى
راجع لانبارح
بجروحه ودمعته
وقلبى قلبى مسامح
وسامحينى يا نيا
لانى مش ناوى اعيش
طير من غير ريش
انا ناوى اكون انسان
فى اسوا زمان
اسمه النهارده
وبكرة يبقى كان
كان
كان
كااااان
صديقك الدائم
كريم بهي
اذا كانت الحياه من الممكن ان تستمر بدونه
فالاستئصال هو الحل السليم
ولكن للاسف لا ينطبق هذا على العضو محل الشكوى ياعزيزتي
ياه ايه الجمال دة
روعة
ان نقتل منبع الالم بداخلنايجبرنا الاخرين احياناالى انتزاع قلوبنا ونرميهاحتي لانشعر بجراحها التى تسببوافيهاو بالرغم منذلك
مكانه لا زال به نبض
فكرتيني بكلمات جاهين
قالوا الشقيق بيمص دم الشقيق والناس مهياش ناس بحق وحقيق قلبي انا روميته وجبت غيره حجر داب الحجر ورجعت قلبي رقيق
افكاره رائعة وحشتيني جدا
انت قلتي ان دة كابوس ولأنسان لما بيشوف كابوس ادامو حل من 2 ييصحى ويستعيذ بالله ويحاول اللحاق بركب الحياة التى لاتنتظر احد او يستكين ويكمل نومة او بالاصح غيبوبتة وينتظر الكابوس كل ليلة الاختيار بيدك وليسبيد احد اخر وانا اعلم جيدا انك لست انانيةحتى تختارى الاختيار الثاني وتحرمى الناس الذين يحبونك ويحتاجوا الي وجودك منك
الله عليكى ياشرين على فكرة البوست وسردك لية
جميلة جداا
عجبتنى اوى
طبعا اتمنى لك العافية والسلامة والحياة بقلب طيب وسليم
ربنا يكرمك
تحياتى
هااااى شرين
انا عامل جولة بدور على المدونات المميزة فعثرت عليك
البوستات كلها رائعة
بس بجد دا كابوس مرعب للغاية
ثم يعنى ايه ملكيش قلب، اعتقد ان دا تعبير مجازى يدل على انك تعالجين الحب بشكل موجع
وتحملين الدنيا بين ثنايا فوادك
امنياتى لك بالسعادة والحب والتوفيق
تحياتى
اسف ارفض هذا البوست وارفض هذا الضعف وارفض هذا العذاب
اسف
انت بتعملى حاجة من الحاجات دى
يا إما بتقرى لأحمد خالد توفيق و استيفن كنج
يا إما بتتفرجى على أفلام لألفريد هتشكوك
أسلوبك فى السرد جميل
و لو انه ملوث بشوية تشاؤمية
تحياتى
آآآه
كم تمنينا ان نصير بلا قلوب..كي نصبح بلا ألم
لكن..لا حياة بلا قلب..ولا قلب بلا ألم
حياتي لابداعك المتدفق
sooo
قريت موضوعك زى العسل
انت بجد خرجتنى من المود
________________________________________
كريم
انا خدت كلمات دى وحطيتها فى فايل وورد
علشان متضعيش
_____________________________________
mask
لا ممكن تستمر يا سامح
مش فى ناس بتعيش بقلب صناعى
وناس بتعمل زرع قلب
___________________________________
همسه
انت كمان وحشتينى
ونعم نقتل قلبنا
حتى لا نشعر بالجراح النابضه بداخله
______________________________--
Anonymous
زمانها صحيت
وفاقت
ولقت الخيط الفضى وسط ظلمه السماء
___________________________________
تامر نبيل
الف شكر على مرورك
واهم حاجه انها عجبتك
________________________________
amro
شكرا على المرور
هازورك فى مدونتك بس انا بانام على نفسى دلوقت
لسه ما نمتش من امبارح
حازورك بكره
____________________________________
سندباد
انا الاخرى
ارفض هذا الضعف وهذا العذاب
لكن رفض الشئ لا يعنى انه غير موجود
________________________________
اسلام يوسف
صح انا احب احمد خاد توفيق
ما فتنيش ولا عدد من السلاسل بتاعته
وبحب ستيفن كينج
هازورك قريب فى مدونتك
________________________________
dr.Roufy
نعم نتمنى ونتمى
لكن ليس كل ما يتمناه المرء يدركه
طب ما بتاع ربنا يمشي الحال
ليه نجيب جديد وممكن يكون مستعمل وواخد وش بويا
ولا صيني ميعش
هاتي اخر قلبك ولا يجيب جاز خالص نبقه نتصرف
بلاش نتدخل بعنف من الوقتي ولسه فيه أمل
ما هذا اليأس الذي يكمن بداخلك يا صديقتي !!!
ومن اجل من !!
لا يستحق احدا ان تنزعي قلبك من أجلة
بل الاصح ان تنزعية هو من قلبك
فهو لا يستحق هذا القلب ولا يستحق هذة النبضات
صديقتي العزيزة تريثي في المرة القادمة وافيقي من هذا الكابوس
حقا انه كابوس
mask
لسه فى امل
واكيد بعد الغيوم واعواصف هتظهر الشمس تانى
بس المشكله بعد اد ايه
___________________________________
green eyes
مى
انت رائعه
قرأت بوستك الجديد
يعبر عن الكثير مما يجول بعقل الانثى
ومعك حق انه كابوس مجرد كابوس
الافاقه منه حتميه
مرعب..قاسى منبا بآلآم رهيبه
هى ف واقع الحال صدمه تلقيتها فأردت ان تتخلصى من قلبك
عقلك الباطن قاد الامر واستولى على زمام الأمور ورمى بالقلب فى القمامه
ولكن سؤالى هل كان الدكتور ورسم القلب من ضمن الكابوس المروع ام هو من واقع الوعى الباهت الذى تحوينه
بجد ربنا يكون فى عونك
وبرجع بقول ياريت ترجعى كمان سنه لورا
اكيد كنتى احسن
اكيد شيرين طاهره موجوده ارجعى لفطرتك
مش هتقدرى تعيشى بعيد عن روحك
انت بتعذبى روحك بالتخبط ده
ارجعى بقه
ربنا يهديكى ويثبتك دوما
سلاموو
Post a Comment