شعور عارم بالاختناق .. لا استطيع التنفس .. كأن هناك يدا ثقيله خفيه تكتم انفاسى وتمنعها من التردد .. اختناق... اكاد اشهق لاستحضار الانفاس اللازمه لاستمرار حياتى .. لم يعد الهواء الان مناسبا لأتنفسه .. اصبح هواء خاليا من الحياة .. لانه لا يحمل عبق انفاسك .
فأنت لا تتنفس ذات الهواء الان ... تتنفس هواء اخر فى مكان اخر .. تمنح الحياة بأنفاسك لأخرين .. بينما الحياة تكاد تفارقنى لان هواءها خالى من انفاسك ... اكاد ان اترك كل شئ خلفى .. فقط لانعم بانفاسك فى ذات المكان التى تترد فيه .
انا لا ابغى شيئا .. فقط .. اريد ان احيا .. اريد ان اتنفس ذات هواءك .. اريد ان يدخل رئتى هواء محملا بعبق انفاسك .. هواء يمنحنى الحياة !
اريد ان انتزع تلك اليد الخفية التى تمنع انفاسى من التردد فى سياقها الطبيعى .. شهقات.. قصيرة ..متواليه .. مؤلمة .. فقط لأنتزع قبسا من الهواء.. قبسا يحمل لى من الموت اكثر ما يحمل من الحياة !
شهقات ..قصيرة .. سريعة .. متتاليه .. مؤلمه .. تكاد ان تنتزع روحى ذاتها .. وكأن جسدى يعلن تمرده ورفضه .. على ان يستمر بالحياة .. بهذا الهواء المزيف .. الهواء الخالى من العنصر الاساسى الذى يمنحه القدرة على الاستمرار .. انفاسك !
اشعر ذات شعور السمكة التى اخرجت من المياة تختنق .. تنتفض .. ترتجف .. تشهق .. محاوله انتزاع الحياه من الهواء المحيط .
تشهق .. محاولة التنفس .. لكن جسدها غير مؤهل لاستنشاق هذا الهواء .. برغم كل محاولاتها تفشل دائما .. برغم ارادتها .. تفشل.. والنتيجة محسومه مقدما .. ستنتهى حياتها .. ستختنق حتى الموت .. الامل الوحيد فى تحيا هو ان نمنحها عنصر الحياة الذى انتزعناها منه او انتزعناة منها !
اختنااااق ... اختناااق .. لا استطيع التنفس ... تحتشد الدموع فى عيناى .. فلا ادرى ان كانت بسبب الاختناق .. ام ان ذلك الجسد الاحمق والقلب الاشد حمقا ... لا زالا يملكان من الاسباب ما يدفعهما الى افراز تلك الدموع الحمقاء !
فلتحتشد الدموع .. اختناقا او حبا .
فلتحتشد الدموع .. اختناقا او بعدا .
فقط .. اعد لهوائى انفاسك .
فقط .. اعد لهوائى عنصر حياتى .
امنحنى انفاسى من جديد .
14 comments:
heloooo ya shery:
ana geet 2a7gez awel comment
bosy ana nafseyety zeft these days so latter on im gonna back and give u a real coment
sala ya 7abeby
تماما كالمشنوق
امامه هواء
وفوقه هواء
يمينه هواء .. شماله هواء
فى كل مكان من حوله هواء
لكنه لا يستطيع ان يحصل على ذرة واحدة منه ليعيش
..
صدقيني يا شيرين _ ولا ادرى لماذا عليكِ أن ترتكبي هذه الحماقة _ عندما تشعر بالاختناق و انت تتنفس الهواء .. فلا داعي لوجود المشانق
لا ادري لماذا انقبض قلبي فور رؤيتي لصورة اختناق وجدت نفسي لفترة أنظر لها بتأمل رغم انقباضي منها حتى هوت عيناي على كلماتك وقرأتها لا ادري كيف حتى وصلت الي اخر كلمة وانا مقتنع بأنى ايضا قد اختنقت
يا ويلهم اصحاب القلوب العاشقة كثيرا ما ينفذ عليهم حكم الاعدام وهم احياء فاصب الميتات ان نموت ونحن ما زلنا احياء
تيحاتي
صديقك سيد سعد
اختنااااق ... اختناااق
لا تمت يا قلبى
دافع عن أوهامك
عذبنى بصراعى
مع حقيقته وسرابك
ولا ترحمنى من رجفة
تزلزل كيانى وحبى
وأتماسك على نصله
فيزيد عمقا فى جرحى
عنادى يزيد نزيفى
وعشقى أصله أملى
ولا تنقطع أوردتى
وأخشى عليك من موتى
وهل ستعود عيناك
تبكينى وتذكرنى
أحتضر صارخة فيك
دمرنى وأنقذنى
تقول بكل خبث
وهل ترضى لي الأثم
؟؟؟؟
--------------
تحياتى لك شيرين
وأتمنى لك فرحة
تشدك من ذلك الاختناق للأبد
كلماتك رقيقة و معبرة
أحب هذا النوع من الكتابات
ربما لأنها تشبهني بعض الشيء
شكرا لك
شيرين الغالية اوووى
كل مرة باجى متأخر نفسى مرة اعلق اول واحد
المهم
حكاية اختناق مش جديدة على شيرى الجميلة بجد حسيت بانك فعلا شئ مختلف قد ايه الحب ولحبيب لهم تأثير واضح على حياتك انت بتحبى بقلبك ودمك وروحك وعمقك وذاتك
اد ايه انتىجميلة
على فكرة ميرسى للكومنت اللى فات
وعاوز اقولك
احناشبة بعض اوووى دا انا لاحظته رغم انى وبصراحة كان نفسى تكون الصداقة بينا اقوى من ذلك لكن الاتفاق الروحى اللى بينا اقوى من اى صداقة ممكن ان تقام
ربما اكون عرفت بنات كتييير وناس اكتر لكن عمرى ما قابلت انسانة بتمل نفس افكارى
على فكرة مشكلة الناس واصطدامنا بالسواد الاعظم زى كدا
ان الناس بترسم لينا لوحة فى دماغتها ومش عاوزانا ننحرف اى انحراف ولو بسيط عن اللوحة دى
وهى دى المشكلة وعن ارائك عمرها ما تضايقنى عارفة ليه لانها ارائك انتى يا شيرين
مش المفروض احد ليكى حدود تتحركى جواها
انا مثلا معجب بشيرين وبكل ما فى شيرين
مهما كانت ارائا لانها وببساطة تخصها هى
الخصوصية مفهومهما خاطئ فى المجتمع الشرقي المنيل دا
ولو فضلت اتكلم هاحتاج مدونة مش كومنت
المهم انشرى ارائك وبقوة وبصوت عالى
احنا اقوى من السواد لاعظم الاسود
على فكرة انا نفسيتى تعبانة اوى اليومين دووول وانتى اللى بتخففى عليا شوية لما بتكلم معاكى
انا هانشر بوست النهاردة
اسمه
ثلات بطاقات للموت
تحياتى
يا اغلى صديقة عرفتها فى حياتى الواسعة
الضيقة
كريم بهي
اولا شكرا لتعليقاتك علي مدونتي
ثانيا مدونتك ناجحة بكل المقاييس من ناحية الاقبال ومن ناحية المحتوي الذي اصبح متنوع ومثير للجدل بغض النظر عن تحفظي علي بعض محتويات هذة المدونة
الي جانب استخدامك الموفق للصور الملحقة بالخواطر , كأن من كتب الكلمات هو نفسة من رسم الصور
ثالثا اظن ان اسلوبك قد تحرر بعض الشئ من التعبيرات المتناقضة والتي احسست في بعض الاحيان انها مقحمة, يجوز لازدحام الصور في مخيلتك حين ذاك او عدم اختبارك لنشر افكارك علي الاخرين الذين قد ينظرون ليس بدافع الفضول لقراة اراء شخصية وانما للنقد الفني والادبي
بالتوفيق
علي فكرة صورة السمكة ضايقتني جدا . طبعا عرفة ليه والعنوان اعاد لي صورتهم
سولا
مكانك محجوز على طول
ما تقلقيش
وما تزعليش منى
النت الايام دى خربان فى مصر كلها
فين وفين لما بيرضى يفتح
طمنينى عليك
وقوليلى مالك
فى حاجه تانيه حصلت ؟
حاحاول اكلمك قريب
------------------------------------
rain man
المشنوق صديقى
انتهت حياتة واستراح
او هى فى سبيلها الى الانتهاء
اما من يحيا بقوى القصور الذاتى
او يحيا لان الحياه اصبحت عمليه لا اراديه من شهيق وزفير
فهذا هو الموت الحق
------------------------------------
سيد
العزيز جدا
الفنان جدا
كالعاده
تعليق فى الصميم
هو انقباض حقا
انقباض فى الصوره
انقباض فى الكلمه
اختناق فى الصوره
ولكن حمد لله لم يصل الاختناق بعد للكلمه
بل ان الاختناق هذا
جعلها تتدفق كانما هى تجرى بقوة دموع الاختناق ذاتها
اصعب حياه
هى تلك التى قلت انت اصعب الميتات ان نموت ونحن لا زلنا احياء
وكما قلت انا لرجل المطر
اصعب حياه تلك
هى التى تحيا فيها بالقصور الذاتى
تحيا
لان التنفس حركه لا اراديه
واندفاع الدماء من والى القلب حركه لا اراديه
لو كان هناك قابس يمكن انتزاعه كما يحدث فى حالات الغيبوبه الميؤس من شفاءها
لكنت انتزعته منذ زمن طويل
وكففنا عن الحياة امواتا
كل الود والمشاعر
---------------------------------
arabic id
ومره اخرى تقرأ ما وراء السطور باحساسك
وتخطه كلمات
عنادى يزيد نزيفى
وعشقى أصله أملى
ولا تنقطع أوردتى
وأخشى عليك من موتى
هو العند نعم
العند يزيد من الالم
ومن النزيف
لكنه ليس عندا احمق
ليس عندا لمجرد العند
بل عندا يحمل امل فى ان ربما
كما كتبت بالاعلى على لسان قسطنطين كافافى
غدا او بعد غد
او ربما
بعد سنين
ستكتب القصيدة العارمة
التى كانت بدايتها ها هنا
وربما وحدها
تحمل من الامل ما يكفى
----------------------------------
امرأة من حروف
مرحبا بك فى الزياره الاولى
الاسم نفسه معبر ويحمل الكثير
يسعدنى اكثر ما يسعدنى ان تمس كلماتى انسانا
تحرك بداخله ذكرى و احساسا
اتمنى دوام التواصل
----------------------------------
كريم
الغالى جدا
جدااااااااا
مش فارقه يا كريم الكومنت بتاعك الاول ولا الاخير
المهم انه يكون موجود فى كل بوست
لانى باستناه
وفترة امتحاناتك كانت البوستات اللى نزلت فيها دايما ناقصه لان فى كتير منهم انت ما علقتش عليها علشان كنت مشغول فى الامتحانات
فعلا يا كريم
انا لما بحب
ما بيبقاش فى عندى حدود
كل حاجه املكها باهديها للحب مهما كانت غاليه
لو ما كانش الحاجات الغاليه تعطى باسم الحب
يبقى هتعطى باسم ايه
واعتقد انك نفس الحكايه برده
وانا كمان يا كريم
نادر جدا لما الاقى حد زينا
او افكاره زينا او حتى قريبه منا
انا جه عليا وقت افتكرت اننا كائنات منقرضه
وفقدت الامل انى الاقى اى حد بيحمل نفس الافكار والمبادئ
بس الحمد لله اكتشفت ان لسه فى امل
انا كمان كان نفسى ان صداقتنا تكون اقوى من مجرد كلمات بنتبادلها بالمدونه
بس بجد قلبى رغم انه اضعف حاجه فيا
الا انه وبمنتهى التناقض اقوى حاجه فيا
لانه هو اللى ممشينى
وانا كمان والله يا كريم لو فتحت كلام عن عادت وتقاليد المجتمعات الشرقيه
وافكارهم المقولبه
واحكامهم الجاهزة بالاعدام على كل من يختلف عنهم
ما فيش لا ورق ولا مدونات هتكفى
المهم انى باثق فى عقلى جدا وقدرتى على اصدار الاحكام بدون تحيز وبموضوعيه تامه
حتى لو كنت انا جزء من الموضوع المراد الحكم عليه
باقدر اخد خطوه للوراء
ثم ارتفع لاعلى قليلا
وانظر للموضوع ككل
كانى طرف خارجى مش داخلى
واغلب الاوقات
بيطلع مهما طال الوقت
ان كلامى ورايى كان صح
هتلاقى فى السايد بار بتاع المدونه الجمله دى
حسى الاخلاقى لا علاقه له بالقيم والتقاليد الباليه المسيطرة على العالم من حولى
انا اضع قوانينى الخاصه واملك حسى الاخلاقى الخاص
ولا اسمح لاحد ان يملى على ما يراه ضميره هو مناسبا او اخلاقيا
دى باختصار انا
اتمنى حقا ان استطيع ان اساعدك خلال ازمتك النفسيه تلك
انا رحت عندك
وسيبت لك كومنت
وكتبتلك فى الشات بوكس
وابقى طمنى عليك
اما نشوف بقى رايك هيتغير فيا بعد ما انشر التاج ولا لا
لانى باقول رايى فى حد انت بتحبه جدا
وما اعتقدش الراى ده هيعجبك
الى لقاء قريب
يا احن واطيب من عرفت
---------------------------------
نسرين
ماشى يا ستى
انت بتتحفظى على بعض محتويات المدونه
وكنت شايفه ان كلامى قبل كده فيه تناقض وتعبيرات مقحمه
يمكن فعلا كان بسبب الكراكيب اللى ماليه دماغى
المهم ان فى المجمل عجبتك
وما تزعليش علشان صورة السمكه
والله انا كنت كاتبه البوست ده قبل ما اعرف الحكايه
انا يا دوبك نشرته
انا لو كنت خدت بالى كنت مسحتها
على العموم انت شوفتيها وخلاص
منى لله بقى
ما كنش قصدى والله
ربنا يوفقك انت كمان
جميلة ياشيرين
وجميل التشبيه
الرائع فى الكلمات
بينما الحياة تكاد تفارقنى
لان هواءها خالى من انفاسك
جميل التشبيه الجميل ده اوى
برافو ياشيرين
عمرك كله وحياتك المرهونة بوجوده
احساسك بالوجود رهنتيه بانفاسه وحضوره
كل احتياجك ليه واستشهادك الجميل فى محبته
دى رغبتك وده قرارك
استمتعى بالألم يا صديقتى العزيزة
دوحه
يسعدنى ان قد راقتك الكلمات
--------------------------
مريم
هو ده الحب الحقيقى يا مريم
ان انفاسك تستمديهامن انفاس اللى بتحبيه
لا يوجد من يستمتع بهذا النوع من الالم
فقط احيانا يصبح الالم قدرا
شيري
ايه اخبارك
عاملة ايه
انا الحمد للهكويس
تعالي انا نزلت بوست جديد
حجرتيتحياتي
كريم بهي
شيري
ايه اخبارك
عاملة ايه
انا الحمد للهكويس
تعالي انا نزلت بوست جديد
حجرتيتحياتي
كريم بهي
كريم
انا رحت لك
والبوست جميل
وفكرته حلوة
Post a Comment