هذه اللوحه من هذا الموقععندما تصل الى الصيدليه .. لتطلب دواء تحتاجه بشده .. فيبتسم الصيدلى معتذرا .. ان اخر قنينه .. بيعت قبل دخولك بدقائق .
عندما تدخل تلك الحجره البيضاء البارده فى المستشفى ... لتجلس جوار اعز اصدقائك فى لحظاته الاخيره .. فتجد السرير خاليا .. والممرضه تحاول ان تمنحك ابتسامة مواسية ما .. وتخبرك ان صديقك قد رحل عن الحياة .. قبل دخولك بدقائق .
حينما تفقد قلادتك الثمينة الى منحها لك يوما ما حب عمرك فى وسط البحر .. فلا تفقد الامل ابدا فى انك ستجدها .. وتغوص فى اعماق البحر ... تبحث ... وتبحث ... وتبحث .. حتى يكلل جهدك واملك بالنجاح .. فتجدها امامك وسط الرمال .. يرقص قلبك فرحا .. تمد يدك لتلتقطها .. فتظهر تلك السمكه من اللامكان .. وتبتلعها .. وتنظر لك نظره خبيثه وهى تبتعد .. تخبرك .. انك تأخرك مره اخرى بضع دقائق .
حينما تحلم .. وتحلم .. وتحلم .. ثم تستيقظ يوما فتجد ان كل امالك واحلامك تجسدت واقعا امامك .. تعدو جزلا ... لترتمى فى احضان حلمك الذى تجسد.. فتفيق على سقطة مؤلمه .. تنظر .. تجد حلمك يبتعد مع سواك .
حينها تدرك انه قدرك .. ان تصل دائما متأخرا .. ببضع دقائق .
33 comments:
من يريد ان يعرف حقيقه الاسلام الاسود
وكل الاديان والخهرفات
فليزر بلوجى
شكرا
الله على جمال الكلمات ووقعها فى نفس صح فى ناس كتير بتحلم وتفضل تحلم لحد مايفوت وقت تحقيقها
عزيزتى
الحياه ما هى الا دقائق فقط
دقائق تفصلنا عن سعادتنا او تفصلنا عن مبتغانا
او حتى تفصلنا عن الموت و الحياه
على الرغم من اننا نكون على اهبه الاستعداد للحصول على ما نريد
و نسرع لاختطاف سعادتنا
و لكن!!!
القدر عزيزتى
هذه هى الحياه
يا لها من قسوة
لاسف ليس كل ما نريدة نستطيع الحصول عليه
تحياتى لحظاتى الغاليه
شرين
هل مشيئة القدر ان ندور دائما في حلقاتة المفرغة
ام هي مقدراتنا ان نسير في طرق لكي نصل متأخرين لأن وجودنا في الموعد لن يكون مستحب
يمكن ان يكون هذا رحمة بنا ووارد جدا ان يكون عقاب لنا يختلط الحابل بالنابل لدى افكارنا فنبقى متيبسين
حتى نبقى دائما غير قادرين على فعل اي شئ ويكون اكبر اشياء حققناها هي الصفر
دمتى صديقة غاليه جدا
سيد سعد
الفنانة الرقيقة / شيرين
كلماتك حقيقة تحدث كثيرا
و نأتى بعد فوات اللحظة
وتتعمق جراح القلب و تخلد
خاصة بضياع الحب الأول
كلماتك أعادت للذاكرة
كلمات بسيطة كتبتها و انا غض صغير
"يا توأم روحى ..ورفيقة طفولتى
ألا تعلمين أنى انتهيت حين ابتدأ
تقولين حبنا أقوى و أشد ..
صدقينى أنى انتهيت حين ابتدأ
كرهت تقارب أعمارنا ..
وأقسم أنى انتهيت حين ابتدأ
أنه يملك كل شئ وأنا ..
آه لا أنى انتهيت حين ابتدأ
هو لأهلك أمل مرتجى ..
سامحينى أنى انتهيت حين ابتدأ
وأنا فتى غض لا يرتجى
صدقت أنى انتهيت حين ابتدأ
فنانتى الرقيقة شيرين
أسعد الله أوقاتك كما تسعدين أوقات أصدقائك برقة كلماتك
أبو خالد
عزيزتي شرين
وحشاني جدا، وواحشني تدويناتك الجميلة. تأخرت عنك كثيرا، وأرجو ألا يكون قدري أن آتي انا الآخر متأخرا بضع دقائق. التدوينة بسيطة بساطة النهار وغامضة غموض الليل. استمتعت جدا جدا جدا بقراءتها.
عميق تحيتي وخالص مودتي
ضياء
الغاليه شيرين
انتى عارفه انى بمتنع عن التعليق على الاسلوب لانى كلامى حيكون مكرر جدا وقلت راى فى الاسلوب من اول يوم دخلت فيه المدونه الا لو لقدر الله فى نقد حنقد
صح يا شيرين انها دقائق او لحظات تشكل الفارق وتغير مجرى الحياه الدقائق دى يا شيرين الى انتى اتاخرتيها لانى الى بتدورى عليه مش قدرك
ما اخطاك ما كان ليصيبك وما اصابك ما كان ليخطئك
يبقى شى وحيد انى تثقى انه فى يوم ما ستصلى الى ما اتحبى فى الميعاد دون تاخر
ولو لحظات
---------------------------
محمود
بما انى فى بلوجى ورد على تعليق البوست الى فات الى انت كتبتيه
إنشد يا قلبي غنوتك للجمــــــــــــــــــال
و ارقص في صدري من اليمين للشمال
ما هوش بعيد تفضل لبكره سعيــــــــــد
ده كل يوم فيه الف الف احتمـــــــــــــال
عجبي !!
وما هى الحياة الا عدد غير معلوم من الدقائق
فانما وصلنا فى معادنا فهذا من حسن حظنا وان تاخرنا فهذه اقدرانا
تحياتى
عزيزتى
ولماذا تتصورين انه وصل متأخرا القدر المكتوب هو الميعاد المظبوط
فربما هذا الدواء لن يشفيها وليس له فائدة
وربما رحيل صديقك فى غير وجودك اهون على الانسان الف مرة من رحيله وهو موجود
يمكن وجود هذه القلاده يذكرك دائما بحب عمرك ولا يفسح مجال لاى حب اخر ان يحاول ان يكون حبك وفقدانها سيتيح لك النظر لهذا الحب الجديد
ونظرة السمكة ليس انك تاخرت
نظرتها تقول لك هذه القلاده سبب تعاستك لماذا تطاردينها وتحاولين استعادتها ايها الغبية
حتى عندما نحلم فدائما نحلم بما لا تملكه ولا من المحتمل ان نملكه وان من المستحيل ان نملكه
وفاذا انتظر الحلم بضع دقاق اخرى ستحدث ايضا السقطه لاكن مع وجع اكثر
لان الواقع بعيد عن الحلم بكثير
دائما كل انسان بيوصل فى موعده الافضل وما فاته من اشياء
كان له الافضل ان تفوته هذه الاشياء
تحياتى
سلااااااااااااام
كم هو محزن الا نصل في الموعد
كم فقدنا من احباب لم نرهم لحظه الفراق
لاننا وصلنا متاخرين
ااااااه ياااني
كلامك بيهز المشاعر بجد
اوى اوى اوى
بحس انه بيخلينى اسرح
مع المزيكا الهادية مش قادرةاوصفلك
السلام عليكم كلماتك رقيقة
mthlykaweyy
من حقك ان تكون مؤمن او ملحد
او حتى مشرك
هذا حقك وقناعتك الشخصيه
ومن حقك كذلك ان تطرح افكارك
وان تعرضها على الناس
اعتراضى
جاء على جمله واحده كتبتها
هى الاسلام الاسود
لماذا اختصصت الاسلام بالذكر دونا على الديانات الثلاث ؟
كان يمكنك ان تكتفى
من يريد ان يعرف حقيقه الاسلام
وكل الاديان والخرافات
فليزر بلوجى
وفقط
لان من المفروض انك تطرح فكره
او رأى انت مقتنع به
ولا يعنى هذا ان تسقط قناعتك على الاخرين
يمكننى ان اتناقش معك الى الابد
فيما يخص الاديان الثلاث
ولكن فكرة وجود الله ذاتها
اعتقد انها غير قابله للنقاش
هناك قوى عليا
لابد من وجود خالق للكون الذى نحيا فيه
والا اتخذت الحياة نفسها مظهر عبثى بلا معنى
هذا رأيى وقناعاتى
شكرا
-----------------------------------
rona
عارفه يا رونا
فى ناس من كتر ما بتحلم بحاجه حلوه جدا
وبعدين تشوف القبح اللى مليانه بيه الدنيا
بتفقد الامل ان حلمها الجميل ده يتحقق
لان الجمال فى وسط عالم القبح هذا اصبح اسطوره
علشان كده بتفضل مقتنعه ان حلمها مش هيتححق
وبعدين تلاقيه
ولانها كانت مش مصدقه انه يتحقق
تفضل تدعك فى عنيها علشان تصدق انه حقيقه
وتضيع وقت
وهوب
تلاقى حد تانى
ما ضيعش وقت
وشاف جمال الحلم
وراح واخده من قدامك وجارى
وانت لسه واقفه متنحه وبتدعكى فى عنيكى
-----------------------------------
رانيا
جبتى اللى فيه المفيد
هو القدر
الذى اختار اصحاب النفوس المرهفه
ليفرض عليهم قسوته وسطوته
هو القدر
القدر
القدر
-----------------------------------
صديقى العزيز
هى المعضله التى لا حل لها
هل ما حدث حدث لانه يجب ان يحدث ؟
ام حدث بسبب اننا تخاذلنا او تقاعسنافى السعى الى ما نريده ؟
هل هو القدر ونحن مصيرون كدمى فى يده ؟
ام ان نحن من نصنع قدرنا بايدنا ؟
اسئله لن توجد لها اجابه قاطعه او حاسمه ابدا
فقط سنظل نحاول ونأمل ونحلم
وان فشلنا
فقد نلنا شرف المحاوله
اتفق معك بشده
فى ان اكبر اشياء حققنها هى الصفر
هو الرقم الوحيد
الذى لا يتأثر ان وضعت بجانبه
علامة سالب او موجب
فيبقى اعظم انجازتنا
دمت صديقا دائما لى انت ومكسراتك
:)
-----------------------------------
ابو خالد
صديقى الصدوق
من جديد المح
الكلمه التى تجعلنى اتيه فرحا
" فنانتى الرقيقه
جميله جدا كلماتك هذه
سوف احفظها فى فايل وورد
لاقرئها كلما شئت
لان الحب الاول
فى نظرى هو اغلى وانقى علاقة حب يحياها الانسان
تكون المشاعر متفتحه فى اوجها
ولا يكون هناك صدمات سابقه او جروح
فيكون الحب فى ابهى صوره
لذا هو اصعب ما نخسره يوما
اسعد الله انت اوقاتك يا صديقى
كما تسعدنى رقة كلماتك
----------------------------------
د . ضياء
والله قريت الاسم مرتين فى التعليق علشان اتأكد انه بجد
لو قعدت اقول من هنا لاخر السنه حضرتك وحشتنى جدا جدا جدا
او اد ايه
هتفتكرنى ببالغ
كل بوست كنت بنزله
كان ما فيهوش تعليق حضرتك كنت باحس انه ناقص
لدرجة انى فكرت ان مستوى كتاباتى انحدر او ما عدتش كتاباتى عاجبه حضترتك
لان فى فوق العشرين بوست حضرتك ما علقتش عليهم
من هناك للالفيه الجايه
حضرتك وحشتنى جدا جدا اوى
د. ضياء
حضرتك فعلا اتأخرت عليا دقايق كتير
بس عمرى ما نسيت حضرتك
او بطلت ازور مدونتك
فأنا لن اتأخر عنك ابدا
ولو عده ثوانى
وما تغبش عليا تانى
:)
-----------------------------------
محمود
الغالى جدا
ما تزعلش منى يا محمود
بس انا مش مؤمنه بالمقوله دى
ما اخطاك ما كان ليصيبك وما اصابك ما كان ليخطئك
لان لو ركزت فى معناها
يبقى كأن احنا المفروض ما بنعملش حاجه فى دنيتنا غير اننا مصيريين
يعنى قاعدين مستنين اللى هيحصلنا
لانه مكتوب له انه يحصل
انا مؤمنه اننا نصنع قدرنا بايدنا يا محمود
بص
يمكن انا بالمثل ده هوضح كلامى افضل
احنا مصيرين فى جزء ومخيرين فى جزء
خد المثل ده انا مؤمنه بيه
فى لحظه ما فى حياتك
سيكون مكتوب عليك ان يكون امامك كوب مسموم
يعرضه عليك احدهم قائلا ان الموت هو الحل السحرى لجميع مشكلاتك
هذه هى لحظه التصيير
مكتوب عليك ان هذا الكوب فى هذه اللحظه سيوضع امامك
اما قرارك ان تتناول منه
او لا تتناول منه
فهذا خيارك
اتختار الموت ام الحياه؟
الهروب ام المواجهه؟
نحن من نصنع قدرنا
ولعلمك اللى لسه مخلينى ما اخترتش انى اشرب من الكوب رغم انه قدامى
ان فيه امل
انى ممكن اكون وصلت فى الميعاد بس انا لسه ماعرفتش
وعن تعليقك التانى
الكلام ده
مناسب جدا لحالتى النفسيه دلوقت
انت كتبت اللى عايزة اقوله وحساه بالضبط
ما هوش بعيد تفضل لبكره سعيــــــــــد
ده كل يوم فيه الف الف احتمـــــــــــــال
تخيل تقريبا بقالى
48
ساعه
الى السعاده اقرب
مش هاقول سعيده
بس المؤشر بيقترب الى السعاده اكتر
ميرسى جدا يا محمود
بجد الكلام ده
فرحنى جدا
طول ما فى بكره
فى امل فى السعاده
ما حدش عارف بكره فى ايه
وما نستش الامضاء
:)
-----------------------------------
قطة الصحراء
السؤال الابدى
قدر ام حظ ؟
مصير ام مخير ؟
خطأ منا ام هو قدر مكتوب؟
تحياتى
-----------------------------------
حسام
ممكن يكون كلامك صح وممكن لا
ما هى مثلا
ما كانتش هتروح تشترى الدوا الا لو كانت جربته قبل كده وعارفه انه بيساعدها
بس ممكن المره دى يكون فقد تأثيره عليها من طول الاستعمال
بس لسه برضه احتمال انه ما فقدش تأثيره وبيساعدها
والصديق اللى رحل
اكيد كان نفسها تقوله كلام كتير قبل ما يرحل
وهو برضه اكيد كان محتاج حد جنبه قبل ما يرحل
وبرضه فى احتمال ان فى لحظات الصديق الاخيره
تكتشف انه ما كانش صديق او على الاقل الصديق اللى بتتمناه
ويقولها اعتراف اخير على فراش الموت يغير صورته قدامها
ممكن وممكن
ونفس الشئ على القلاده والحلم
كل شئ يحمل احتمالين
الخطأ والصواب
النجاح والفشل
المهم اننا احنا نعمل اللى علينا علشان نوصل فى الميعاد
لو عملناه واتأخرنابرضه
يبقى قدر
لو ما عملنهوش وتقاعسنا
يبقى نلوم نفسنا مش القدر
تحياتى
-----------------------------------
اسكندرانى اوى
نعم امر محزن زقاسى
ما قد نفقده بسبب تأخرنا بضعة دقائق
وزى ما قلت لحسام فوق
المهم اننا احنا نعمل اللى علينا علشان نوصل فى الميعاد
لو عملناه واتأخرنابرضه
يبقى قدر
لو ما عملنهوش وتقاعسنا
يبقى نلوم نفسنا مش القدر
تحياتى
-----------------------------------
صحفيه روشه
احنا اتفقنا بقى انى هاسميك
صحفيه روشه وزى العسل
ايه اخبار الكليوباترا؟
والاخ خطيبك بتاع النيكست ؟
انت اول من علق على الموسيقى
اسعدنى انها اعجبتك
وانا فرحانه انك تعرف العسل اللى اسمه سوووو
تحياتى
-----------------------------------
رئـــــيسـة حزب الأحلام
وعليكم السلام ورحمة الله وبركاته
شكرا على التعليق الرقيق
والمرور الجميل
تحياتى
عزيزتي شرين
حاضر، هي المشاغل العلمية ليس إلا، ولكن حاضر، حاحاول أنظم وقتي بشكل أحسن من كده!!!!! 0
عميق تحيتي وخالص مودتي
ضياء
الغاليه شيرين
نحن مخيرون تاره ومصيرون تاره اخرى لا جدال فيها ومش مختلف معاكى فيها وبعتبر انى دى من جمله ما نتفق فه زى بوست المرايا والصوره الى كنتى حتنزليها فى بوست
ان يكون موشره السعاده عندك بدء فى التحرك ولو على استحياء افضل من التحرك وانك تكونى الى السعاده اقرب هو شى يسعدنى بالتاكيد تمنياتى انك موشره السعاده عندك يسجل سرعته القصوى فى اقرب وقت
محمود
M.FAWEY
يلا سا يتى عربى وانجليزى كمان التوقيع المره دى
يمكن تكون دقائق لا وممكن ثوانى
بس هيا دى الحياه وبرده هانفضل نحلم ونحاول نحقق حلمنا
ونموت من غير ما نحقق كل احلامنا
هى دى الحياه
بهيه هتستنى
يااا ماروع كلامك
ولكن ليس كل ما نحلك بيه لا ينحقق بعض الاحلام تتحق وبعضها لا فعلينا بالاحلام والتفائل
اجمل شى فى الطفول البرائه واجمل شى فى الشباب الاحلام فعلينا بالاحلام وان لم تتحق فى نصيب وقدر ونشكر الله على ذالك
تحياتى
شيرين
-------
ما المشكلة؟
هل أننا نريد شيئا لم نجتهد لنحافظ عليه؟
أم أننا أردنا ما لم يكن أبدا لنا؟
أم المشكلة فى أننا لم نرضى بفواته واعتبرناه حقا لنا من مجرد إرادتنا إياه؟
قدرى .. إن لم يكن هذا الشئ لى فإن حتى لو أمسكته بيدى وأخبأته تحت جلدى .. فسيموت منى أو يقتلنى
وإن كان هذا الشئ لى فحتى لو هرب منى هذه المرة فسيأتينى على أجنحة الطيور المغردة فى أشد أوقاتى وحدة وحاجة إليه
ولكن السؤال ... ماذا أريد ؟ ماذا لم أرى منه ؟ وماذا لم أفهم عنه؟
ماذا لو أردت شيئا كاملا ... كاملا جدا ، ولكن عندما وقعت عليه يدى لوثته.. ربما لن أسامح نفسى ، وربما .... هو يقتلنى
==============================
تحياتى شيرين
شيرين..
كلماتك.. داعبت أشجاني
حبيبتي شرين صاحبة اجمل لحظات
..........................
احيانا نصل متأخرين لبضع دقائق
وقد لا نصل على الاطلاق
واحيانا نصل مبكرين ولا نجد ما نفعله
هكذا هي الحياة
لا تسمح لنا بأن نحقق كل ما نأمل به
.......................
حزينة اوي يا شرين مثلي تماما
ادعو الله بأن تنتهي هذه المحنه لك ولي
.........................
هاي
انا كما يبدو وصلت متأخره بعد تعليثات كثيرة اردت ان اقول فقط ان مثلما يحدث هذا و نصل متأخرين رغم كفاجنا المرير لنصل في الوقت المناسب الا انه احبانا تصلي في الوقت المناسب و نحصلين علي ما تريدين و اول ما تبدأي بالاستمتاع به ينتهي ينكسر يتبخر في هذه الحاله صدقيني بتكون الحسرة اكبر و المها أشد كانت جدتي بتقول اطلبوا الحظ من الدنيا يا تري عندها حق
د. ضياء
تعليقين من حضرتك فى بوست واحد
ده انا هاطير من الفرح
د . ضياء
حقا شاكره انا لك انك تتابعنى من جديد
وانك تعدنى بمحاوله تنظيم وقتك
فزياراتك وتعليقاتك
تضيف الكمال الى كلماتى
كل الود
-----------------------------------
محمود
على العموم يا محمود
انا ما لمحتش ما بينا اختلاف الا فى حاجات بسيطه
ومش شخصيه
مثلا فى الاراء الدينيه
والسياسه
ما خرج عنهما
هو نادر ان نختلف فيه
عارف
كلمتك عن مؤشر السعاده دى
خلت يجيلى فكرة بوست
حأحاول اضبطه كده
واكتبه
ومن بقك لباب السما يا محمود
يارب مؤشر السعاده على الاقل لو ما وصلش لاقصاه
يثبت على وضع قريب من السعاده
عنه من الحزن
حتى لو كان واقف عند 51%
سعاده
انا موافقه
المهم انها اقرب للسعاده منها للحزن
شفت انا قنوعه ازاى ؟
:)
والامضاء بالعربى وبالانجليزى
ماشى ياعم
علشان لو نسيت امضا تانى
يبقى فى واحده احتياطى
:)
-----------------------------------
غنى يا بهيه
صح . اتفق معك
مهما الدنيا تعاندنا هنفضل نحلم
ومش هنبطل
ممكن بالاراده نحقق كل اللى احنا عايزينه
شوية اراده وصبر
ممكن تحقق المعجزات
تحياتى
-----------------------------------
محمد
اجمل شئ فى الطفوله فعلا هو البراءه
والبراءه دى
هى اللى بتخلى الاطفال يصدقوا ان كل احلامهم قابله للتحقيق
ممكن تلاقى طفل مصدق انه ممكن يطير
لانه طفل برئ
فاكر انه يقدر يحقق حلمه ده
عموما زى ما قلت قبل كده
شويه صبر واراده
ممكن تحقق معجزات
تحياتى
-----------------------------------
Arabic ID
صديقى العزيز
ما هو ده زى ما دايما باقول السؤال الابدى
هل ما حدث حدث لانه قدر ؟
ام نحن من تقاعسنا فى السعى ثم جلسنا نبكى ونندب حظنا ونلوم القدر ؟
الاجابه الوحيده التى املكها الان
هى ان
نحن نسعى الى ما نريد بكامل طاقتنا
ان حصلنا عليه
فهنيئا لنا
ام اذا سعينا بكل طاقتنا ولم نحصل عليه
حينها هو القدر ويكفيننا شرف المحاوله
واننا نعلم اننا لم نتقاعس او نتخاذل فى السعى الى ما نريده
عن كلمتك الرائعه هذه
وإن كان هذا الشئ لى فحتى لو هرب منى هذه المرة فسيأتينى على أجنحة الطيور المغردة فى أشد أوقاتى وحدة وحاجة إليه
هناك جمله مشابهه لذلك القول الذى اؤمن به
فى سايد بار المدونه
هى الجمله الاولى فى الكلمات الانجليزيه
وهى تعنى
اذا اردت شيئا ما بشده
اطلق سراحه
اذا عاد اليك فهو ملكك للابد
اذا لم يعد اليك
فهو لم يكن يوما ملكك منذ البدايه
تحياتى صديقى
-----------------------------------
كاريزما
مرحبا بك فى الزياره الاولى
اتمنى دوام المتابعه
وابعد الله عنك الاشجان
تحياتى
-----------------------------------
مى
يا حبيبتى
يا ملكة الرومانسيه
انا حساكى جدا من البوست اللى فات
وقلت ليك انى كلماتك ابكتنى
كانت تقطر دموعا كلماتك تلك
مى المشكله فعلا فى الوقت
يا اما نوصل بدرى ما نلاقيش حاجه نعملها
يا اما متأخر
واللى عايزينه يكون بقى ملك غيرنا
معادله الزمن دى معادله ملعونه
مى يا حبيتى
هادعيلك وبادعيلك
وكمان فى الصلاه هادعيلك
حاسه بيكى جدا والله
حتى فى تعليقك ده حاسه بدموعك وحزنك
ربنا يا رب يرفع عنك الحزن والدموع
ويحققلك كل السعاده
وما يخلش دموعك تكون الا دموع فرح
والله من قلبى يا مى
انت تستاهلى كل شئ جميل ونقى
كل الحب
-----------------------------------
someone in life
اول ما تبدأي بالاستمتاع به ينتهي ينكسر يتبخر في هذه الحاله صدقيني بتكون الحسرة اكبر و المها
مصدقاك جدا جدا جدا
لما الانسان يبتدى يدوق طعم السعاده
ويستعذبها وياخد عليها
تلاقى مره واحده الدنيا قلبت عليه
وادته وشها التانى
ساعتها بتعرف قيمة اللى كان فى ايدك وضاع
وبتحس بالخساره بشكل كبير جدا
لو ما كانش الواحد حس بطعم السعاده من الاول والدنيا قلبت
يبقى عادى يعنى ما فيش خساره كبيره
كل الالم وكل الحسره بتيجى بعد ما اللى اسعدك جدا اتاخد منك
ساعتها بتبقى الدموع بالضعف والوجع بالضعف
تحياتى
وكأن العالم يسخر منا
يعطينا الامل
ثم يسلبنا احلامنا فى النهاية
نحاول ونصمد ونتحدى
ثم يضيع العمر وتبقى ابتسامات الساخرين
goodman
كالعاده
تعليق مختصر فى الصميم
صديقى يجب ان اقول انك اصبت كبد الحقيقه بشده
وكأن العالم يسخر منا
يعطينا الامل
ثم يسلبنا احلامنا فى النهايه
احيانا اتساءل
لماذا اذن يرينا الزمن احلامنا ثم يجعلنا نتمزق وهى تذهب مع سوانا.
لماذا فقط لا يريحنا ويجعلنا لا نراها منذ البدايه حتى لا نشعر بالتكزق وهى تفارق مع سوانا
احيانا اشعر ان الزمن هو طفل مشاغب
يتسلى بتحطيم لعبه
المشكله
اننا نكون نحن هذه اللعب
تحياتى
تنفذين بسهولة الى أعماق مشاعر كل انسان
ألست فنانة؟
ماأقسى هذا الشعور دائما
شريف
لا يوجد اقسى من هذا الشعور
حلمك يفارق مع سواك
لانك تاخرت فقط ... بضع دقائق
الغاليه شيرين يسعدنى انى اكون ملهمك فى البوست الجديد ويشرفنى
محمود
M.FAWEY
محمود
الغالى
ربنا يخليك
وانت جيت متأخر بضع ثوانى
انا لسه منزله بوست جديد
والامضاء نص عربى ونص انجليزى
كده احسن
خلينا فى الوسط
بين البينين
صح
:)
عزيزتي شيرين
نعم ، دقات قلب المرء قائلة له .. أن الحياة دقائق و ثوان كما قال شاعر عربي حديث ، و قال آخر
قد يهون العمر الا ساعة ، و تهون الارض الا موضعا
تحياتي و تقديري
د. اياد
كلماتك تضيف لى قيمة لا ادرى ان كنت استحقها حقا
لكنى دوما اشعر انك عندما تزور مدونتى
لا تبحث فقط عن اخر بوست ثم تترك تعليقا وتذهب
بل تبحث هنا وهناك تقرأ
وتهضم
بل ربما اجروء على القول وتستمتع
اضفت لى الكثير من الثقة
عندما المح اكثر من تعليق لسيادتكم
على كلماتى
كل التقدير والاحترام
مرهفة الاحساس ..شيرين
بضع دقائق...ربما تبدو غايه في الهوان
لكن مصائرنا كلها تتعلق بها
في بضع دقائق
قد نقضي اياما نتألم...لكن كلمات اقرب الناس الينا تستطيع ان تنسينا الامنا..في بضع دقائق
قد نقع في الحب..وقد نخسرة..وقد يضيع منا الي الابد
قد يتأخر الحبيب ..ويعلن عن حبه بعد اتخاذنا قرارا بالتخلي عن اوهامنا..وربط حياتنا بكيان اخر وياتي هو بعد حماقتنا تلك..فقط ببضع دقائق
بضع دقائق فقط قد تنحصر فيها الحياة..ويختفي عندها الاحساس بالزمن
شيرين
اسعدتني كلماتك
سلمت ِ من كل سؤ
صديقتى
سلسبيل
لمستى ما اقصده بالفعل يا ذات الاختلاف الجينى الذى اعشقه
هو ذلك ما قصدته حقا
قد نقضي اياما نتألم...لكن كلمات اقرب الناس الينا تستطيع ان تنسينا الامنا..في بضع دقائق
قد يتأخر الحبيب ..ويعلن عن حبه بعد اتخاذنا قرارا بالتخلي عن اوهامنا..وربط حياتنا بكيان اخر وياتي هو بعد حماقتنا تلك..فقط ببضع دقائق
ولكنى لا ادرى اتكون تلك حماقتنا الخاصة ؟
ام حماقته هو انه تأخر فى اعلان مشاعره
كل الحب يا سلسبيل
Post a Comment