قالوا فى كتب الاساطير.. انك حلم .. خيال .. ولا وجود لك على ارض الواقع .. لذا لم اجدك يوما الاهناك .. فى عالم الاساطير .. تلهو مع خيول اليونيكورن .. تحلق مع ابوللو فى عربته الذهبيه نحو قرص الشمس .. تمتطى بيجاسوس ويدرك هو كما ادرك انا انك انت الفارس الاخير.
قالوا فى كتب الاساطير.. انك لا تنتمى الى عالم البشر .. بل انت كائن نورانى .. تحمل بداخلك حكمة سليمان .. وصبر ايوب .. ومعجزات عيسى .
قالوا فى كتب الاساطير.. ان الالهه ارادات اختبار مدى حماقة البشر .. فارسلتك للارض عل نورانيتك تطغى على حماقتهم فتضئ لهم الطريق نحو عالم اسمى .
عالم البشر.. قاس .. خادع .. وصلب .. وزائف .
وحينما تجسدت على الارض كواقع .. اغمض البشر الحمقى عيونهم بعد ان اغشاهم ضياءك .. فضلوا ان يحيوا بالظلام كعادتهم .. عن ان ينعموا بضياءك .
الا انا .. لم يؤلم ضياءك عينى .. ربما لانى انتمى لنفس العالم الذى تنتمى اليه .. اتجهت فى ثقة الى المركز الذى ينبعث منه الضياء .. و بداخله .. رأيتك .. لمستك .. واحتضنتك .. وحينما التقى جسدنا .. ازداد الضياء حتى انه كان يغشى ابصار هؤلاء الذين لا زالوا يغمضوا اعينهم .
ادركت الالهة اننا لا ننتمى الى عالم البشر .. القاس .. الخادع .. الصلب .. الزائف .
فكانت لحظة الارتفاع من جديد .. اصدرت الالهة الامرلنا بالعوده لعالمنا من جديد .. وبدأنا فى الارتفاع ببطئ .. وكلانا ملتحم بالاخر .. سوف نترك كوكب البشر بحماقتة ومبادئه وسخافاتة.. و نحيا فى العالم الذى ننتمى اليه .
.
37 comments:
اولا حمدا لله على عودتك
كدت لا اصدق عينياى حين رأيت هذا البوست
يا بنيتى
لكل عالمة الذى يعيشة
هنا على ارض الواقع
او هناك فى الخيال
وقليل قليل
من استطاع الجمع بينهما
الحدس يوجهنا
نحو النور
نحو الضياء
ولكن هذا لمن يرى
انا سعيد بعودتك جدا
وعارف انك هتقايلى سيل من الترحيب
هسيبك لية
وهرجع اعلق تانى
شيرين
حمد لله على اسلامه حقرى وارجع اعلق برحتى بس بجد والله مبسوط قوى قوى قوى
m.fawey
محمود
عوده قويه بكلمات رائعه طب الله عليكى يا شيرين لما كنتى عايزه تمشى وتسيبى التدوين نعرف طريق الابداع ده من فين مش حرام
حمد لله على السلامه ويارب ميكونش فى غيبه تانى
m.fawey
محمود
كانت كل ليله تحلم فيها يطلع عليها الصباح وعيناها دامعه حتى بدأ كل من حولها يسألونها عن ما أصابها فكانت تكتفي بالصمت وعند كثرة الحاحهم عليها نتظر إلى أعلى تعلق عينها بكتله الشمس الموهجه وتظل تركز تركز فيها حتى ظنوا بها انها جنت او بها مس
لكنها كانت تتبع بنظراتها من سبقها كانت تحلم بوجودها معه حتى اتاها في ليله رجل عجوز زو لحيه حمراء وشعر احمر مد لها يداه لم تترد هي الاخري في بسط يداها له ومشت معه ورويدا رويدا بدأ يعلوا بها من على الارض حتى ذهب بها الي قرص الشمس من جديد وهنا تحققت الاسطورة
هناك ادركت الشمس لم تكن في السماء بل عقلها ومن يصنع الحب ليس الكائن الاسطوري بل قلبها فرغبت ان تعود إلى الارض مره اخري لكن الاوان قد فات فقد احترقت كلها
صديقتى الغاليه حمد الله على السلامه
وكنت مفتقد قلمك بجد اتمنى تكونى في وسطنا على طول
دمتى بكل صحة وخير
صاحب المكسرات
سيد سعد
جميلتى
كائن بهذا الوصف حقاً أسطورة
كأساطير الحب الأول
هكذا الملائكة
ترى كل شئ جميل ونقى
وعلى فطرته الأولى
هكذا كل امرأة تحب
ترى حبيبها الرجل الأسطورة
لكن ليس هكذا كل من يكتب
بكل تلك الرقة
وقوة المعانى معاً
...
لن أصف لكِ مدى سعادتى بعودتك
فلن تعيها كلمات
دُمتِ بخير دائماً أيتها الرائعه الأسطوره
allah allah allah
why would you keep those beautiful words from us?
----------------------
my blog got white now,
I hope it will never got black again
;-)
----------
dear shreen
welcome back our souls to our hearts after the return of your beautiful words to us.
كثير منا يري انه لا ينتمني للعالم الذي يعيش فيه
ولكن اعداد قليلة منا من تستطيع المغادرة الي ذلك العالم الذي تتمناه
قد تكوني حققتي أحلامك بالانتقال الي ذلك العالم
لكنك قد تصدمي بواقع انه ليس بالعالم المثالي ايضا
سلاماتي
فكانت لحظة الارتفاع من جديد .. اصدرت الالهة الامرلنا بالعوده لعالمنا من جديد .. وبدأنا فى الارتفاع ببطئ
------
لا والله
هو دخول الحمام زي خروجه
بقى بعد ماتعلقنا بيكي وبالكلام الدرر اللي بتقوليه .. تقومي تقولي مش عارف ايه
لا ياختي ماينفعش
وبعدين اصلان اصلان اصلان .. مش بمزاجك يعني
مشيناها خطا كتبت علينا ياشيرين
ولازم نرضى باللي ربنا مقدره لينا
واقسملك بالله العظيم .. والله العظيم والله العظيم والله العظيم
يمين احاسب عليه يوم الدين
ربنا بيريدلنا الخير وبيهيئنا ليه .. بس احنا اللي مش بناخد بالنا
وحشتينا والله ووحشنا كلامك
وربنا يسعدك ويكرمك ويبسطك ويرضيكي دنيا وآخره يارب
سلاموووووووووز
صديقتى الغالية شيرين
حمدلله على السلامة نورتى التدوين مرة اخرى
النهارده يوم بجد حلو اوى وده برجوعك و عقد قران كاميليا
اجمل بنوتات المدونات و ارقهم
عالم الاساطير عالم جميل و نتمنا الحياة فيه و لكن الا ترين ان التناقضات فى دنيانا تجعلنا نرى قيمة الجمال و الحب
لا تلومى على من لم يستطيع الفهم و الرؤية فهو لم يشعر الحب بعد و لهذا فهو انسان مسكين تعيس ولا يعى انه كذلك
كونى بين اهل الارض فقد تكونى لبعضهم ذلك الشعاع الذى ينير قلوبهم و بصيرتهم
دومتى سعيدة و بخير
حمدلله على السلامة
وعودة رائعة
اول زيارة بس سعيد جدا بها
ومش اتكون الاخيرة
بس بجد رائع جدا جدا
تحياتى وتقبلى مرورى
الله اسلوبك رائع جدا
محدش يعرف مين احلى العالم الواقعي ولا الخيالي عشان بكل بساطه العالم الوحيد اللي جربنا نعيشه هو الواقعي
ياترى ممكن يكون الخيالي احلا؟
اخيرا
انا كل مرة بفتح مدونتك و يفضل قلبى يدق و الصفحة بتفتح من كتر ما انا متسربعة عايزة اعرف رجعتى و للا لسة
الحمد لله على سلامتك يا حبيبة قلبى
---------
وما اجمل ان نحيا فى عالم الخيال و الاساطير ننغمس فيه هروبا من عالم الواقع البشرى باحزانه و اوجاعه و آهاته
ولكن
الخوف كل الخوف من ان نصدق هذا العالم الخيالى الى ان يطغى على عقولنا و يتملك ارواحنا .. فنحيا و كأننا مغيبين و ينساب العمر من بين ايدينا فلا نكون قد حققنا خيالاتنا و اساطيرنا و لا نكون عشنا الواقع بحلوه و مره
تحياتى لك و لاسلوبك الرائع
بحبك
الله الله الله
عليكى ياشيرين
رجوع قوى ببوست اقوى
كل الى اقدر اقولهولك دلوقتى
حمد الله على السلامة
ياحبى ووحشتينى قوى
اجرى روحى مدونة كامى
هنيها يا شيرى
عقد قرانها الحمد لله
عقبال كل البنات يارب
شيرى بوست فعلا حلو جدا
كل كل الحب
بوسة كبيرة ليكى
رندا
صديقتي الغاليه علي ألبي شرين
اولا ألف ألف ألف حمدلله علي سلامتك وحشتيني كتييييييييييير و اشتقت ليكي و لكلماتك الرقيقه كتيييييييير
يارب تكوني بخير و صحتك تمام
بقه كنتي عايزه تسيبينا و تحرمينا من كل الكلمات الرقيقه دي ياشرين؟؟
بجد انا سعيده جدا برجوعك بسلامه و يارب مايكونش فيه غيبه تاني
صدقيني ياشرين العالم اللي بنعيش فيه ماليان كم تناقضات رهيب و كل اما بنحتك ببشر اكتر كل اما بنكتشف كم تناقضات اكتر
يكفينا في هذا العالم حب شخص واحد لكي نحيا
وجود الزيف و الغش و الخداع شر لابد منه لكن لازم نكون واخدين مناعتنا منه و مانخاليهوش يأثر علي نفسيتنا و راحه بالنا
الصوره معبره و الكلمات اكثر من رائعه ياشرين و الحاله الشعريه في منتهي الرقه و النعومه
تحياتي ليكي و عوده قويه ياجميله و يارب ماتغبيش عننا تاني
مع محبتي ايتها الغاليه
اولا حمد الله على سلامتك
البوست اسطورة ياشيرين
وهو اسطورة وانتى اسطورة
وحبكما اسطورة
فانعما بعالم الاساطير بعيدا عن ارض الواقع
المرير
حمد الله على السلامة ياباشا
أميرة الاساطير
نورتى مدونتك .. لاتغيبى أبدا حتى يظل لعالم التدوين ضياؤه
تظلى بكلماتك هذه أميرة الاساطير .. فانت تعيشين هناك .. كذلك تسكن روعتك
عودة تهز المشاعر وكأنها تفيقها من سباتها
هل ترين كم أسعدتينا؟
عمو
كعادتك
كلماتك عبارة عن حكمة مركزة
الحدس يوجهنا نحو النور نحن الضياء
ولكن هذا لمن يرى
الف الف شكر لكلماتك الرقيقة دوما وسؤالك المستمر ومتابعتك
دمت لى
-----------------------------------
محمود
دة انا اللى فرحانة اوى يا محمود
تعليقين منك
ورا بعض
ومن غير ما تنسى الامضاء
دة انت مبسوط فعلا بقى
:)
شرين
اية رايك فى الامضاء بتاعتى
:)
-----------------------------------
سيد صديقى العزيز
كم شعرت كلمتك هذة
" هناك ادركت الشمس لم تكن في السماء بل عقلها ومن يصنع الحب ليس الكائن الاسطوري بل قلبها "
نعم صديقى
رغم كل شئ
وكل الندوب والخدوش والطعنات
ما زال القلب قادرا على العطاء
وما زال كائنا اسطوريا
ندر ان يوجد مثلة فى عالم الواقع
دمت لى انت الاخر بكل خير وصحة وسعادة
-----------------------------------
دودو
اميرتى
لست انا الاسطورة
بل انت
انت من اثبت ان الخل الوفى
موجود على ارض الواقع
ولا يحيا فقط فى عالم الاساطير
كل الحب
-----------------------------------
arabic id
allah allah allah
دة اللى المفروض اقولة
بعد كل تعليق انت بتكتبهولى
امال لية انا حفظاهم فى فيلات وورد ؟
اشتقت كلماتك العربية
انتظرها بفارغ الصبر
كل الصداقة
-----------------------------------
el_assel
ربما لا يكون عالم مثالى
لكنة بالتأكيد افضل كثير من قسوة عالمنا
يكفى ان حبيبها يسكن معها فى هذا العالم
اعتقد ان ذلك جل امانيها
خالص الود
-----------------------------------
سوووو
وانا بقرا كلامك
حسيت انك واقف بتكلمنى
مش كانى بقرا الكلام
لا كانى سمعاة
وحسيت بصدق وتلقائية شديدة فى كلامك
ودة دايما اللى بيخلينى احس قريبة ليك
انك بتكتب الكلام من غير مونتاج
اللى فى قلبك على لسانك
ولان كلامك من القلب بيوصل للقلب على طول يا سوووو
ربنا يسعدك انت كمان وينولك اللى بتتمناة
سلامووووووز
-----------------------------------
صديقتى الغالية داليا
اذا كانت كتاباتى تسعدك
فبالتاكيد
تعليقاتك تسعدنى اكثر
عالم الاساطير عالم جميل و نتمنا الحياة فيه و لكن الا ترين ان التناقضات فى دنيانا تجعلنا نرى قيمة الجمال و الحب
نعم التناقضات تجعلنا نرى الحب والجمال
كما يجعلنا اللون الابيض ندرك ما هو اللون الاسود
ولكن ان كان كل ما تحصلى علية من الوان دوما اسود
الا ترغبين ان تبتعدى الى عالم يحوى ولو بصيصا من اللون الابيض؟
كل الحب
-----------------------------------
همس الاحباب
اتمنى انا الاخرى الا تكون تلك الزيارة الاخيرة
مرحبا بك دوما وفى اى وقت
:)
-----------------------------------
وائل
ما احنا مش هنعرف الا لما نجرب
يمكن يكون الامر يستحق التجربة
-----------------------------------
سمية
صديقتى الجميلة
اولا
اللقب اللى خاطبتينى بية
" حبيبة قلبى "
خلى مشاعرى كلها اهتزت
وقبل ما افوق من تأثير حبيبة قلبى
كتبت احبك
والله انا اللى بحبك
وبحب تلقائيتك
واحساسك ونقاء قلبك اللى بلاقية دايما فى كلامك
كفاية انك قولتى ان قلبك بيدق جامد لحد ما الصفحة تفتح علشان تتطمنى عليا وتشوفينى رجعت ولا لا
دة لوحدة دليل على جمال روحك
ربنا يديم محبتنا يا رب
:)
-----------------------------------
راندا
دة انا اللى هفضل ابوس فيك كتير مش بوسة واحدة كبيرة بس
انت عارفة طبعا كل اللى عملتية علشان ترجعينى
وعمرك ما اتخليتى عنى
هاروح دلوقت لكامليا
اقولها الفين مبروك
كل الحب والبوساااات الكتير ليك
-----------------------------------
صديقتى الغالية
اجندة
دوما تنتبهين الى الصور المصاحبة للبوست
ودوما تكون كلماتك فى الصميم
تلك الجملة
يكفينا في هذا العالم حب شخص واحد لكي نحيا
وهو كل ما تتمناة بطلة البوست
حب هذا الشخص الواحد لكى تحيا
والله انا مش كنت باحرمكم من الكلام ولا حاجة
بس اكيد انت نفسك مر عليكى لحظات من فقدان الرغبة فى كل واى شئ
لما الواحد يبقى عايز يقعد فى مكان ظلمة
ياخد الوضع الجنينى فى ركن الحجرة
من غير ما يعمل اى حاجة
ولا اى حد يكلمة
انا كنت كدة
والحمد لله الحالة فى مراحلها الاخيرة من الزوال
كل الحب ليك
----------------------------------
مدحت
الله يسلمك يا مدحت
الحب دة فعلا اسطورة
اللى بس يخوف ان الاساطير ما لهاش وجود الا فى عالم الخيال يا مدحت
واقعنا بيقتل اى جمال فى اى اسطورة
دمت لى
وسلملى على لبنى كتير جدااااا
-----------------------------------
شريف
ملك اللوحات
الذى يسكن عالم خرافى مثلى
ان اسعدتك يا شريف بالعودة للكتابة
فانت اسعدتنى بالعودة للتعليق
بعد ان كنت قد نسيتنى كثيرا
لكن ما بين الاصدقاء عتاب
فقط مودة
دمت لى يا احد قاطنى عالم الاساطير
:)
لم يؤلم ضياءك عينى .. ربما لانى انتمى لنفس العالم الذى تنتمى اليه
====
انتى تحملى حكمة سليمان وصبر ايوب ومعجزات عيسى انتى كائن نورانى انتى من اضئتى الطريق للبشر الحمقى انتى من عالم الاساطير ..... من منكم هبط على الارض اولا ؟؟
هل انت حقا بشر ؟
==========
اجابة هذا السؤال تتوقف على اجابتك لسؤالى
هل انتى حقا بشر ؟؟؟؟
عودة قويه
الى اقرب لقاء
رازى
صديقتي و أختي الغاليه شرين
اشكرك علي كلماتك الرقيقه في حقي
صدقيني ياشرين انا حاسه بيكي لأن بتمر عليا اوقات زي اللي بتحكي عنها بظبط و بكون عايزه ابقي لوحدي في اوضه ضلمه تمام زي اللي بتتكلمي عنه و الحاله دي لازم تاخد وقتها و مراحلها المختلفه عشان نقدر نتغلب عليها
كل اللي بتمناه انك ترجعلنا دايما بسلامه و تفضلي بينا لأنك انسانه مميزه و عزيزه علي قلوبنا كلنا و كلنا بنحبك اوي ياشرين و سعيده اني سمعت ان الحاله في طريقها للزوال و يارب ماترجع تاني
يومك جميل انشاء الله ياشرين
أبنتى الحبيبة
وفنانتى الرقيقة
شيرين
أترين كم الفرح بعودتك من محبيك و أصدقائك أنتى ياشيرين لمسة حانية فى أوقات صعبة ..أنتى كلمة رقيقة حين الشدة
فنانتى الرقيقة
أبقى معنا لا تتركينا
غيابك يؤثر فينا
قرأت كلمات الغالية سمية
و هى تكتب بتلقائية محببة للنفس قائلة : "اخيرا
انا كل مرة بفتح مدونتك و يفضل قلبى يدق و الصفحة بتفتح من كتر ما انا متسربعة عايزة اعرف رجعتى و للا لسة
الحمد لله على سلامتك يا حبيبة قلبى
++++++++
كلنا بنحبك يا شيرين
كونى معنا دائما
عزيزتي شيرين
عود حميد ، و قرار حكيم ، فالحياة تمر بنا جبالا و وهادا، و يمر كل شيء، و لا تبقى غير الكلمات ، فمن الخطا ان نخسر خلود الكلمات من اجل الاحداث العابرة
اما عن البوست المميز ، فمن خصائصنا الغريبة نحن البشر ، اننا جميعا نشترك لنجعل كوكب الارض مكانا قاسيا، و بذات الوقت، نتمنى جميعا ان نرحل عنه ، نعيب دنيانا و العيب فينا، و ليس لدنيانا عيب سوانا
تحياتي
غاليتى شيرين
واذا كنتى انتى عزيزتى ذلك البصيص من اللون الابيض لبعضنا .. هل تستطيعى حرماننا منه و انتى تحملين بداخلك ذلك القلب المحب للخير ؟؟
دمتى مُحبة للخير و للحياة
ازيك يا شيرين
انا سعيد انك بخير , صدقينى
كلامك فى البوست هنا هو لسان حال المحبين فى كل مكان وزمان, وحدهم يتكلمون بلغة نورانية شفافة لا يفهمها سواهم
وحدهم لا ينتمون لهذا العالم الا بجسد فانى ولكن أرواحهم دوما وابدأ خالدة خاصة اذا أكتملت بالحبيب
وحده الأنسان دون باقى المخلوقات يسعى دوما للكمال مع خالقه يسعى للتوحد مع النور هربا من الظلام
تحياتى
مش هأنسى السايد بار وهأكرر كلمة سبق وقلتى أنها من أحب الكلمات اليك
ـ ـ ـ ـ ـ
كونك متفرد فى وسط القطيع المتشابهه اشكاله والوانه
فهذا يعنى انك اول من سترصده عيون الكائنات المفترسه
وكونك ضعيف ومتفرد
فهذا حتما يعنى انك حتما اول من يسقط تحت المخالب والانياب
ولكن بالرغم من كل شئ تمتع بالفترة التى عشتها متفردا
مبروك العوده اسفه متأخرة بسبب العمل و التهاب في عيني
المهم انك رجعتي و ارجوا ان لا يؤثر عليكي احد مرة ثانية و لا تنسي رقم تليفون الجيران او حني البقال للاطمئنان عليكي
...
ماذا انت افروديت ام فينوس؟
الحياه في السماء جنة تري من ينالها ؟
حبي و مودتي
اجندا
صديقتى الغالية
الحالة فى طريقها للزوال
الحمد لله
لكن دوما هناك سيف معلق بشعرة رفيعة مهدد بالسقوط فوق رأسى دائما
مما يجعلها سعادة مشوبة بالخوف
اتمنة من الله ان يستجيب دعائك
يارب ما ترجع تانى
كل الحب
-----------------------------------
ابو خالد
انا الاخرى احبكم جميعا
وعشقت سمية من تلقائيتها فى التعبير عن مشاعرها بالكلمات
فهى تحتل الان مساحة مميزة فى قلبى
على كل انا لاحظت ان هذة المرة كانت ابنتى الحبيبة
تسبق فنانتى الرقيقة
اتمنى دوما ان اظل فى هذة الصورة التى رسمتها لى
لك منى كل المشاعر الصادقة
----------------------------------
د. اياد
ليس عودا بقدر ما هو قرار لحظى
لازلت مقلة فى زياراتى
وكذلك فى ردى على التعليقات
وحتى ردودى ان لاحظت
تختلف عن اسلوبى المعتاد
لكنى شعرت بوجوب الرد
حتى ان كنت مقلة فى زياراتى
لكنى بالفعل احاول العودة
بعد ان تعدت التعليقات المائة فى البوست السابق
كان لابد من ان افعل شيئا
خالص احترامى وتقديرى
-----------------------------------
داليا الرقيقة
انا هذا البصيص من اللون الابيض ؟
هل تعلمين كم اثرت فى هذة الكلمات القليلة
وانك تشعرين بان قلبى محب للخير
هل تعلمين القول الذى يقول
والذى نفسة بغير جمال لا يرى فى الوجود شيئا جميلا
يبدو انك روحك من اشد الارواح جمالا
لانك رايتنى بهذة الصورة
كل الحب
-----------------------------------
حازم
وانا سعيدة انك لازلت تتذكرنى
وتتذكر السايد بار
هذا هو حال المحبين .. نعم
ولكن أرواحهم دوما وابدأ خالدة خاصة اذا أكتملت بالحبيب
وما اصعب ان لم تكتمل بالحبيب
كل الصداقة
-----------------------------------
someone in life
الف سلامة عليك صديقتى العزيزة
اتمنى ان تكونى بخير الان
وحاضر
هاشوف انا حكاية تليفون البقال دى
;)
كل الحب
رازى
انا اسفة
ما شوفتش تعليقك غير دلوقت
انت تالت واحد يحصل فية الحكاية دى
اجرى الصفحة بسرعة
وافوت تعليق
موضوع انا حقا بشر دة
دة الناس اللى تقولة
لان صعب جدا الانسان يحكم على نفسة
الناس اللى حوالية هم اللى يقولة شايفينة ازاى
تحياتى
شيرى
القمر كلة لية تاج عندى
ممكن من فضلك تيجى تاخدية
بحبك
رندا
اذا داقت بك الدنيا فحاول ان تنقص من حجم جسدك واذا خنقتك الدنيا فالبعد عنها افضل
تعلمت منك سيدتى ان الاحلام ستاتى لا محال ولكن يجب علينا الا نستسلم للدنيا ونجعلها هى المنقاده لنا ونحن قائدوها
انتى انسانة اتت من زمن الاساطير قلبك يصدقها وعينيك تصطدم بالواقع اتمنى من الله ان تعيشى اسطوة جميله وتتحول الى واقع ولا ينكرها احد
اقولها بابتسامة عريضة وقلب فاض منه الحب والتافهم والتسامح الذى تعلمته من كل مدونة دخلتها
وداعــــــــــــــــــــــــا
رازى
اين انتي ياشيرين
مختفيه ليه
بقالك بتاع يوم مثلا ولا حاجه مش باينه
لا كده طولتي قوي يعني
لا ماينفعش الاسلوب ده
ومش هنقبل اي اعذار
لا خالص
لاممكن
استحاله
ماتحاوليش
طب خلاص خلاص
هنقبل اعتذارك بشرط انك تنزلي موضوع يكون في الجون
اصل محسوبك طالبه معاه شجن وجيت هنا مالقتش حاجه جديده
فرجعت وانا اجر اذيال الخيبه
ولو اني مش عارف مين اللي قال ان الخيبه ليها ديل يعني
يلا بقى اتجدعني ونزلي قد خمس سبع اتناشر عشرين موضوع ورا بعض
وربنا يسعدك ويكرمك ويبسطك دنيا وآخره يارب
سلاموووووووووز
الجميل عامل ايه؟صباح الفل
انا جايه اصبح و اطمن علي أحلي شرين في عالم البلوجز
طمنيني عليكي شرين
يارب تكوني بخير
شيرين
فين جديدك يا غاليه نحن فى حالة انتظار يارب تكونى بقيتى احسن دلوقت
حمد الله ع السلامه
ننتظر ضياءك مرة اخرى
فلا تغيبى كثيرا
تحياتى
راندا
انا جاية اخد التاج
وطبعا انت عارفة انى بحبك اوى .. جدا .. خالص
-------------------------------------رازى
مالك ؟ لية حاسة تعليقك حزين ؟
ولية كاتب فى النهاية وداعا
مش الى لقاء قريب كعادتك ؟
يارب تكون بخير
-------------------------------------
سووووو
انت تأمر يا سوووو
انا اقدر اتأخر عن طلباتك برضة
هاديك موضوع بس مش شجن يعنى
مخصوص ليك انت
شوفت بقى غلاوتك عندى
:)
-----------------------------------
اجندة
الرقيقة الغالية
صباح الفل يا قمر
لو انا احلى شرين فى البلوجز
يبقى انت احلى اجندة فى الكون كلة مش البلوجز بس
-----------------------------------
محمود
الغالى
انا الحمد الله احسن كتير
باشكر ربنا كل يوم على رحمتة بيا
----------------------------------
سنوح
الله يسلمك يا صديقى
-----------------------------------
داليا
الغالية
وكيف اغيب عن من ترانى اللون الابيض
انا من عشاق مدونتك والله بس انا برضه منقطعة من فترة فمعرفتش والله انك انقطعتي عن التدوين فترة
عموما حمد الله على السلامة واتمنى انها تكون فترة راحة بس وعمرك ماتسيبي التدوين لان بجد انا حاسة انك فنانة عظيمة وانا واله لو كنت دار نشر كنت نشرتلك على طول :)
الاسطورة اسطورة بنت تتمناها كل البنات
ارق تحياتي
Post a Comment