هل شاهدت يوما قطرة حبر تسقط فى كوب من الماء ؟
فى البداية تسقط فى مكان واحد .. ويظل فى البداية وللحظات قليلة .. هو ادكن موضع فى كوب الماء .
راقبها قليلا .. ستجدها بدأت فى الانتشار .. التشعب .. وبدأ الماء المحيط بقطرة الحبر فى اكتساب لونها .
حتى يكتسب الماء بأكملة لون الحبر .. ويصعب عليك تحديد مكان نزول القطرة الاولى تحديدا .
وبالتالى ويصعب عليك فصل الحبر عن الماء .. فقد تلون الكوب باكملة بلون الحبر .. واصبح الان لكى تتخلص من الحبر .. يجب ان تتخلص من الماء نفسه !!!
هكذا بدأ حبها لة .. نقطة ثابتة فى اعماقها .. اكتشفت وجودها .. حاولت تحديد اقامتها .. وفشلت !!
نقطة واحدة ثابتة .. ثم تشعب منها الى جميع اجزاء روحها وجسدها .. اصبح يمتزج بخلاياها .. ويحيا باعماقها !
اصبح وجوده بأى مكان وكل مكان بداخلها !
تحاول تحديد اقامتة فى نقطة بعينها .. تظن وهما انها نجحت .. لكنها تكتشف انه يسرى بأخرى .
اصبحت محاولة حصرحبه بنقطة بعينها نوعا من العبث .. نوعا من محاولة الامساك بالزئبق .
اخيرا .. استسلمت .. وخفضت كل الحواجز والمتاريس التى اقامتها لتحديد اقامته بداخلها .
وتركته يسرى .. اينما شاء وكيفما شاء .
23 comments:
الى كل اصدقائى
الذين غبت عنهم الفترة الماضيه افتقدتكم كثيرا
فقط سامحونى ان تأخرت بعض الشئ فى ردودى عليكم
حالة غريبه من الاستسلام والخمول تسيطر على
لكنى لم استطيع الانقطاع عن التدوين اكثر من ذلك
فقط اعذورونى ان تأخرت قليلا فى الردود
او لم تكن كما عهدتوها منى دوما
فقط مجرد طلب او عشم بين الاصدقاء
كل الحب لكم
فقط لأنى ذبت فيك
فقط لأنى قلب يحتويك
وفقط لأنك حبى الوحيد
سأمنحك ما فوق المستحيل
ستكون عمرا لأشجانى
تراعيها لتحرق وجدانى
وأصبح دفئا لأيامك
وأصبح شمسا للياليك
فقط لأنك الوحيد
الذى سأعشقه ما حييت
سأجعلك همسا من الماضى
يشغلنى عن حاضر صرخاتى
وليمت أملى وغدى
واللعنة على قلبى السقيم
ساكون حبا خالصا
من عالم غير البشر
مهما المعانى حاولت
أبدا ملامحه
لن تكتشف
------------------
ولكن السؤال
لماذا ؟ .. من الذى يستحق الجائزة؟ وما هى الجائزة؟
هل يستحق القلب المخلص جائزة قلبا خانه
أم هل يستحق القلب الخائن جائزة قلبا مخلصا
-------------
المشكلة
هل الإعتراف بالشئ يعنى الإستسلام
لا أظن ولكن الإعتراف بالشئ وحدوثه يجعلنا نعرف من أين نبدأ وماذا ننتظر عند وصولنا
هو ده هو ده الحب الحقيقى على رأى فؤاد
ولكن للأسف فى معظم الأحيان لا يكتمل ولكنه يعيش فى القلب و الروح و الجسد إلى الممات ..
حمد لله على عودتك للتدوين فنافذتك من النوافذ التى يحترمها كل عاقل
دمتى سعيدة مطمئنة
أبو خالد
عارفه يا شيرين اولا حمدلله على السلامه يا ستى مش تزورى حد ولا تعلقى عند حد بس كفايه ناجى احنا نزورك ونطمئن عليكى ده كفايه قوى عندنا
بص يا شيرين نقطه الحبر بتنتشر واتنشرت بس الحبر فى حاجه حلوه قوى انه مع كتر ما بيصبغ ما حوله بلونه الا انه احيانا لو لم يتماسك بيبهت وبيروح لونه يا شيرين
شيرين نقطه الحبر ممكن ما تكونش فى حاله الحب بتكون فى حاله الحزن احيانا كتير فاكره لما قلت ليكى الحزن بيجيب حزن والفرح بيجيب فرح اتمسكى بنقطه حبر ملونه بلون الفرحه واستسلمى انها تلونك بلونها يا شيرين وقاومى اى نقطه حبر سوده بلون الحزن يا شيرين علشان تقدرى تعيشى مش بالمعنى المجازى لا تعيشى بكل معانى انك تعيشى لنفسك ولمستقبلك وده حيكون كفايه ليكى
-------------------------------
انى اكون احد المستحيلات شرف ما بعده شرف مع انسانه رقيقه ذيك اكن ليها كل احترام
اتمنى فى المره القادمه ان تتغير اجابه سوالى بان تكونى بخير للايجاب ان شاء الله
محمود
يذوب بداخلها
ويمتزج بجميع خلاياها
ولكن الاهم من كل ذلك
هو احساسها بالأمان
ولن يتأتى هذا الاحساس
الا ان يعطيها هو اياه
لكي لا تندم على كل تلك الاشياء
بوست ولا اروع
وتشبيه جميل اوي اوي اوي
سيبي نقطه الحبر تسري وتتوغل
دعي الحب يكبر ويكبر
لا داعي لمحاوله حصره
لانه لو بالفعل حقيقي
يبقى نسيبه يكبر وينتشر
احيكي على ما كتبتي
حمد الله ع السلامه
بجد كنت قلقانه عليكى اوى
اما عن البوست فحلو ان الحب ينتشر ويتوغل ويلتمس كل حته ف جسمك وخصوصا اما يكون حقيقى فعلا
ولكن يكون صعب عليه انى انزعه واضع كل الحواجز لكى امنع وصوله الى قلبى بقوه المشاعر ولكنى افشل
واحبط من فشلى بانى افشل تلك القوه
بهذه الطريقه كيف ستكون الحياه؟
اتسائل واخاف الوصول للاجابه لانها مؤلمه للغايه
احاول التماسك واستجمع ع قد ما اقدر بانى ابان قويه
دومتى ...
وميلكانه وجهينه وكل حاجه
ارجو الا تمنعى قطرات الماء من حروفك ان تشبعنى وتروى عطشى
ياريت تدينى ايميلك علشان اعرف اتكلم معاكى علطول
واطمن عليكى اتمنه يكون ف كلام اكتر ما بينا...
تشبيهاتك دايما رائعه ياشيرين
والبوست تحفة
تحياتى
شيري الجميلة
الحلوة الغالية الرقيقة
الفراشة توأم روحي
احلى تدوينة فى عالم التدوين
والعالم الانسانى الخيالى الرومانسي
شيري حمدالله على السلامة
بجد انا مبسوط جدا لعودتك كنت حاسس انى لوحدي والله
واسف انى اتاخرت عليك بس اصلى مدخلتش النت من اربع ايام تصوري
ما انا قولت مدون فاشل يبقى فاشل واريح بقى
ولعلمك انا كنت ناوى اعمل بوست عنك انتى ونوراي للعودة
وطالما رجعتى خلاص هاكتب واحد تانى
متغبيش تانى شيري ارجوكى
وميرسى خالص انك قولتيلى
انت جميلة اوى
بالنسبة للبوست الرائع الائق
بجد هايلة اوى وفكرتك فوق الوصف
بس اكيد هى مش ندمانة دلوقت
ساعات بيكون الحب اقوى من حاجات كتير
تعرفى الحتة دي بتوجعنى
انتى عارفة بقى
ثم تشعب منها الى جميع اجزاء روحها وجسدها .. اصبح يمتزج بخلاياها .. ويحيا باعماقها !
هوستنى الحتة دي
انتى رمز غالى للحب
على فكرة انا هعمل مدونة جديدة قريب اسمها
عندما يفتح الحب مدونة
هتكونى معايا فيها صح
هى بتتكلم عن الحب ومشاكله وصوره الحالية فى القرن 2 والصورة الصحيحة وكل ما يخص حب الشباب اللى فى سننا وما يتعلق به من فن وغناء وادب وشعر ونثر ورسم وكل حاجة شبابية
عاوزين نخلق رومانسيتنا احنا
من زمن فات
حاولى تزورينى
وتحياتى
توأم روحي
كريم بهي
اذا وبكل بساطه كان الحب اقصد الحبر مغشوش من البدايه وهى فقط من خدعت نفسها واذا ركزت نظرها على الكوب سترى ان هذا الحبر يترسب فى القاع ويصبح مجرد ذكرى
فالشيئ الوحيد الذى يولد كبير ويضمحل مع الايام هو الحز
واخيرا حمدالله على السلامه وحشتينى بجد ومتعمليش كده تانى
الكتابه متنفعش من غير شرين
سلام
نعم انتشر و توغل
و بسط جناحيه فى قلوبنا
و سرى فى عروقنا
و صار مثل الماء لحياتنا
و لكن الى متى سنصبح خارى القوى امامه
الا متى سنصبح
مقيدين بحباله
الى متى عزيزتى
لقد انهك قوانا و اتعبنا و مع ذلك
نتنماه و نريد صحبته و نستسلم لسطوته
اعلم ان ما بكلماتى كثير من التناقض
و لكن اليس هذا قلب البشر ملىء بالتناقضات !!
*******
حبيبتى و رفيقتى
عودا حميدا
افتقدناك بشدة
تحياتى
Arabic ID
الصديق العزيز
وفقط لأنك حبى الوحيد
سأمنحك ما فوق المستحيل
هذا حق
عندما يتوغل الحب فى ثنياك
يصبح المستحيل كلمة حمقاء
نحن نصنع مستحيلاتنا بايدينا
ونهدمها بايدينا
وان كان هناك مستحيل
لا اعتقد انه يستطيع الصمود فى وجه قوى جارفه كالحب
فقط لأنك الوحيد
الذى سأعشقه ما حييت
يحدث هذا فى حاله واحده فقط
قد نقع فى الحب كثيرا
ثم نشفى منه ونعيش حب جديد
لكن حينما يكون الشخص الذى احببته
هو كل امالك واحلامك
صلواتك وادعيتك
كلها استجيبت
وتمثلت فى هذا الشخص
حينها يصبح الوحيد
الذى نعشقه ما حيينا
بعد ان لمست الكمال
لن ترضى بما هو ادنى
ساكون حبا خالصا
من عالم غير البشر
اصدق مقولة تقال عن احب
فعالم البشر
قاس وصلب وزائف
لكن حين نرتقى عنه الى عالم بسمو الحب
تنتهى تلك الصفات تحت مقصلة النقاء والطهر والصدق
اجابة عن السؤال
لماذا ؟ .. من الذى يستحق الجائزة؟ وما هى الجائزة؟
لماذا؟
لانه التجسد لكل حلم وكل دعوه وكل صلاه
من الذى يستحق الجائزة؟
هو وحده الذى تمثلت فيه هذه الصفات
وما هى الجائزة؟
الجائزه
هى حب لم يخلق مثله فى عالم البشر
هل يستحق القلب المخلص جائزة قلبا خانه؟
أم هل يستحق القلب الخائن جائزة قلبا مخلصا؟
القلب الخائن لا يستحق اى جوائز على الاطلاق ان خان حبا يعلو عن مرتبه البشر
هل الإعتراف بالشئ يعنى الإستسلام
لا أظن ولكن الإعتراف بالشئ وحدوثه يجعلنا نعرف من أين نبدأ وماذا ننتظر عند وصولنا
اتفق معك تماما فى هذه العباره
انها تعنى ان بشكل ما
ان عرف الداء فغالبا عرفت طريقة العلاج او الدواء
للتماثل الى الشفاء
دمت لى صديقى
ودامت لى تفسيراتك الرقيه لكلماتى المتواضعه
وكالعاده
الرد فى فايل وورد
كل الود
-----------------------------------
ابو خالد
هل تصدق لو اخبرتك ان جملتك تلك
حمد لله على عودتك للتدوين فنافذتك من النوافذ التى يحترمها كل عاقل
دمتى سعيدة مطمئنة
ادمعت عيناى
لم اشعر يوما انى غيابى او وجودى قد يؤثر باحد او ينتبه اليه احد
اتفق معك تماما بأن هذا هو الحب الحقيقى
لكن اتمنى الا تكون كلماتك تلك حقيقه
للأسف فى معظم الأحيان لا يكتمل ولكنه يعيش فى القلب و الروح و الجسد إلى الممات ..
لانه ان كان حقيقى
اعتقد انه قادر على تحطيم كل الصعاب والمستحيلات
فلا قوة على وجه الارض اقوى من الحب الحقيقى
الا تعتقد معى ذلك ؟
-----------------------------------
محمود
انا اتهريت نقط حبر اسود يا محمود
اخيرا فى نقطه لونها مختلف
انا هاسمع كلامك واتمسك بيها
بس زى ما قلتلك قبل كده
بخاف من لحظات السعاده
لانى لما بافرح بافرح اوى
علشان كده لما السعاده دى تدينى وشها التانى
بيبقى الزعل ضعف لحظات السعاده كمان
باختصار
تقدر تقول اتعقدت
فى وسط الوان قوس قزح
انا الوحيده تقريبا اللى ممكن تشوف فيه لون اسود
وانت فعلا زى ما قلتلك
المستحيل التانى
دايما باحس انى فى بالك وبتسأل عنى
انا بعتلك سلام مع رحيل
وعرفت منها اللى كان مزعلك
انا اعتقد انك فهمت الموضوع غلط
وكان عباره عن سوء تفاهم
انا الاول ما كنتش فاهمه هى بتتكلم عن ايه
بس باليل لما قعدت افكر
فهمت تقريبا انت كان قصدك ايه
ولما اكلمها تانى
هاوضحلها اللى انا فهمته
بس يارب اكون فهمت صح المره دى
:)
والمره دى انت ما وفرتش الامضاء
شوفت انا واخده بالى ازاى :)
----------------------------------
مى
تعليق فى الصميم يا مى
وواضح انه مناسب لحالتك النفسيه كمان اللى غالبا بتكون ماشيه مع حالتى النفسيه اللى انا حسيتها فى البوست الاخير بتاعك
ولن يتأتى هذا الاحساس
الا ان يعطيها هو اياه
صح الف فى الميه يا مى
يا ملكة الرومانسيه
سؤال اهبل شويه يا مى
انت برج العذراء ؟
كل الحب
-----------------------------------
اسكندراني اوي
ما هى بتسرى
حد يقدر يمنعها
الحبر اقوى من الميه بكتيييير
البوست بتاعك عن اسكندريه
خلاها توحشنى تانى
انا ما روحتش اسكندريه السنه دى غير مره واحده
فى اخر ديسمبر وقعدت ليناير علشان النوه
والصور اللى فى الفيدو اللى انت منزله
خلتنى عايزة اسافر تانى
بس موسم النوات انتهى
وانا بحب اروح فيه
تحياتى
وسلملى على شط اسكندريه
-----------------------------------
بوب
الرقيقه
انت قلقانه عليا يا حبيبتى
ربنا يخليكى ليا
انا موفقاك ان اجابة السؤال ممكن تكون موجعه جدا
بس لو الحب حقيقى ومتبادل
ممكن نكون مطمنين اكتر من كده
فما نخافش من السؤال اساسا
انا كمان عايزه اتكلم معاك
بس ما ينفعش كده احط اميلى قدام كل الناس
هافكر فى حل
وانت فكرى معايا
واكيد هنلاقى
طريقة
كل الحب والصداقه
-----------------------------------
مدحت
شكرا جدا
وعجبنى كلامك
عن ان الانسان ما يكتبش غير اللى بيؤمن بيه
رغم انك خرجت المدونه عن المود الرومانسى الجديد اللى انا بحبه
بس اكيد هترجعله تانى
ربنا يسعدك
ويديم عليك نعمة الحب
-----------------------------------
كريم
والله ساعات بقرا كلامك
من غير سبب بادمع
انت طيب جدا يا كريم
يمكن بادمع علشان كنت بطلت اصدق ان فى ناس زيك كده
وبعدين بطل يا كريم تقول مدون فاشل
والكلام الاهبل اللى ناس هبله بتردده عليك
احنا مش اتفقنا اننا خارج القطيع
وعلشان كده ناس كتير مش بتفهمنا
المهم احنا شايفين نفسنا ازاى
ومش مهم رأى اللى بيحاولوا يكسرونا
لانهم مش عارفين يكونوا زينا
انت والله يا كريم لو تعرف المصايب والاحباطات اللى حصلتلى فى حياتى
هتقول دى عايشة لغاية دلوقت ازاى؟
او على الاقل ازاى لسه عاقله؟
او ازاى ما بقتش غول بتقتل القطط الصغيره فى الظلمه ؟
واحده صاحبتى مره قالتلى
يا بنتى ده انت جبل
انت مرتى بتجارب ومصايب الواحد ممكن يعيش 100 سنه وما يمرش بنصها
وشوف انا لسه شرين برده
بحب الناس
وما عرفش القسوه ولا الكراهيه
وبعامل الناس كلهم على اساس انهم ملايكه
لكن غالبا بيكون العكس صحيح وانا اللى بدفع التمن
ودايما اصبر نفسى واقول
ان انا اكون مظلومه
احسن ما اكون ظالمه
فاهمنى يا كريم
ما تسيبش حد يأثر فى قناعاتك ومبادئك
مستنياك لما تفتح المدونه
وان شاء الله انا معاك
انا رحتلك
لقيتك ما نزلتش جديد
مستنيه جديدك
ربنا يسعدك يا كريم
ويحققلك كل اللى تتمناه
محمد
انت الوحيد اللى شوفت البوست من المنظور ده
بس خد بالك ان الحبر حتى لو ترسب فى القاع
فهو لسه فى الميه
والقاع هو اعمق مكان فى الجسم
فشوف بقى لما يبقى فى اعمق مكان وجوه الجسم
يبقى تأثيره ايه ؟
اتفق معك تماما ان الحزن يولد كبير
لكنه لا يضمحل مع الايام
على الاقل حزنى انا لا يفعل
فقط قد نضع حوله غلاله رقيقه تخفيه عن تعين من حولنا وعن انفسنا
لكننا دائما ندرك بوجوده
مهما القينا عليه من اغطيه
فهو دائما موجود باسفلها
بجد ربنا يخليك
كلماتك دى رقيقه جدا
حمدالله على السلامه وحشتينى بجد ومتعمليش كده تانى
الكتابه متنفعش من غير شرين
انا كنت باقول لابو خالد فوق
انا ما عمرى ما حسيت ان وجودى او عدمه ممكن يأثر فى حد او يثير انتباه حد
شكرا ليك انك حسستنى انى على قدر ما من الاهميه
الف شكر انت ما تعرفش الكلمات دى بتعمل فيا ايه
-----------------------------------
رانيا
غاليتى
اجابة عن سؤالك الى متى ؟
الى الابد يا رانيا
للابد
قد نبدو اقوياء فى نواحى كثيره من الحياه
ولكن حينما نقع فى الحب
نصبح مثل الورقه فى مهب الريح
حينا تكون نسيما فتداعبنا ونتلذذ بذلك
وحينا تكون عواصف ترفعنا وتطرحنا ارضا ولا تدعنا الا منهكى القوى
فلا نملك حينها الا ان نتذكر حنو النسمات حتى تمر العواصف
اقرأى كلمات غاده السمان بالاعلى
فوق مربع التعليقات
فهى تحمل ذات الاجابه تقريبا
لا فرار لنا من الحب
افتقدتك انا الاخرى
كل الحب غاليتى
صديقتى الجميلة شرين
حمدالله على السلامة مخبيش عليكي انا زعلت لما لقيتك نويتى تبعدي فترة ومكانشي في اي مساحة للمناقشة معانا
بس رجوعك نساني خلاص وسماح المرة دية
------
لن اتحدث عن الموضوع مباشرة ولكنى سأتحدث عن الجزء المعنوي فيه
بمنتهي البراعة فعلا عبرتى عن الحب وكيف يتقبلة صاحب القلب الصادق وكيف يكون واقع هذا الحب على كل شبر في حياتة
نعم يا شرين الحب ينتشر في في الجسد ببطئ غريب دون ان نشعر به حتى يملك كل ابواب افكارنا وحياتنا ونشعر بذلك وبقيمتة عندما يخل الطرف الاخر بوعدة نجد انا كل مفاتيح حياتنا ليست في ايدينا او بمعنى ادق في ايدنا فعلا لكننا لا نقوى على استخدامها
------
مش عارف نقطة الحبر درجات لونها من الثبات للون الباهت من يكون اية علاقتها مع الحب لكنى شوفت انك تقصدي بداية الحب كشئ قابل للذوبان بسهوله وفرض طبعه ونمطه على قلبنا اللي عبرتى عنه بالماء
لكن المهم انت بجد كنتى وحشانا ومتغبيش تاني انت ليكي ناس كتير ليك معزة عندهم
صديقك صاحب المكسرات
سيد سعد
تدوينة أعمق من أن أعلق عليها , هى فقط جعلتنى أتمنى ان أكون هذه النقطة السوداء من الحبر , والا يحدنى حد
تحياتى تحياتى تحياتى
العزيزه شيرين
قلتلك قبل كده فى بشر بيمرو بحياه الانسان دون ان يتركو اى بصمه وفى ناس بتظل اقوالهم وافعالهم دون وجودهم ذات اثر وقلت انك واحده من دول لاسباب كتير مش مجالها ولا وقتها
بصى يا شيرين دلوقتى نتفق انك مش تتمسكى بالنقطه دى بس لا سيبى نفسك ليها خالص اتوحدى معاها اتلونى بيها بلونها
اوعى تتعقدى يا شيرين اوعى تسيبى حقك فى الابتسامه وحقك انك تعيشى لحظات سعاده كامله متكامله حتى لو انتى عارفه انك بكره ممكن تزعلى او تجيكى لحظات حزن مضاعفه بس ان شاء الله لما تيجى لحظه سعاده بعد الحزن يا شيرين اكيد حتكون سعادتك بيها اضعاف حزنك
-----------------------------
شيرين اى ما كان الى انتى فهمتيه او اى ما كان الى قالتو ليكى رحيل انا فعلا طلبت منها انها تبلغك رساله وصلت متاخر مش مشكله انتى فهمتى ايه مش مشكله حتوصلى ليها الرد او لا لا يعنى فى الامر شى
يكفينى ان اكون احد المستحيلات بالنسبه ليكى
وانتى قلتى الى كان مزعلك وكان فعل ماضى فنقفل الموضوع واعتبريه مات
محمود
صديقتي العزيزه شرين
اولا و قبل اي حاجه ألف ألف حمدلله علي سلامتك
كلنا افتقدناكي الفتره اللي فاتت و يارب يارب تكوني بخير و في احسن حال
كلماتك معبره ياشرين عن حاله الحب اللي كتيره مننا بيعيشها
بيبتدي كنقطه و يبتدي يتشعب لحد مايملي علينا كل كياننا و يايكون حب ايجابي يايكون حب سلبي
ربنا يبعد عنك اي حاجه وحشه ياشرين و يسعدك دايما و يفرح ألبك و حمدلله علي سلامتك تاني
:))))
عزيزتى
شرين
كويس انك حسيتى انك مش قادره تستغنى عن التدوين
ده معناه ان ليه قيمه فى حياتك ووجوده مهم جدا ليكى
شوفى النقطه اللى بتنزل فى فينا مش بنكون عارفين ايه هيه
نقطه حبر
ولا نقطه عسل
لما تنزل وتتغلغل جوانا بنبتدى نعرف ونفهم طبيعتها
مش عارف بقه ليه فى ناس لما تعرف طبيعتها مش بتقدر تخرج ما فعلته هذه النقطه من مشاعر حلوة زائفه
ليه اللى جوانا مش بيقدر على النقطه دى بالذات ان اللى جوانا شئ جميل
ازاى الجمال يقبل ويضعف ادام الاشياء القبيحه
المفروض اللى جواه جميل يندمج بس مع كل جميل
تحياتى
وتشبيهك جميل ورائع
احيييك
سلاام
شرين
وصف رائع ياعزيزتى
ابدعتى حقا
تحياتى وحبى
صديقى العزيز جدا
سيد
انا زى ما قلت والله انا لما بعدت
كان علشان ما اقلقش حد انى لا بنزل جديد ولا ارد على تعليق
وما تخيلتش اصلا ان وجودى من عدمه ممكن يعمل فرق عند اى حد
-----------
فعلا الحب بيسرى جوانا ببطء ومره واحده
تجد ان كيانا اخر يحيا بداخلك
وهو من يمتلك مقاليد الامور
كيانا يحيا بداخلك ويسرى فى عروقك مجرى الدم
حتى ان يوما جال بخاطرى خاطر غريب
ان يوما لو قرر انسان عاشق ان يحدد فصيلة دمه
سيجدها قد اصبحت فصيلة دم من يحب
خاطر غريب اليس كذلك ؟
عن ما قصدته بالحبر
وانت تساءلت عن تدرج لون الحبر من الداكن للافتح
كنت اقصد به الذوبان
تماما
لا الحبر اصبح حبرا
ولا الماء اصبح ماء
اصبح من المستحيل ان تتخلص من احاهما دون الاخر
اى ان عند الحب لا سبيل للخلاص منه الا بالتخلص من الكيان ذاته
دمت لى صديقا دائما
-----------------------------------
حازم
كلنا نبغى ان نكون تلك النقطه من الحبر فى داخل شخص ما
وان يكون هو ذاته نقطة الحبر فى داخلنا
فى الحب لا حدود
هو امتزاج وانصهار وفقط
دمت بكل ود
-----------------------------------
محمود
الغالى
ما اعرفش يا محمود ليه لما قريت كلمتك دى دمعت
قلتلك قبل كده فى بشر بيمرو بحياه الانسان دون ان يتركو اى بصمه وفى ناس بتظل اقوالهم وافعالهم دون وجودهم ذات اثر وقلت انك واحده من دول لاسباب كتير مش مجالها ولا وقتها
وحسيت ان
بجد انا مش مدياك حقك
تخيل يا محمود
نفسى كان احس ان انا كده بالنسبه لحد
انى اثرت فيه
او حس انى مختلفه عن الناس التانيه
وكان وجودى فى حياته الشخص ده ليه معنى
انا عماله اعيط وانا باكتب لك الكلام ده
بس نصيحه منى يا محمود
وما تسألش ايه السبب
ما ترسمليش صوره حلوه اوى كده جواك
لان ممكن تتصدم فى يوم من الايام
انا ماسكه فى نقطة الحبر يا محمود
وطايره بيها
وباحاول ما اتعقدش اوى
بس سايبه كل حاجه حاليا لربنا
وانت فعلا من المستحيلات التلاته
وكل ما بتكتبلى بأتكد انك كده
وانت ما نستش الامضاء برده
:)
-----------------------------------
اجنده الجميله
صديقتى العزيزه من خلف الستار
دعواتك وصلتنى جدا
ومستنى جدا
وحسيت بصدقها جدا جدا
ربنا يسعدك انت ويحققلك كل اللى بتتمنيه
والله انا كمان افتقدتكم كلكم
بس انا لما بحس انى ممكن اكون تقيله شويه عليكم
بنسحب شويه
اللى انت قولتيه هو بالضبط اللى اقصده
بيبتدى نقطه صغيره
وفى خلال وقت قصير
تلاقيه بيسرى فى جسمك وروحك وعقلك
لدرجه انك تحسى ان فى كيان تانى عايش جواك
كل الحب ليك
-----------------------------------
حسام
مش هتصدق لو قلتلك
ان يمكن الحاجه الوحيده اللى بتخلينى احس ان ليا كيان
هى الكتابه
وان احسن صديق هو الورق
دايما تلاقيه جنبك مستعد يسمعك
ويسمع شكواك
على كل يا حسام
انا فصدت انى اوضح بنقطه الحبر التغلغل
اللى بيبان لما بتقع فى الميه
ما كنتش اقصد لونها او اى حاجه تانيه
لو كنت استعملت العسل مثلا زى ما قلت
ما كانش هينفع اوضح ذوبان اللون فى الميه
وكان ممكن احتاج انى اضيف الى البوست جزء لتذوق الماء بعد ان سقط فيه العسل
يارب اكون اقدرت اوصلك المعنى اللى كان فى خيالى بالضبط
دمت يا حسام
-----------------------------------
رحيل
حبيبتى
اللى كان بقالها مده حرمانى من زيارتها
انا كلامى هيجى ايه جنب البوست بتاعك اللى خلانى اعيط وانا بقراه
بتاع القيد
تقريا كان اسمه
جروح الروح
او جروح فى الروح
اللى انا كتبته ده
كده خيال
الواحد نفسه يلاقيه حقيقه
كل الحب والصداقه ليك
بجد يا شيرى كلامك اد ايه وحشنى
افكارك عبقريه بطريقه تجنن لدرجه انى سعات بأعد اسال نفسى انتى بتجيبى الخيالات دى منين اصلا
فبجد وحشااااااااانى ويارب يارب يارب مش تغيبى تانى عننا:)
lonlysmily
يا حبيبتى
تعليقين منك
على بوستين
كل واحد اجمل من التانى
عن موضوع خيلاتى دى باجيبها منين
دايما بيكون ليها اصل
يعنى حكايه الحبر دى
انا كنت بافكر الحب الصح هو اللى بيبقى مره واحده كده
ولا اللى بيبتدى جوه القلب
وبعدين يبتدى يكبر وينتشر فى كل مكان
وانا بافكر الفكره دى
حسيت انه زى الحبر لما يقع فى ميه
ويبتدى ينتشر فى الميه
بحيث ما ينفعش تفصلى الاتنين عن بعض بعد كده
دة كان سبب البوست ده
وانت كمان وحشانى جدا
ودايما ابتسم لما المح تعليقاتك
وادعيلك ربنا يوفقك فى كلية الهندسه بتاعتك
كل الحب
Post a Comment