اسمك يتردد بقوه بداخلى .. ابغى ان انطقة . اكرره . اعلن للعالم اجمع انك دوما كنت تحيا بداخلى .. لكن العالم حولى يضن على ان فقط انطق اسمك ..اكاد اجن .. لابد ان اراه بمكان ما غير ثنايا ذاتى .. يجب ان اراه ماثلا امامى
فعلى غبار المائده ..
انقش اسمك
.. وعلى بداية مذكراتى وكل اوراقى
اكتب اسمك
وعلى الجدران .
بكل الوان الطيف
اكتب.. اسمك
.. وعلى البخار المتراكم على الزجاج
اكتب.. اسمك
وبمياة الامطار على النوافذ
اكتب.. اسمك
وعلى رمال الشاطئ
انقش .. اسمك .
وحينما اذهب للنوم على وسادتى وانت بعيد عنى
اجد دموعى تتجمع على الوساده
لتكون اسمك
اخيرا اغفو
تأتينى فى احلامى
اخيرا فى احضانك
يمكن لشفتى ان تهمس .. اسمك .
34 comments:
تحياتي
نعيش لنحب و نأمل في الحب... فما أجمل
الحب الحقيقي...و ما أجمل اللحظات التي
نحياها محبيين.
تحياتي و تقديري
الرقيقة / شرين
نعم إن اسم من نحب هو تعويذتنا الخاصة لطرد ما نعانيه من وحشة
فدائما ما نتأمل حروفه لكأنما يكمن المحبوب في تفاصيلها
وإننا في أحيان كثيرة نبحث عمن نثق به لنخبره باسم من نحب
لنرى ذلك السحر الذي قد يسيطر عليه عند سماعه لهذا الاسم
هذا البوست لفتة لا تصدق لسيطرة لاوعينا على ذواتنا في لحظات خضوعنا لفعل الحب
فنضبط أنفسنا مسكونين بكتابة كلمة واحدة قد لا تعني شيئا بالنسبة لكثيرين
لكنها كما قلت آنفا هي تعويذتنا لطرد خوفنا من الفقد
شكرا لسؤالك ـ العزيز جدا ـ عنا في زمن يندر فيه من هم مثلك
مودتي
فنانتى الرقيقة /شيرين
لا ابالغ بوصفك فنانة رقيقة المشاعر فهذا و اضح للعيان و كلماتك تشع رقة و عذوبة و رومانسية تتحدثين عن أسمه و تصورين صورة مرت بكل من أحب و هذا الأرتباط بأسم الحبيب الأول تجربة إنسانية يشعر بهاكل من عاش الحب
تصورى شيرين نفس التصرف مع أسم أول حب لا زلت إلى يومى هذا و بعد إنقضاء العمر اكتبه و ارسمه و اتفنن فى ترديده
الم أقل لك تجربة إنسانية
دمتى رقيقة الأحساس و المشاعر
و سعيد كونك تعتبرينى صديق صدوق
أبو خالد
دموعك اللي بتكون اسمه على الوسادة
كونت في خيالي صورة جميلة جدا
جميلة ودافئة
غاليتى نعم هو الاسم
فهو فقط ما نرددة بلساننا بكلامنا بقلبنا بروحنا
نعشق اسما نعشق روحا هائمة
نعشق كل ما يختص به و له
فهو العشق و الحب عزيزتى
فكلماتك تشدو رقة و جمال و روعة
و وواقعية ايضا
ففى كل لحظة ننقش اسما عبر لوح زجاج او مذاكرات او حتى ننقشه و نحفره اكثر و اكثر فى اذهاننا
تحياتى و مودتى
اسم المحبوب سيدتي
أوفى الاصدقاء
يرى عبرات العين
و صمت الكبرياء
و لسان القلب الهامس
بلا خوفٍ
الناطق
بلا حرفٍ
و ما أسكته
الا الحياء
أبوح
و لا يفشي سري
من فرط الوفاء
شيرين
قلمك مختلف النكهة و المذاق
فدعيني هنا ألتقط شهيقا عميقا
انه الاختزال هى تلك العمليه الصعبه حين نختزل كل ما يمر بنا فى هذا العالم لمجرد اسم من نحب ولكن تبقى عقد العالم من قصص الحب والمحبين واعتبار الحب هو الخطئيه الكبرى فلا تجروئين ان تهمس باسمه خوفا من هذا العالم وتكتفين برسمه فى كل المشاهد التى تمر بك
ولكن بين احضانه تشعرين بالامان تهربين من العالم وتبعد عنه حينها فقط تبعدين عن التكلف ويكون من حقك ان تهتفى باسمه
:$
لاتعليق
محمود
شيرين
وقفت كثيرا ابحث عن تعليق لك
يكون مناسبا لما احسست بة
جرأة
صراحة
رقة
عزوبة
حلم
حس مرهف
عالم مختلف يدرك ولا يخشى
كل دة مش مهم
الاهم انى ولا اعلم السبب هل هو النص المكتوب ام الهوامش ام الالوان ام الصور
الاهم انى حسيت ان اللى جوة
زى اللى برة
يعنى صدقتة
ولا ادرى ان كان هذا فقط ام لة بقية
فهذة اول زيارة لى
تقبلى مرورى
وتحياتى
عزيزتي شيرين
فقط كما قلت لك سابقا، حتى و لو تكتبي شعرا ، فلغتك شاعرة، مشكلة اسم من نحب ، او حتى من اكتسب لقب سابق ممن أحببنا يوما، انا نجد على لساننا حلاوة حقيقية حين ننطق باسمه ، فهو اسم ينطقه اللسان فيستجيب له الجنان خفاقا
تحية و تقدير كبيرين
الغاليه شيرين
انا فهمت قصدك والله بعدها بس كنت كتبت التعليق فانا بعتزر على سوء الفهم منى
m.fawey
محمود
الربان
اجمل اللحظات
هى تلك التى نتنفس
فيها انفاس الحبيب
اللحظات التى يمكننا ان ننطق فيها اسمه همسا
دون ان نخشى شيئا
تحياتى
-----------------------------------
محمد
العزيز جدا
غبت طويلا هذه المره
فاستخدمت حق الصداقه
للسؤال
فى احد مدوناتك المفتوحه
اعتقد ان على هذا البوست
كلماتك هى الافضل
لن هذا هو عينة ما كنت اقصده
حالة اللاوعى التى تسيطر علينا فى حالة الحب
تجد نفسك شاردا تخط شيئا مبهما فى مكان ما
تنظر .. تجده اسم الحبيب
انت لم تتعمد كتابته
لكن خلاياك التى تصرخ منادية اياه
هى من دفعت لخط هذا الاسم
لعل فى تجسده امامك
يطرد عنك بعضا من الوحدة فى عالمك
اتمنى الا تغيب عنى طويلا هذه المره
مودتى الصافيه
-----------------------------------
صديقى الفنان
ابو خالد
تعليقاتك اصبحت جزء لا يتجزء من المدونه
انتظرها بعد كل بوست جديد
صديقى
لا زلت تخط اسم حبك الاول
وتصفنى اناكلماتى بالرومانسية والرقة
ان كان للرومانسية اسم فى هذه الصفحه
فهو ابو خالد
كل الصداقه
-----------------------------------
مصطفى السيد سمير
مبروك صدور ديوانك الاول
وتعليقك رقيق جدا
انتقيت بالذات لحظة الدموع
وعشتها فى خيالك
اعتقد لان الدموع هى اصدق وسيلة للتعبير عن المشاعر
فيبدو انك تمتلك الكثير منها
المشاعر اقصد وليس الدموع
تحياتى
-----------------------------------
رانيا
انت فين يا بنتى ؟
المدونات بتاعتك مش بتفتح ليه ؟
انت قفلاها ومخصمانا يعنى ؟
نعشق يا غاليتى
اسما
رسما
كلمة
بل كيانا كاملا
نتمسك به
وفى لحظات الوحده
نجده يندفع خارجنا
ليخط وجوده فى كل مكان بعالمنا
كل الود
-----------------------------------
وجة جديد
كلماتك عبرت عن كلماتى ذاتها وان كان فى اسلوب اشد رقيا وافضل لغه
تحياتى سيدى على رقتك وموهبتك
-----------------------------------
محمود
الغالى جدا
هل تتذكر بوست
محاكمة ساحره
هو ذاته نفس الخوف وعقد الاخرين
من كلمة حب
فيظهر فقط فى اللا وعى
ويفصح عن نفسه فى كل الموجدات بعالم الحبيبه
لكن مره اخرى يا محمود
قلت لى
لكن بين احضانه تشعرين بالامان تهربين من العالم وتبعد عنه حينها فقط تبعدين عن التكلف ويكون من حقك ان تهتفى باسمه
ليس احضانه بالفعل
بل هى الاحلام التى يأتى فيهاتنعم هى باحضانه
اخيرا اغفو
تأتينى فى احلامى
اخيرا فى احضانك
يمكن لشفتى ان تهمس .. اسمك .
حتى احضانه حلم
وماشى
المرة دى افتكرت الامضاء بس متأخر
بس المره دى هافوتها
لكن المره الجايه لا مممكن ابدا
مع الاعتذار " لعبد الفتاح القصرى "
:)
---------------------------------
عمو
اعدها كلمة غالية جدا تلك
" الاهم انى حسيت ان اللى جوة
زى اللى برة
يعنى صدقتة"
هذا هو جل ما ابغاه
ان ينتقل الصدق فى الاحاسيس الى من يقرأها
فالى من يمتلك هذه القدره الى النفاذ الى عمق الكلمه
اتمنى بالتأكيد الا تكون الزيارة الاولى هى الزياره الاخيره
تحياتى
-----------------------------------
د. اياد
لغتى شاعرة
سيادتك تصفنى بذلك
من احد افضل الشعراء
الى انسانه تخط كلمات بسيطة
فقط تكتبها بكل احساسها
هو اسم الحبيب
الذى لا نستطيع نطقه
لكنه يفرض وجوده على كل الموجودات حولنا
لا وعينا يفصح عن ما بداخلنا
كل الود
د.اياد
-----------------------------------
محمود
ملحوقه .. خلاص
ولا يهمك يا سييدى
كده واضحه
:)
عارفه يا شيرين مع كل الهروب من الواقع بيكون واقعنا الحلم وواقعنا كابوس عايشين فيه فى اللحظه دى بيتخلط الواقع بالحلم ومبنقدرش نفرق بينهم وبتحصل عندى كتير
على فكره يا شيرين لما قريت البوست ده ربطت بين الاتنين وكنت حشير لكده بس نسيت
m.fawey
محمود
محمود
حلوة اوى الجمله دى
واقعنا هو الحلم
جميله
وواقعيه
وانا مقتنعه بيها وباطبقها
بس دلوقت ساعات دماغى بتضرب والخبط ايه اللى حصل بجد وايه اللى ما حصلش
عارف الناس العواجيز لما بتبتدى تخرف
انا بقيت زيهم كده
دماغى تاعبنى
وخدت بالى من الامضا
:)
حتى لو جاءكى فى واقع الحياه..
فلا أجمل عنده من ان تنطقى اسمه..
فابقى عى حالك..
ارسميه .. اكتبيه .. أنقشيه
وحين يأتيك .. لا تردديه علنا .. واحتفظى بنطقه همسا فى اذنه..
تحياتى لك..
سمية لطفى..
شرين
ياويلنا من الحب
نصرخ
عندما نحب
ونصرخ
عندما ننصهر فى الحب
ونصرخ
عندما يصارحنا بكل الحب
يارب تصرخى بكل الحب اكتر وتقولى زفافى قرب
فالحب صرخة
ياشرين نعم ننطق باسمة ونحيا برسمة
مااجملة الشعور بصرخةالحب
البوست حلو قوى وكلماتك فيها كل
العذوبة
وحشتينى قوى
رندا
صحيح
اعمل اية لو عايزة ايميلك
ههههههه
رندا
مازلت مصمم ان طريقتك رائعه ومعبره جدا ورومانسيه لابعد الحدود
يابخته صاحب الاسم
بجد بجد يا شيرين
انا مش عارف اى شيطان يمليكى هذه الكلمات .. بس أكيد دى حالة حب مزمنة جدا
ـ ـ ـ ـ ـ ـ ـ ـ ـ ـ ـ ـ ـ ـ
من السايد بار كالعادة وربنا مايقطعلنا عادة
if u start thinking that u know everything
be sure that u don't know anything
الكلمة دى بتوصف حالى فى وقت ما .. أحمد ربنا انى تخطيته من زمن
تحياتى
عزيزتى
الاسم لما يكون لشئ بنحبه مش بيكون مجرد حروف وبس
الاسم ساعتها بيكون كائن ليه شكل
كائن ليه ملامح ليه طعم حلو نتذوقه
كائن له رائحه عاطره نشمها
كائن ممكن ان يصبح مسكن او ان يصبح بداية لابتسامة او لدمعه
وطول ما الحبيب بعيد طول ما الاسم قريب جدا
فالاسم هو الشئ الوحيد الذى تلمسه من حبيبك حتى وهو غاتب وبعيد عنك
تحياتى
سلام
أتسائل
من أى نار أنت
النار التى تطهرنى
أم التى تعذبنى
هل أنت من تحرق بخورى
أم أنت من تفنى أملى
هل تساومنى على عشقى
فإن حبى لن يفنى
وهل تنادينى للتيه
كيف وصوتك هو هدفى
أبدا لن تعرفنى
فقد أحرقتنى
ولا اظنك تفهمنى
فأنت بحبك قتلتنى
كيف تغرقنى فيك
أيها الشارد الحزين
ثم تنكرنى ووجودى
فى كتابك الثمين
==============
شيرين الرقيقة
لا أدرى إلا أنك جعلتنى أتسائل
أسمه ، فقط أسمه ، حتى أسمه
حرفا يغزل فجرا
وحرفا يأسر قلبا
وحرفا يحرره من قيده
ثم حرفا يقتل القلب وينفيه
=============
تحياتى لك
عارفه ياشيرين
لما باغيب وبعدين ارجع لمدونتك
باحس بشعور غريب قوي والله
شعور حلو كده
وبجد بجد انتي وكاكيليا من اكتر المدونات اللي باحس انكم بتتكلمو فيها بلسان اللي مش كويسين في التعبير عن مشاعرهم بالشعر والخواطر
ملحوظه
شد انتباهي تعليق ليكي في مدونة صحفيه روشه بتتكلمي فيه عنني
بجد الف شكر وبجد مش عارف اقولك ايه
وعايز قطة .. ماليش دعوة اتصرفي بقى
سلاموووووووووووووز
ربما يكون الحب احساسا قويا
لكن تنطفئ جذوته اذا بالغنا فيه
فاجمل شىء فى الحب هو انه لايوصف
تحياتى عمرو
أنا القمر الذي
يضيء مرة واحدة ..
كل عمر ...
الموجة الأقوى
من الجزر
والنهار الذي يقاتلُ الليل...
البريق .. الذي يعشق العيون،
والألق الذي يضيء في الخدود
مثل زهر الربيع..
بأناملي .. أغزل خيوط الصباح
وأضيء أحلام الشفق
وأكتب أسرارَ الفرح الأبديّ
فلماذا بعد كل هذا تتعجبون
انها ترتاح لمجرد ذكر اسمي
..
اشتقت اليكِ يا صديقة
كلمات رقيقة ..خُيل لي وأنا اقرأها موسيقى على الخلفية للرائعة فيروز..باكتب اسمك ياحبيبي
دائما ما كنتِ رقيقة صديقتي المبدعة
فلك المودة
فعلا فاسم الشخص قد يكون الشئ الوحيد المتروك لكى
أسلوبك فريد ومتميز
بالتوفيق دائما
بسيط و رائع يا صديقتي
اسمك روايتي و حكايتي
اسمك نشيد الاناشيد
اترتم به بين اضلاعي
طالما حييت
تحياتي
سمية
لا يمكن ترديده
ولا يمكن كتمانه
فيعلن عن وجوده فى صورة وسطيه
بين النطق واللانطق
فيكتب و ينقش
ويهمس
فى الاحلام
تحياتى
-----------------------------------
رندا
احيانا اعتقد ان الصرخات مثل الدموع
فقد نصرخ الما او فرحا
مثل الدموع قد نبكى الما او فرحا
اتمنى ان اشعر ايهما يوما فرحا
وعلى الايميل يا ستى
ممكن تعمليلك اى ايميل كده فى السريع
واكتبهولى هنا
وبعدين هابعتلك من ايميلى عليه
وبعد كده ابقى ادينى ايملك اللى بتستعمليه
لان طبعا مش هينفع لا انا ولا انتى ننشر الميل الاصلى بتاعنا كده
وانت كمان وحشانى
هاجى عندك كمان شويه
استنينى
:)
-----------------------------------
وائل
شكرا يا وائل على كلامك الرقيق
بس صاحب الاسم ده
حلم
خيال
او بمعنى ادق امنيات
تحياتى
-----------------------------------
حازم
اقولك سر .. هو ملاك اللى بيملنى هذه الكلمات
ملاك .. مكلبظ .. وليه اجنحه
واعمى
واسمه كيوبيد
وعلى السايد بار
بامن على دعوتك
امين يا رب
بس هنعمل ايه لما الجمل اللى فى السايد بار تخلص ؟
والحمد لله انك خلصت من الحالة دى
انا الحمد لله ما مرتش بيها
بس شوفت حولايا ناس كتير بتتصرف على الاساس ده
وهم السبب انى كتبت الجمله دى
تحياتى
-----------------------------------
حسام
فعلا
كلامك صح
الاسم لما نكون لحد بنحبه
بيصبح كيان ليه وجود مادى
وكان بترديدنا للاسم
نتلمس به وجودا ماديا للحبيب الغائب
تحياتى
-----------------------------------
arabic id
صديقى الفنان
كالعاده ساقول كلاما مكررا
كلماتك فى فايل وورد
وكلاما مكررا اخر
كلماتك تحتل مكانة خاصة عندى
احيانا اقوم بتأخير نزول بوستات
فى انتظار تعليقات اعتز بها
على البوست المنشور بالفعل
انت احد القلائل الذين انتظر تعليقاتهم
كل الود
-----------------------------------
سوووو
يا جميل .. يا رقيق .. ياللى بحس قلبك من اطيب القلوب
انت عرف طبعا ان الشعور متبادل
وانا لما بغيب عنك
بيكون اصلا لان مودى دايما فى اغلبه اكتئاب
فاكر الدقن والشنب اللى كنت انت ونورسين عايزين تلبسوهم علشان تضحكونى
علشان كده ممكن اتأخر عليك
واغيب
لان طبعا انت كلامك زى العسل ودمك خفيف
اقوم انا اجى عندك وانا مكتئبه
مش هاعرف اكتب تعليق عدل
ولو كتبت هيطلع كئيب زى صاحبته
فباستنى لما مودى يتعدل
واروحلك
واقرى كل اللى فات بذمه
واعلقلك على كلامك اللذيذ
وعلى صحفيه روشه
يا بنى ده انا كل ما الاقى حد احس انه بيكتب زيك كده
اقوم قيلاله عليك
يمكن اخليك تكسب صديق او صديقه تلاقى نفسك معاه
وقولت لصحفيه روشه
وهى طلعت عسل وروشه فعلا وعرفاك
وقالتلى سووو دة حبيب قلبى
وقلت لجنه كمان عليك
وكل ما الاقى حد هاقوله
هاعملك نشرات واعلانات
ايه رأيك؟
بدون فوائد وبدون ضرائب
والقطه دلوقت
نايمه ورايا
على الكرسى
ومخليانى قاعده على طرف الكرسى يا دوبك بالعافيه
ذل الحيوان لاخيه الانسان
عاوز انت قطه تعمل فيك كده؟
:)
-----------------------------------
انسان بلا عنوان
اجمل شئ فى الحب انه لا يوصف
صحيح
لكن لن تنطفئ جذوته لو بالغنا فيه
لان الحب من المفروض انه اخذ وعطاء
كما تمنح حبا تلقى حبا
وان تقاعست فى اظهار هذا الحب
هذا هو الذى يطفئ جذوته
تحياتى
-----------------------------------
رجل المطر
اين انت يا مجنون فاطمة؟
اشتقتك حقا
حاولت زيارة مدونتك اكثر من مره لكنها كانت مغلقه
وحاولت ترك تعليق فى اسرار اون لاين
لم تفتح صفحة التعليقات
كلمات من الرائعة هذة التى كتبتها فى التعليق؟
انت
ام هى كلمات لاحد الشعراء؟
ايا كانت سوف اقوم بحفظها فى فايل وورد
واكرر
اشتقتك صديقى
لا تنقطع او تغلق مدونتك ابدا
فهى حبل التواصل بيننا
:)
-----------------------------------
د. روفى
الفنانة الرقيقة
يكفى ان تذكرك كلماتى المتواضعة
بكلمات وصوت الرائعة فيروز
هذا يكفينى لاصاب بالغرور
دوما فنانة انت
حتى فى تعليقاتك
خالص مودتى
-----------------------------------
monaliza
ربما يكون الشئ الوحيد الباقى
وان كنت اتمنى الا يكون الشئ الوحيد الباقى
تحياتى
-----------------------------------
someone in life
صديقتى الرقيقه
هو كل ما قلتيه
واكثر
كل الود
اخيرا اغفو تأتينى فى احلامى اخيرا فى احضانك يمكن لشفتى ان تهمس .. اسمك
تعبير فوق الرائع
وفعلا حاجة صعبة قوي لما الواحد يبقى عايز يملى الدنيا باسم اللى بيحبه وميقدرش ينطقه غير في احلامه
تحياتي
ساره
نعم هم اصعب شئ
حين يفرض عليك الصمت
ان تمنعى من نطق احب كلمة الى قلبك
اسم حبيبك
فتعلن عن نفسها فى الموجودات
حولنا
رغبة صامته فى التمرد
كل الود
وعلى الايميل يا ستى
ممكن تعمليلك اى ايميل كده فى السريع
واكتبهولى هنا
وبعدين هابعتلك من ايميلى عليه
وبعد كده ابقى ادينى ايملك اللى بتستعمليه
لان طبعا مش هينفع لا انا ولا انتى ننشر الميل الاصلى بتاعنا كده
وانت كمان وحشانى
هاجى عندك كمان شويه
استنينى
اقولك طيب زورينا فى مدونتى وادينى انتى اى ايميل
مع الاسف مش بعرف اعمل حساب جديد ههههه
اهو عندى هناك شوية هدوء ومفيش حد عندى ههههه
تحياتى ومستنياكى
رندا
حاضر يا رندا
كل الحب
حبيبتى شيرين
طالما أحببتى من قلبك
فمهما كان حبك
ومهما يكن محبوبك
فأعلنى حبك بكل كبرياء وثقه
أصرخى باسمه كما تشائين
ولا تعيرى أحد أدنى اهتمام
فيكفيكى فخرا بحبك له
تحياتى :)
lonlysmily
انت بقى اللى حبيبتى
ايه رأيك ؟
:)
يوما ما سأفعل
حين اجده
لى
والى ذلك الحين
سأكتفى بالاحلام
كل الحب
Post a Comment