كان لوح زجاج غالى الثمن .. من نوع ثمين غير قابل للكسر
هذة هى حكايتة :
الضربة الاولى .
تلقاها اللوح فى صمود وقوة .. لم يظهر به حتى تشققا .. فقط صوت عالى مدوى بعد الضربة التى اصابتة بتلك المطرقة الحديدية القوية
لكنها عادت خائبة بعدما تحمل اللوح الضربة فى صمود وقوة .
الضربة الثانية .
تلقاها اللوح فى نفس الموضع الذى تلقى بة ضربته السابقة .. لم يتهشم .. وانما ظهر حول مركز الضربة .. شرخ بسيط . يكاد ان يكون غير مرئى الا للعين المدققة .
لكن بالرغم من كل شئ لا يزال اللوح يقف فى شموخ .
الضربة الثالثة .
فى نفس الموضع الذى تلقى بة اللوح الضربتين السابقتين .. ظهرت التشققات واضحة حول مركز الضربات .. مرئية وواضحة للكل.. ولكن لايزال اللوح متماسكا لم تتناثر اجزائة بعد .
الضربة الرابعة .
فى نفس الموضع الذى تلقى بة اللوح الضربات الثلاثة السابقة .. انهار اللوح .. تماما ..تهاوى .. وتساقط الزجاج ..الغالى الثمن ارضا .. وبينما الناس تدوسة ارضا باحذيتها .. وتنظر باشمئزاز الى الزجاج المتناثر ارضا .. الذى يعوق حركتهم .. ويفسد اطارات سيارتهم .. لم يدركوا ابدا .. انة كان زجاج غالى الثمن ..
زجاج من نوع غير قابل للكسر .
37 comments:
بالطبع فهمت المغزى من العنوان
لأني مررت بتامل مماثل من قبل
---
أتمنى ألا تُزيد الضربات من تهشم زجاج روحك العنيده القويه
---
سرديه عاليه .. عاجبني الإيجاز المبتكر ف البوستس الأخيره
مودتي
مصطفى
انتظر دوما تعليقاتك هذة
تمتلك قدرة عالية على النقد
وتمتلك ذات القدرة فى التعبير
وكذلك الاحساس العالى
يمكنك انت تصبح كاتبا ناقدا مؤلف او حتى مخرج
ودوما انتظر كلماتك
خالص تقديرى
حلو اوي سردك للموضوع يا شيري
الواحد لو تعمق فيه...حيلاقى ان فيه ناس زي لوح الزجاج ده يتلقوا ضربات متتاليه...هذه الضربات فى الاصل تضعفهم لكن ظاهريا...هم اقوياء...و مع كل ضربه كان يحدث شيء ما داخليا
الى ان تأتي الضربه الأخيره الذي تطرحه ارضا
تفتكري بعد ان تناثرت أشلاءه
هل له من قيام مره أخرى؟؟؟؟
شيرين الرقيقة
أفكار كثيرة تريدنى أكتبها فأسمحى لى بأن أطيل إذا أطلت
=========
أولا ... لماذا زجاج؟؟ ولماذا غالى لا ينكسر؟
طبعا أنا فاهم التشبيه ولكن سؤال أخر
ما معنى انكسر.. تفتت أم انهزم، أعتقد أن التفتت لا يعنى إلا وسيلة مقاومة أخرى فإنه قد تخلى عن وظيفته ليحافظ على أجزائه ، فإذا كانت وظيفته لا تتحقق بكونه لوح كبير ضعيف فإنه بتفتته قد أصبح أكثر قوة بل وأكثر تمويها ، نعم تراجع خطوة فى مكانته ولكن حفاظا على نوعه
======
القلب
القلب ليس زجاجى الملامح
إنما مشاعره سهلة الكسر
تبوء بإثم كل عابر
وهى تنتحر من مجرد الهمس
ولكن حبى يعاندها
ظل لا يصدقها
فيكسرها ويكسرها
حتى انتهت
مشاعرى ماتت
وصرت قلب فيه حب وبلا مشاعر
===========
أعتقد أن ما سطرته للتو غير منطقى
قلب فيه حب وبلا مشاعر
فكيف يحيا الحب إذن
حينها سيكون مجرد البرواز دون الصورة
هل هذا ممكن؟؟ إنها أشد الصور حزنا قد أتخيلها
=========
تحياتى لك شيرين
ولقد تركت ردا على البوست السابق
صديقتي شيرين
..........
جميل جدا الاسقاط الضمني اللي انتي مصوراه.
نصيحتي الدائمة لكي
(اياكي والانكسار)
تحياتي.
ليس عدلا ان نطلب منه الصمود
امام كل تلك الضربات
ففى يوما سينكسر
فكانت الضربات قاسية و متتاليه
كيف له ان يصمد
و لا ينكسر
و تتناثر اشلاؤه
و تنساه الناس
و كما تنساه من قاموا بتسديد الضربات له
يا الهى كم هى نهايه مفجعه لزجاج رقيق و غالى الثمن
و نحسبه لا ينكسر
تحياتى غاليتى
دمتى مبدعه
أبنتي الرقيقة و فنانتي الغالية /شيرين
دوما نتلقي الضربات
دوما نتلقي الصفعات
و لكنا نختلف عن لوح الزجاج غالي الثمن
لأنه و ببساطة تهشم مع تكرار تلقي الضربات
و نحن دم و أعصاب و فكر
و لا أقبل التهشم
استعين بالله تعالي
أبحث عن أرواح مثل روحي
أتواصل معها و لكني أبدا
لا أقبل التهشم
أبنتي جميلة الروح /شيرين
أفتقدك كثيرا
و أفتقد فكرك العالي
و أشتقت كثيرا
لأشعارك
و كلماتك
عودي لنا بكامل روحك بنيتي
أنتي مننا و نحن منك
دمتي أغلي و أرق الأبناء
حاولت اشوفلك ايميل عشان ابعتلك تعليقي ده لكن مالقتش
وقلت اقولهولك هنا ولو اني بخاف ان بعض الناس تسيء فهمي او تفتكر اني بابالغ في اللي هاقولهه
حسيت بكل كلمة في الموضوع ده بطريقه موجعه قوي ياشيرين
اول ضربه خدتها .. لما شفت امي الله يرحمها وقعت من طولها قدامي ومافيش حد جنبي ولا اخواتي ولا ابويا عملو حاجه
تاني ضربة خدتها لما طلعت بيها عالمستشفى وهي بين الحياه والموت وبقيت بافضل صاحي جنبها وانا باشوفها تعبانه وبتتوجع وما املكش غير اني ادعيلها ان ربنا يلطف بيها
تالت ضربه لما صحتها اتحسنت وحمدت ربنا واعتقدت انها بقت كويسه وبعدها بمافيش اربعه وعشرين ساعه .. انتقلت الى جوار الله
رابع ضربه واللي خلتني اصبت بانهيار عصبي وبقيت باتردد على عيادات الاطباء النفسيين .. لما لقيت ابويا بعد اقل من اسبوع من وفاتها بيصرح برغبته في الجواز واخواتي ماعندهمش اي مانع لانهم بطبعهم مش متواجدين في البيت
----
عارفه القزاز اللي اتفتفت جوايا رجع ازاي لحالة تشابه حالته الاصليه؟؟؟
لما اتعرفت عليكي وعلى كل المدونين المحترمين اللي بجد حسيت ان ربنا بيكافئني على صبري وبيعرفني عليهم
لا املك الا ان ادعي لك بخير الدنيا والاخره يا احلى شيرين في الشيرينات المتشريينه في الدنيا كلها
سلاموووووووووووز
جميلة بجد
الله انا بجد سعيد بشكل لا يوصف بالمدونه دي
حاسس انها زي الحلم
عجبني قوي
الكلمات في الشريط الجانبي للمدونه
بجد شيء رائع انا لم اترك كلمه واحده دون قرائه
وكنت سعيد عندما وجدت كلمات احفظها عن ظهر قلب
مثل
--------------------------
حسى الاخلاقى لا علاقه له بالقيم والتقاليد الباليه المسيطرة على العالم من حولى
انا اضع قوانينى الخاصه واملك حسى الاخلاقى الخاص
ولا اسمح لاحد ان يملى على ما يراه ضميره هو مناسبا او اخلاقيا
---------------------------
مدونه جميله جدا وانا سعيد بزيارتها
وان شاء الله مش الزياره الاخيره
تحياتي علي الموضوعات الرائعه
انسان عاشق حر
تامر الحسيني
شيرى كل زجاج من النوع الحقيقى لا ينكسر
وكل قلب لا يعرف الهزيان لا ينكسر
كونى قلب لا ينكسر
وكونى قلب لا يعرف العذاب
لان قلبك غالى جدا
اسفة على تاخيرى
كان عندى كلمات كثيرة
ولكن كل لما اقرا البوست
كلماتى تضيع وسط كلماتك
بوست حلو اوى
وتشبية رائع افقدنى صوابى
فتاهت كلماتى
بحبك اوى ووحشتنيى اوى
رندا
آهٍ سيدتي
فلقد طحن الزجاج طحنا
فما تبقى لنا
إلا مسحوق حياة
تحياتي لتدوينتك الرائعة
تدوينة
زجاجية الموضوع
فولاذية المضمون
واحدة مفروسة
عارفة المثل اللى بيقول اللى اتكسر عمرة ما يتصلح؟
دة صح جدا
حتى لو خدتى المكسور وجمعتى اجزاءة تانى ولزقتيها مع بعض
هيفضل باين برضة الشروخ والكسور
عمرة ما هيرجع لمنظرة الاولانى
-----------------------------------
arabic id
صديقى الدائم
بل انا اتفهم عبارتك تماما
بالرغم من لا منطقيتها
اتفهمها
وبالفعل هو البرواز بدون الصورة
فقط تملؤة يوما اشد الصو اشرقا وجمالا
وقد يظل برواز ينتظر الصورة طوال العمر
وهى اشد الصور حزنا
على فكرة
طول براحتك
انت هنا ما طولتش
------------------------------------
صديقتى الغالية مى
دائما امنح النصائح
ولكنى لا استطيع ابدا تطبيقها
بالرغم من اقتناعى بصحتها
-----------------------------------
رانيا
غاليتى
اتدرين لماذا كانت نهايتة مفجعة ؟
لانة كان نقى وشفاف وثمين
هذا هو قدر كل جميل فى عالمنا الذى يسحق الجمال
ويتمتع بمشاهدتة مهشما
-----------------------------------
صديقى الصدوق
دائما
ابو خالد
كم افتقدتك وافتقدت كلماتك
وتشجيعك
وصداقتك
يبدو ان مدونتك الجديدة اخذتك منى
ربما انت اقوى يا صديقى
لانك ترفض التهشم
لكن هناك الكثيرين ممن ينكسرون بسهولة
لا لضعفهم بل حساسيتهم المفرطة
استعيذ بالله يا صديقى
وهو كل ما اعتمد علية الان
-----------------------------------
سوووووووووو
وحشتنى
طبعا انت زمانك زهقت من كتر ما انا قلتلك انى مقصرة معاك
بس انا فعلا مقصرة معاك
بس مش قادرة اضحك والله
انا عارفة انك مش بتتبالغ على فكرة
وبالذات ان الضربات اللى انت خدتها كانت فى اكتر من شئ
وكلها موجعة
ومتتالية
واظن ان اصعبها صدمتك فى بباك
وفى رد فعل اخواتك
دة انا كان زمانى اتجننت وباكلم نفسى
لكن انك تحس ان اللى رجعك
هو اصدقاءك
دة انت جميل جدا اكتر مما كنت انا كمان متخيلة
لا املك انا الا ان ادعى لك بالسعادة
يا اطيب وارق سوووو فى كل السوهات الموجودة فى المجرة كلها
اية رايك بقى
:)
-----------------------------------
موناليزا
الحمد لله انها عجبتك
------------------------------------
تامر الحسينى
بافرح جدا لما الاقى حد بياخد بالة من اللى فى المدونة ككل
مش اللى فى البوست بس
واللى يفرحنى اكتر كمان
ان حد يعجبة الكلام ده مش مجرد ان ينتبة ليه
وان شاء الله مش الزيارة الاخيرة
-----------------------------------
راندا حبيبتى
هو بايدينا احنا اننا نحدد ان كانت قلوبنا هتتعذب ولا لا
ما كنش حد تعب فى الدنيا دى
كان كل انسان قال
انا خلاص مش هاتعذب وكنا كلنا بقينا عايشين مبسوطين
عارفة باحس ان الناس الكويسين بس هم اللى بتعذبوا
كان ربنا بيختبر صبرهم
انت كمان وحشانى جدا
وترجعى بالسلامة بقى
علشان نرغى
بحبك جدا ووحشانى على طول
----------------------------------
د. احمد
وما ذا تقول لمن لم يتبقى لة حتى مسحوق الحياة ؟
طحن الزجاج طحنا
ولم يبقى منة شئ
سعيدة جدا ان اعجبتك كلماتى المتواضعة
غاليتى الحزينة بحجم الحب
اعلم حكايتك هذه من يوم ما دخلت هذي المدونة
لكن ما انا واثق فيه انه ذات يوم ستغيرين هذى الحكاية
او تكتبين عنها بشكل اخر
فالقدر له وجوه عديدة سيدتى
الا تعلمين ؟
انه يمتلك وجوها عديدة
يسلم لينا قلبك
والزجاج ليس اقوي منه ولا هش عنه
قلقبك مادة خاصة من روح الحب
يياريت تعدي عليا
عندي مفاجئة
كريم بهي
هذا الزجاج ماأصبره على أربع ضربات
فهو من الضربة الأولى وليست الرابعة لم يعد غالى الثمن
لاأدرى لماذا أنا غير مقتنع بأن ما انكسر يمكن اصلاحه
أظن أنه لن يعود الى مكان .. لأنه سيظل به شرخا ولو بدا واهيا
مابالك أميرة الأساطير بجرح المشاعر والاحاسيس؟
رأيى .. انتبه .. ولاتستهين حتى بالضربة الأولى
يقول سبحانه وتعالى
من قتل نفسا بغير نفس فكأنما قتل الناس جميعا
هل تدرين لماذا .. لأن أول مرة هى المهمة ..الباقى لايعتد به ..لأنك ستكون أعتدت منظر الدماء
تحياتى للفكرة الغريبة .. والجميلة أيضا
كريم
القدر لة وجوة عديدة مع كل البشر
معى انا لا يعرف الا وجة واحد
اعتدتة واعتادنى
حتى اصبح الفراق يكاد يكون مستحيلا
وشفت المفاجأة
وبجد ميرسى جدا
-------------------------------------
شريف
اتفق معك يمكن اصلاح المكسور
ولكن دوما ستظل الشروخ واضحة بة
لن يعود ابدا بنفس نقاءة ورونقة الاصلى
المشكلة الا تعتاد فقط رؤية الدماء
بل انك لا تملك من القوة ما يكفى لايقاف النزيف
فتنزف حتى الموت
الللللللللللله
بجد عاجبنى المعنى اوى
فعلا كتر الضربات تكسر الحجر
ولما الغالى بيتكسر
بيبقى مالوش تمن
تحياتى
الصادقه شرين
كلمه و قالوها زمان
ياما دقت على الراس طبول
فعلا كان عندهم حق على الرغم من ان انا مش عارف هما مين دول
؟؟
تلك هى مطرقه الحياه عندما تريد ان تذهب كل غالى و نفيس لتطرحه ارضا
تتوالى الضربات لتدك ذلك الحصن الغالى
تركز فى ضرباتها لتنهى على غايتنا
نتباهى حينها بالصمود و لكننا ندرك جيدا ان الاثر لا يموت
نتباهى و نتباهى و تتوالى الضربات
تلك هى طريقتها تركز على نفس النقطه
فيصبح التأثير اكثر عنف و قوه
نصمد و نتهاوى و نتهاوى حتى نصل الى التعتيم
نصل الى رفع الرايه البيضاء لها لتفعل ما تشاء
تتناثر اشلائنا التى كنا نعتقد انها نفيسه و غاليه
نراها فى النهايه تحت الاقدام
نراها و نحن نفتقد حتى حق الدموع
نتاملها فقط و نتامل حالها
كيف صارت و اصبحت تحت الاقدام تهان بعد ان كانت عاليه براقه ينظر اليها الاخرون بلفته الانبهار
هى حقا النفس
نراها شفافه و لكن تحت الاقدام تختفى الشفافيه فقد ضاعت تحت تراب الادام
النفس يا شيرين عندما تنهار و تتناثر تصبح اكثر شرا لانها حبيبات شريده مهمتها الان هى الشر ان تدمر ارجل كل من يدوس عليها
اى كان انسان او جماد لانها تلفظ انفاسها الاخيره
فقد ادركت ان تلك نهايتها و ليس لديها ما تخشى عليه او يعوضها بعد ان تناثرت
شرين كل ما استطيع ان انصحك به هو ان تحاولى الابتعاد عن مجال تلك المطرقه و لكنى ايضا اعلم انه لم يولد من استطاع ذلك
تحياتى على خيالك و تعبيرك
خالص مودتى
مقريتش الردود ولا التعليقات علشان انا عارف حطلع اوت من تعليقات الناس كلها بصي يا شيرين حاولت كتير ما اعلقش بس امرى لله
للعشرة الطويلة ما بينى وبين مدونتك اللى بعتز بيها ولادمانى لاسلوبك اللى بحترمة وبيثير اعجابى يوميا عارف لوح الزجاج والاسقاط اللى وراءه بس تعالى نعمل تجربة بسيطة وسهلة نلم شظايا الزجاج المكسور فى كيس وندخلهم فرن على درجة حراره عالية تقارب درجة الانصهار وليكن اسم الفرن دى الحياة ونعيد تشكيل اللوح الزجاجى مرة تانى مع اضافه بسيطة لتكوينه القديم بالمادى المستخدم فى الزجاج الواقى من الرصاص اعتقد حيكون لدينا لوح الزجاج القديم وان اختلف معاه فى درجة الصلابة الاشد
ملحوظه على لسان محمد منير ( مش كل شى بيفوت فى عمرنا بيجرح قلب الحياة مليان حجات وبتفرح ) اعملى لوح الزجاج الجديد ودورى انك تحطى على لوح الزجاج ورد وبس وعلى ذكر الورد
(F)(F)(F)(F)(F)
لكل غالي لا ينكسر
شيئ أقسى يكسره
وسبحان من يجمع الكاسر مع المكسور
في وقت زمان ورغبه للتحطيم والتهشيم
لا ادري اهو قدر من خلق من زجاج
ان ينكسر في يوم ما
ام هي محض قسوة من الكاسر الا يطيق رؤية شيئ جميل وشفاف كالزجاج .. ولا يستريح الا وضرباته متواليه على نفس النقطه لكي ينكسر ويتحطم ويفقد شفافيته واحساسه بضوء الشمس ونظرات المحبين
رغم صعوبة ما حدث
الا ان هناك من يمتلكون ايدي ماهره تستطيع صهر الزجاج واعاده تشكيله مره اخرى
ولكن يحتاج الامر لان يلتقى الزجاج مع ايدي تبنيه كما التقى يوما مع ايدي كسرته
...
رائع ما كتبتي ياشيرين
حلو اوى ولاهى
تسلم ايدك
بس اعتقد ان مكنش لازم اخر حته بتاعت تهشم الزجاج لان الهدف من الموضوع راح
بس الكلام و الفكره حلوين اوى
باى
شرين ازيك
كل شئ صلب في هذه الدنيا قابل الكسر قابل للتحطيم وبدرجة تشبع العناصر الموجوده به تحدد درجة صلابته، الزجاج ماده صلبةومها كان لها صلابة لن تكون بمقدار صلابة المطرقة التى تهوي بضرباتها واحده تلو الاخري على سطحةالناعم
كلام غريب مش كده ولا كأنى بتكلم في الفيزاء لكن انت عارفة يا شرين هي حياتنا كلها كده عباره عن كمياء وفيزاء، نرجع لموضوعنا تاني، السطح الزجاجي وما يعنية... صلب وناعم يحمي ما ورائه هذا أمر نسبي... إذا ما فائدته اعتقد أن الاشياء الثمينة التى تحفظ خلفة هي سبب وجوده هذا اللوح الزجاجي والذي يمثل المشاعر التى تغلف قلوبنا وجد لهذا السبب فقط ولكن توجد ايدي اخري عابثة تهدف لسرقة ما يوجد خلف هذه المشاعر والطريقة الوحيده هي تحطيم المشاعر بضربة وأثنين وثلاثه حتى تصل للقلب وتعبث به والغريب انه بمجرد التحطيم والعبث تصبح هذه القلوب بالنسبة لتلك الايدي مجرد شئ عادي يمكن لن اترمية او تحرقة بمنتهي السهوله وتهرول باحثة عن الواح زجاجية خري لتبدأ في تحطيمها .
حتى تظل هذه هي سنه الحياة لكثيرون منهم من يحافظ على مشاعره ومنهم من يسعس لتحطيم الواحهم . أمر عجيب من يدفع الثمن هنا هم اصحاب الاولح الزجاجية اقصد المشاعر.
دائما اعجب بفكرك في التعبير عن الاشياء اتمنى لكي التوفيق
صديقك
سيد سعد
عزيزتى شيرين
انا ايضا فهمت مغزى القصة, وعرفت ان اللوح تلقى الضربات فى قلبه تماما, لذا تهشم
شيرين.. اعرف اننى احيانا ما اكون كعجائز الفرح لا اتوقف عن النصح لك بنصائح انا اولى بها
يقول شكسبير.. لا يوجد أمور جيدة وأخرى سيئة, الأمر يتوقف على وجهة نظرنا للأمور
ففى حين تهشم لوحك الذى كنتى تعتقدينه غير قابل للكسر الى حطام, وهو ما ساءك للغاية واحزنك, ربما ينظر البعض الى هذا على انه نعمه من الخالق لتفادى كوارث مستقبلية ويحمدوا الله على ما آلت اليه الأمور
احيانا ما يكون الأمر بحاجة الى نفكر فقط خارج الصندوق المغلق الذى يحمل نتائج مسبقة التعليب فى عقولنا
تحياتى يا من تشبهنى فى تعذيب نفسها وعقلها وروحها
حازم
لكنني لم أكن لأراه
زجاجاً قد تكسّر ..
لم يتكسّـر ..
لأنه ليس زجاجاً
بل ألـمـاس ..
والألماس لا يتكسـّـر
ولا يدهسه المارون بأحذيتهم
بل يدفعون أغلى ما يمتلكون
من أجل الحصول عليه
ليمنحهم السعادة والرضا ..
.
.
الألماس غير قابل للكسر ..
وألماسك أغلى من أن يحاول البعض تكسيره
.
.
بحبك
د. عمرو
الف شكر على استمرار المتابعة
سعيدة ان اعجبتك الفكرة
تحياتى
-------------------------------------
شريف
مطرقه الحياه عندما تريد ان تذهب كل غالى و نفيس لتطرحه ارضا
لا ادرى لماذا اشعر دوما ان مطرقة الحياة لا تبغى الا دم كل ما هو غالى ونفيس
بينما تتمسسك بالقبح وتعتنقة
نتباهى حينها بالصمود و لكننا ندرك جيدا ان الاثر لا يموت
نتباهى و نتباهى و تتوالى الضربات
تلك هى طريقتها تركز على نفس النقطه
فيصبح التأثير اكثر عنف و قوه
لم اقتنع يوما بلنثل القائل ان كثر الضربات قد تكنحنا القوة
وكيف
حينما تظل تضرب فى نفس النقطة مرارا
النتيجة الحتمية هى الانكسار طال الزم ام قصر
النفس يا شيرين عندما تنهار و تتناثر تصبح اكثر شرا لانها حبيبات شريده مهمتها الان هى الشر
تلك هى الجملة الوحيدة التى اختلف معك فيها
ليس اكثر شرا
لماذا نرحل ويكون ما خلفناة ورائنا شرا
هى فقط اكثر ضعفا
واقل قيمة
خالص تحياتى و مودتى
-----------------------------------
غير معرف
ازاى يعنى .. غير معرف
وسايب امضاء
;)
بوكية ورد كامل
امضاء كافية لازالة صفة غير معرف
;)
موضوع الفرن اللى يعيد تشيكل لوح الزجاج صح
بس تعمل اية لو وصلت للفرن
ولقيتة مشغول
هتقف تستنى والازاز لسة مكسور
وتكتفى بس انك قريب من حرارة الفرن
وان يمكن يجى عليك الدور وتصلح الازاز اللى معاك
(F)(F)(F)(F)(F)(F)(F)(F)(F)(F)(F)(F)(F)(F)(F)
(F)(F)(F)(F)(F)(F)(F)(F)(F)(F)(F)(F)(F)(F)(F)
البوكية بتاعى اكبر
:-P
-----------------------------------
سامح
لا ادري اهو قدر من خلق من زجاج
ان ينكسر في يوم ما
انا الاخرى لا ادرى
اتمنى ان اعرف الاجابة يوما ما
كل ما استطيع قولة
ان بقليل من الحذر وقليل من الاهتمام قد نحافظ على الزجاج دون ان ينكسر
وقد توجد الايدى الماهرة التى تستطيع الترميم
لكنها تكون مشغول بترميم الواح اخرى سواك
او ربما لا تكون مقتنعة
انك قابل للترميم
اقول ربما
حقا لا ادرى
خالص ودى
-----------------------------------
ميدو
سعيدة ان اعجبتك الفكرة
اخر جزء كان المقصود بة
ان البشلر نظرتهم قاصرة
فحينما كان الزجاج سليم نظروا لة باعجاب
وحينما تهشم نظروا لة باشمئزاز
نظرتم قاصرة
فهم لا يرون الا تحت اقدامهم
اتمنى ان اكون وضحت هذا الجزء
تحياتى
-----------------------------------
سيد
صديقى العزيز
ولم نرتضى يا صديقى ان تكون سنة الحياة هى الكسر والهدم
ولماذا نسمح لمن يعبث بان يعبث
هل هو قدر كل ما هو غالى وثمين
ان يقاسى الامرين
حقا لا اعلم
لكنى افضل دوما ان اكون الزجاج عن ان اكون المطرقة
خالص تحياتى
-----------------------------------
حازم
الغالى
اعرف اننى احيانا ما اكون كعجائز الفرح لا اتوقف عن النصح لك بنصائح انا اولى بها
وانا كذلك
لكنى لا ازال اعطى النصائح لانى افترض ان من امامى اكثر قوة وذكاء
منى
فيستطيع الاستفادة بالنصائح
انا ادرى
وانت تدرى
لكن هل يوجد احدنا يستطيع التنفيذ ؟
:)
----------------------------------
دعاء
ماذا يمكننى ان اقول ؟
انت ترينة الماسا
غاليا
ربما لا يراة غيرك كذلك
او ربما اخرون يفضلون الزجاج عن الاماس
افضل ان اكون قلادة من زجاج يرتديها
من احب
عن ان اكون ماسة
بعيدة عنة
احبك كثيرا جدا
شرين
قريت البوست كذا مره قبل كده
مكنتش بعرف اعلق
تعرفى انى التشبيه ده كتير قوى بيدور جوايا على علاقات كتير فى حياتى
دائما بشبه بنفس التشبيه
بس مش لوح زجاج
ممكن كان تحفه غاليه قوى وشكلها حلو
هنعمل ايه هو ده حال الدنيا
يارب تكونى بخير
واى زجاج هذا يااختى الذي لا يكسر فزجاج يحتاج الى معامله من نوع خاص وليس للضربات
شيرين الرقيقة
------------
أنتظر بوستك الجديد... الصيام طول ...هههه
بمناسبة ان رمضان قرب يعنى
كل سنة وانتى طيبة
==========
تحياتى لك
فاكرة يا شيرين بوست ثلج ونار اعتقد انك مش ثلج علشان يضيرك الانتظار بقرب النار واعتقد انى بعض لحظات قليله فى الانتظار ليعقبها الانصهار فاعادة التكوين ليعود لوح الزجاج كما كان وافضل
لم يكن الغرض من البوكية الورود التوقيع بل كان فقط محاولة لوهبك بعض مما تحبينى من صديق يتمنى لو اتته الفرصه ليهبك بوكيه كامل من الورد الحقيقه
صديقك
(F)(F)(F)(F)(F)(F)(F)()(F)(F)(F)(F)(F)
شيرين
انتى فين وحشتينى اوووووووووى
وافتقدك اووووووى
هعيط بقى
ب
ح
ب
ك
رندا
شرين
اسف على التاخير على موضوعك وتعلمين كم اهتم بمواضعيك
ولكنلا اعلم فاحترت كثير فى التعليق هذه المره
فلم سمحتى لهم بتحطيم اللوح من البدايه فانت تعلمين انه بعد ان يتحطم فلا ذنب على الناس ان احتقروه
فالذى بملكك لابد ان تحميه
روحك قلبك
اى شيئ
سلامى واسف على التاخير
شرين
اسف على التاخير على موضوعك وتعلمين كم اهتم بمواضعيك
ولكنلا اعلم فاحترت كثير فى التعليق هذه المره
فلم سمحتى لهم بتحطيم اللوح من البدايه فانت تعلمين انه بعد ان يتحطم فلا ذنب على الناس ان احتقروه
فالذى بملكك لابد ان تحميه
روحك قلبك
اى شيئ
سلامى واسف على التاخير
السلام عليكم
صدقيتى الغاليه شرين
أزيك وعامله ايه المهم تكونى بخير
الموضوع كالعاده جميل
بس اه اليخلينا ناخد ضربات من شخص
ليه نامن لشخص غدر بينا اكتر من مره
انتى فين يارب تكونى بخير
(F)(F)(F)(F)(F)
من فضلك فنانتي الرقيقة
من فضلك أبنتي الغالية
من فضلك صديقتي
عودي لفتح نافذتي
كفاك ابتعاد
افتقدك كثيرا
بل و جميع اصدقائك
يفتقدونك
أنتي بنيتي معني جميل
من فضلك عودي لنا
رحيل
صديقتى الغالية
اعلم اننا نتشابة فى الكثير من الاحاسيس
ونملك ذات العقل القلق المتمرد
كان الله فى عوننا
عقولنل هذة التى يراها البعض نعمة
هى نقمتنا
التى تنغص علينا حياتنا
خالص حبى
-----------------------------------
ماء تشرين
الزجاج يحاتج الى معاملة من نوع خاص هذا صحيح
اتعتقدين انة تحطم
بسبب قلة خبرة
ام لا مبالاة
عموما الناتج فى الحالتين واحد
شظايا زجاجية
بلا قيمة
تحياتى
-----------------------------------
صديقى الرائع
arabic id
البوست الجديد هانزلة اهو
قبل الصيام
ما اعرفش حتى هانزلة ليه ولا معناة اية
كتبتة
وبس
دمت لى
-----------------------------------
غير معرف
يا صاحب الورد الذى لا يذبل
اصبت هذة المرة
انتظر انا بالفعل جوار النار
انتظر وسانتظر طوال حياتى
ما دام هناك نفس بصدرى
بوكية الورد بقى اللى فى الحقيقة دة
انت عارف معناة انى هاحبة جدا اول ما يجى وهافرح بية
بس بعد ما يموت
واشوفة دبلان
:(
ما اقدرش
علشان كده ما باشتريش ورد ابدا
(F)(F)(F)(F)(F)(F)(F)(F)(F)(F)(F)(F)(F)(F)(F)
(F)(F)(F)(F)(F)(F)(F)(F)(F)(F)
-----------------------------------
المهاجر الى الله
مرحبا بك بزيارتك الاولى
الى لقاء قريب ان شاء الله
تحياتى
-----------------------------------
راندا
انت كمان وحشتينى
انا جيالك كمان شوية
بحبك
ومن غير عياط
-----------------------------------
محمد
ادرك انك شعرت بلالم وراء الكلمات
فلقد اخبرتنى من قبل
انك تشعر انى اكثر من يشعر ويتوحد مع المك
لوح الزجاج تحطم
ليس لان هناك من سمح بذلك
بل لان الكل ظنوا انة غير قابل للكسر
فانهالت علية الضربات مباغة فى تقدير قوتة
فانهار بعدما تلقى الضربات كلها فى ذات الموضع
بالغ الكل فى تقدير قوتة
وهو كان اضعف من تقديراتهم جميعا
على فكرة ما تتاسفش تانى
الاصحاب ما بينهم اعتذار
:)
خالص ودى
-----------------------------------
ابو حنفى
ازيك انت
الضربات كانت من اكتر من شخص
فى اكتر من المرة
العامل المشترك اللى خلى الزجاج ينكسر
ان الضربات كلها كانت فى نفس الموضع
خالص ودى
-----------------------------------
(F)(F)(F)(F)(F)(F)(F)(F)(F)(F)(F)(F)
:)
يا ترى دة رد كافى
-----------------------------------
ابو خالد
صديقى الصدوق
اقسم لك اشتقتك
جدا
وكنت على ذهنى ليلة البارحة
بلا مجاملات
او نفاق
اقسم لك
اعلم انى مقصرة مع الكل كثيرا
وانت اولهم
لكن مرهقة جدا
مبعثرة
ولم اعد اجد كلمات لاخطها
لولا ذهنى المشوة
ما كنت كتبت جديدا
خالص صداقتى وصدقى
المدونة رائعة وجميلة تدل على ذوق رفيع واحساس مرهف وغنية بالحكم والاقوال دليل على الثقافة وسعة الاطلاع غير ان كتابة خواطرك بهذا اللون تجهد العين الكليلة مثلى
Post a Comment