لا اعتقد ان هناك كائن ما مشوه الفكر مثلى كى ينقطع فترة طويلة عن الكتابة وحينما يكتب من جديد يكتب بسبب انقطاع الكهرباء .
الان اكتب على ضوء كشاف من تلك الكشافات التى تعمل عند انقطاع التيار الكهربى او ما يطلقون علية
emergency light
اتمتع جدا باللحظات التى ينقطع فيها التيار الكهربائى .. يكف صوت هدير جهاز التكييف عن اختراق اذنى .. يكف التلفاز عن اصدار تلك الاصوات التى تتكلم فى اللاشئ عن اللا شئ .. يكف الهاتف اللاسلكى عن اصدار ذلك الضوء الاحمر الذى امقتة الذى يمزق دوما الظلام المتجانس للحجرة مهما اظلمتها .. تكف الساعات الرقمية فى جهاز الفيديو وجهاز الريسيفر الخاص بالدش عن الاضاءة وتكف عن اختراق ظلام حجرتى التى لا تعرف الظلام المتجانس الا فى لحظات انقطاع التيار الكهربى .
كائن غريب انا .. ادرك ذلك .. لم اعرف انثى تعشق الظلام مثلى .. وربما لم اعرف رجلا كذلك يعشقة .. الكل يبحث عن الامان .. يبحث عنة فى ضوء شمعة .. فى نور كشاف صغير بالبطارية ..الا انا اعشق الظلام .. اشعرة كائن بكر .. موجود دائما ولكن تصر الاختراعات البشرية اللعينة دوما على تبديد نقائة .. لذا فى تلك اللحظات القليلة التى يمنحها لى انقطاع الكهرباء .. القى بنفسى بين احضان الظلام .. اشعر بالامان التام .. الهدوء ..اتمنى ان يطول الظلام .. اتمنى ان تتأخر عودة التيار الكهربى ..ظلام دامس تام ..ربما يمنحى الامان لانة يذكرنى بظلام رحم امى .. الذى منذ ان فارقتة لا اظن انى حظيت بلحظة امان بعدها .
هدووووووووء ........ امااااااااان .. لا اشعر ولا اتمنى ان اشعر فى هذا الوقت باى شئ .. الا بيد حبيب تعتصر كفى فى رقة .. او ان اشعر انفاسة الدافئة على وجهى .. اتنفسها بعمق واحبسها برئتى الى الابد .
امد يدى فى جنح الظلام .. المس وجنتة فى رفق .. اااااااااااااة امنيتى الخفية تلك .. لو يسمح لى القدر بتحقيقها .. المس وجنتة .. تنهيدة عميقة من اعماق قلبى وانا اتخيل تحقق امنيتى تلك .
امد يدى لاداعب خصلات شعرة فى حنان ورقة .
أ ... انقطع حبل افكارى .
عادت الكهرباء .
48 comments:
اعتذر لكل من تأخرت عن متابعة مدوانتهم
اعتذر لكل من تأخرت فى ردودى عليهم
اعتذر للكل حقا
انا مرهقة
اعانى حالة مزمنة من عدم قدرتى على استيعاب ما اقرأة ناهيك عن التعليق
كما اعانى ذات الحالة فى الكتابة
ربما لاحظتم جميعا انى لم اعد على هذا القدر من النشاط فى نشر بوستات جديدة
او سرعة الردود او المتابعة
ولولا انقطاع الكهرباء
لما وجد ذلك الذهن المشوه ما يضيفه حقا للمدونة
اعذرونى على التقصير
انا لا اتكبر
ولا اتمنع
من يعرفنى حقا
يدرك انى حينما اغيب هكذا وانقطع
فلابد ان حقا مرهقة
اعتذر مرة اخرى عن التقصير
شرين
عن النخاس سأتحدث
عن صاحب القلب الأسود
قد جرح قلوبنا واثخنها
وفى مشاعرنا يبيع ويزهد
هذا قلب ملتاع
على حبيب ينادى وينشد
وهذا القلب الجريح
ينزف العطر وحبه
وهذا القلب المشوه
قد خاض كل غمار العشق
وهذا القلب
لا تسأل عنه
سره دفين فيه
يصرخ ان سألته
ويقتلك ان تجاهلته
ولكن شكله الزاهى
هو من لمسه أخطر
تموت برؤيته
تتحسر على رقته
وستبيع قلبك مثلى
عساه يبتسم ويقبل
==========
ربما فى النور لا نعرف ما نريد
كل شئ يقف فى طريقنا حتى المسافات عندما تكون واضحة فى النور قد تعوقنا عما نريد
وعند الظلام ينطلق الخيال دون حدود الزمان والمكان
إذن لا داعى لكلمات تصفك بغير ما تستحقين
أنت رومانسية وحالمة
فما العيب إذن؟
أول خطوات السعادة هوالمصالحة مع الذات، إذن عانقى نفسك بكلمة طيبة وامنحيها ثقة تستحقها
وقد تكرهى بعد ذلك الظلام لأنه حال بينك وصورتك الجميلة فى المرآة
======
شيرين لا تتأخرى علينا
على رأي اللى قال
اكتبى "احم" وامشى علشان نعرف انك معانا
ههههههههههه
==========
تحياتى لك
فنانتي الراقية و أبنتي الغالية يا أعز الناس
لا اجد سوي كلمة شكرا من أعماقي علي عودتك
فلقد أصبحتي معني جميل خاص في و احة العمر
أنتي من أرق الناس مشاعر
بارك الله في عمرك بنيتي و كل عام و أنتي و الأسرة الكريمة بخير اللهم بلغنا جميعا رمضان و أرزقنا قيام ليله و صوم نهاره و حفظ كتاب الله
اللهم فرج عن قلب شيرين الهم و الغم
دمتي أبنة غالية
شيرين
المعنى مش فى الظلام المعنى فيما يسببه الظلام من انقطاع عن كل شى حولنا البشر والالات لنكتفى بانفسنا فقط دون الحاجه لشئ سواها ولعلمنا التام ان نفوسنا لن تخذلنا او تخدعنا او تسبب لنا الما او جرحا نكتفى بالظلام والهدوء التام الذى يتنشره حولنا فننعم بلحظات السكون
بوكيه الورد وان كان حيذبل ويموت بعد كام يوم فيكفى انها سوف يمنحك السعادة ولو للحظات يا صاحب اجمل وارق لحظات
(F)(F)(F)(F)(F)(F)(F)
انا ايضا اعشق الظلام
فيه هدوء وسكينه
وراحه للبال من عناء الحياة
وفرصه لإعمال الفكر
واعادة ترتيب الأوراق
تحياتى
ياه ياشرين
الحمدالله انى مطلعتش مجنون وفى غبرى بيحب الظلام
عارفه لما تحسى انك منتظره الاشيئ فى الظلام العجيب ده حاسه ان فى حاجه وانسياب دافئ للافكار وذكرلات حزينه كانت او ............... لا يهم فالمهم هذا الاحساس يانك حر ولا يوجد اعباء او افعال منتظره يجب علبكى فعلها
شكرا لك شرين بمنحى هذا الاحساس باتى طبيعى
مودتى
حبى شيرى
كل دة لما النور قطع عندك
وانا عمالة اقول فى اية اختفت لية فجاة كدة هههه وقاعدة مستنياكى
اتاااريكى روحتى فى عالم اخر
عالم يسكنة روح شيرين فقط
عالم سرة فى هدوئة
عالم لا تسمعى فية سوى صوت نبض قلبك
تسمعى فية صوت واحد فقط
صوت يهمس فى اذنك يقول لكى بحبك
عارفة ياشيرى
انا اخشى الظلام اوى
اخشى التفكير فية
هل تفتكرى لاننى لا اريد الهرب الى عقلى وتفكيرى ام اريد ضوء
يقول لى عيشى الواقع
ياعم ياقلبك قعتى فى الضلمة هههه
بحبك اوى
رندا
انا بحب الضلمة
النور بيوترنى
:)غالبا هتلاقيني تحت السرير
تحياتى ليكي
من مكان ضلمة برده
:)
صديقتي الجميلة
مثلك أنا أسعد كثيرا حين انقطاع التيار الكهربي
وتسكنني آلاف الأمنيات الحالمة
التي سرعان ما تتلاشي بعودة الضوء الكهربي المرهق
كوني بخير صديقتي
:)
تفتكرى هشوفك !!
التفاصيل هنا
http://kouskoza7.blogspot.com/2008/08/blog-post_12.html
الاصوات التى تصدرها الكهرباء كتيره جدا فهماك صوت للثلاجه ربما لا نسمعه والشفاطاط
حتى صوت الاضواء النيون
اما الفيديو فانا نسيت شكله هو لسه فى فيديوهات
واضح ان النور قطع عندك من زمان اوى
البوست حلو وفكرته جميله
تحياتى
غاليتى دوما
ان حبنا للظلام قد يكون فترة هروبا من الواقع المرير
و قد يكون وقفه مع نفس لن و لم تخذلنا ابدا
قد تشعرى فيها بالحنان مع خيالك و مشاعرك الحقيقيه
بعيد عن الاحداث المستمرة القاسية
و حقا فقد عشتى لحظات سعادة و امان مع تخيلك لبعش اللمسات التى تعشقينها لمن يحبه قلبك
دمتى مبدعه
و لا داعى لكى تتاخرى ثانيا
و الا فقد ادعوا الله ان تنقطع الكهرباء ثانيا
:)
تحياتى
ليس اجمل من انقطاع الكهرباء سوى الهدوء الذي يلي ذلك
لا مزيد من الاخبار المقيتة
لا مزيد من المباريات والافلام والاغاني والكمبيوتر والتدوين والمذاكرة والمطبخ وصوت الخلاط المزعج والمكنسة المحطمة للاعصاب
معلش جايز تكون تفاضيل عبيطة بس الحاجات دي لما بتتخرس بحس نفس احساسك ده .
بس المشكلة انها بتيجي تاني بسرعة
الصديقة الجميله شرين
ربما يكون تعليقى هذا أحد قطبي شريط القطار الذي يمر في عوالم مجهوله ويحمل راكبين تنقصهم دقات قلوبهم وربما يكون جرس معلق في على ابواب ازمنة العشق
___
خرجت للدنيا تلف داخلها شئ ما هي فقط التى تدركة وكأن أوراقها التى تحمية عبارة عن شرنقة حتى آن الأوان بأول ضوء ساطع يدفع تلك الأوراق للتفتح للأزدهار لعرض جمال ألوانها حتى كشفت عن ذلك الشئ وسرعان ما تخلل ذلك الضوء إليه تارة يمتص رحيقة وتاره أخري يعبث بأوراقة وكأنه لا يهتم لبكارته حتى رويدا رويدا أتثزع بقسوة آخر قطرة رحيق دون موعد سابق ودون سابق أنذار أرتعشت الأوراق بشده حتى بدأت نزيف أوراقها يهوى على الارض متشبث بأوراقه حتى وجدت نفسها عصن فقط هنا دقت أجراس الالم معلنة عن وجود زبيحة جديدة على شواطئ الزمن يمكن ان تري بقاياها زجاج منثور أو اورقاء ورود جافة عجيب أنت عجيب شكلك ايها الضوء الساطع وانت تسلبها الروح وتوهبها المتعة بأن تعيش في الظلام عجيب وأنت تمنح شراعاتها الممزقه أرض يابسة تأكد أنها تحولت لأثر للأطلال …… مرت الايام وبدأ هروبها للظلام يمنحها بعضاً منك مره اخري لكن هذه المره بأراتها هي وليس باراتك انت تري لو علمت ما يحدث هل ستشعر بالنشوة أم ستشعر بـتانيب الضمير ربما يكون الأول لك اسهل من الثاني فقد أصبح في تلك الأيام قوالب القلوب باردة جدا برودة قطبي الأرض
تحياتي
سيد سعد
شيرين
قلقى يشتد لغيابك
أين أنتى؟
صمتا بصمت
وأنتى تعلمين ذلك
------
يا رب تكونى بخير وترجعى لنا بسرعة
ان شاء الله تكونى بتصيفى تانى وبس
مش مهم غير انك تكونى بخير
--------
تحياتى لك
اتاخرتى كتير فى الرد يارب تكونى بخير
عزيزتى
تستمتعين عندما ينقطع التيار ويبدأ الظلام
لان الظلام حالة تبقى من الحالات التى التى اصبحت تخرجنا من ريتم الحياة المملة الكأيبه
فحياتنا أصبحت مليئة بالأصوات السمعية والمرئية
لمالذا تكتبين عندما ينقطع التيار
فأنتى قولتى انتى مشوة الفكر
لانك تفقدين الهدوء والصفاء فى دنيانا
والظلام يعطيكى بعضا منه
لماذا تحسين بغرابة ما تعشقين
فانا اعشق الظلام ايضا اوقات كثيرة وكثير من النساء والرجال الذى أعرفهم يعشقونه
ربما لا نكتب خلاله لاكننا نفكر ونسرح فيه وخلاله
لاكن للنور جمال ربما لا نلاحظه لانه دائما معنا
دائما لانرى جمال ما هو قريب منا وكثير معنا
وامان رحم الام لا ولن يتكرر ابدا
ويد الحبيب نتمناها نورا وظلاما
وما احلا وصفك لهذه اللمسه من هذا الحبيب
انقطع الطيار
حاولى ان تخلقى الظلام بنفسك فاسهل شئ ان نخلق ظلاما
لاكن من الصعب ان نخلق نورا
تحياتى
سلام
فيينك
صدقى ان انا كمان بحب الظلام والجلوس فيه وحيدا, اشعر انه يزيل عنى قشور الحضارة الزائفة التى تغلفنا, فيفتح لى آفاقا رحبة للتفكير
انا ادرك جيدا كنه الأرهاق الذى تعانيه يا عزيزتى, فقد ممرت به وخبرته كثيرا, واعرف وتعرفين انه لا يفيد والا لنصحتك التزامه
ولكنها فرصة لألتقاط الأنفاس اللاهثة واراحة القلوب التى اضناها الهوى والشوق الى الحبيب
رمضان كريم يا شيرى
الا انا اعشق الظلام .. اشعرة كائن بكر .
القى بنفسى بين احضان الظلام .. اشعر بالامان التام .. الهدوء ..اتمنى ان يطول الظلام .. اتمنى ان تتأخر عودة التيار الكهربى ..ظلام دامس تام ..ربما يمنحى الامان
اااااااااااااااااه
كم هي رائعة تلك اللحظات
لحظات الظلام التي يهرب منها الجميع ولا يبحث عنها سوى من له قلب وفكر ولديه الم وانكسار خاص
وحنين لنقاء فقد منه في طرقات الحياة الواسعة المزدحمة بكل ما هو مشوه
اسعدني جدا ان ازور المدونة في لحظات الظلام وان اهدء معها واغمض عيني واتنفس بعمق واعود الي عهد النقاء السابق
تحياتي
اين انتى غاليتى
تاخرتى كثيرا
هل تصدقى شرين
اننى قد حلمت بكى اليوم
اقسم بالله لقد حدث هذا
لم اراكى بالطبع
و لكننى حلمت بصوتك يهاتفنى
ربما اكون قد جننت
و لكن هذا ما حدث
دمتى بكل خير غاليتى
شيرين
عـــــــــــــودي
لابد ان تعــــــودي
لابد ان تخلعي هذا الرداء الاحمق الذي اسنه الحزن
وعودي انى اناديكِ
اننا لسنا دمي باصابع القدر ولا الاعيب نارية بيد الحزن لعب بنا نحن اقوي
اقوي
اقوي
ستعودين اولا وبعدها ستنكلم
اريد ان تنكلم
لابد ان نتكلم الصمت لاا حبه كثير
عندي اخبار حلوة فى مدونتى عن النتيجة بس تعالى
هستناكي
هستناكي
هسنناكي
الى لقاء قريب جدا
اعلم انه قريب جدا
كريم بهي
شيرين لا تاخري ارجوكي
اننا فى انتظارك
انا فى انتظارك
لا تفقدي محبينك
ليس المهم ان تردي على التعليقات ولا المعجبين والمعجحبات
المهم تكونى موجودة
موجودة
عودي يا هميس
قصدي يا شيرين
كريم بهي
تحياتى الوردية
الغاليه شرين
عامله ايه؟يارب تكوني بخير و نطمن عليكي قريب
طبعا انتي عارفاني اول حاجه بشوفها الصوره
:)
ابدعتي في وصف انقطاع الكهرباء و كل المشاعر التي تتعلق بيه
انا عن نفسي بخاف شويتين من الضلمه و في جو زي جو اغسطس ده بكون حفطس لو الكهربا قطعت
استمتعت بقراءه كلماتك و وصفك لمشاعرك
طمنيني عليكي و خودي بالك من نفسك شرين
شيرين
بجد انا زعلانه منك لا سؤال و لو حتي بايميل عموما هذا حال الدنيا
ليه منتظرة الكهرباء تقطع لتنالي هذه الراحة المطلقه مدي يديك اطفئي النور و افصلي الاجهزة و ابتعدي بافكارك في بحور الظلام يعني لا تنتظري احد ليحقق لكي شيئا افعلي لنفسك انت
شركة الكهرباء مش كل يوم حنونه
تحياتي
صباح الفل ياشرين
يارب تكوني أحسن النهارده
طمنيني عليكي
وحشني التواصل معاكي ياجميل
صديقتي شيرين
............
ارسلت لكي واجب تدويني
اذهبي سريعا الى مدونتي كي تعملية
الصديقة العزيزة جدا شيرين
بعضنا يحب الظلام فقط لاننا لايملك سوي الهروب
لا يريد ان يري تشوهات عالمه وتمزق ذاته
من هذا القاسي الذي اكسب كائنا زمرديا مثلك عادات الحزن
الحزن ليس وسيله الي شئ سوي تحطيمنا
لم يكن الظلام حلا من قبل ولن يكون
اشعلي الانوار ياشيرين
وادفعي عجلة الحياة بكل قوتك
فلا مجال للتوقف الان
فالجميع ومن بينهم انا في انتظار لحظاتك
لا تتأخري غاليتي
طولتى قوى يا شيرين المرة دى يارب يكون خير ولو انى فى اجابة انتى قولتيها قبل كده بس انا متفائل
كل سنه وانتى طيبه ورمضان كريم
كل عام وانت بخير بمناسبة شهر رمضان المبارك
شكرا
شيرى لو تعرفى وحشتينى قد اية
عاملة اية يارب تكونى بخير انا مش متعودة منك الغيبة دى
:( :( :(
يارب تكونى بخير وسعيدة
انا بحبك اوى
كل عام وانت بخير وبصحة
وكل اسرتك بخير يارب
ربنا يحقق كل آمالك ودعواتك
وصيامك وقيامك
رمضان كريم
رندا
شيرين
كل سنة وانتى طيبة
ويا رب رمضان يعود عليكى دايما وانتى بخير وسعادة
تحياتى لكى شيرين
ويا رب ترجعى ونطمن عليكى
-----
تحياتى لكى شيرين
طيب بلاش تليفون البقال خليها لمكوجي و لا الكابينه اللي في اول الشارع
بذمتك فيه حد يرمي عياله
البلوج ده زي ابنك ازاي تسيبيه
كل سنه و انتي طيبه و انشالله تكوني بخير
تحياتي
بصى اعتقد انك بتقولى كلام قليل اوى اللى يحسه او يعرفه
مش عارف بس يمكن انا كنت متخيل ان انا لوحدى اللى بيحس كده او بيحب الحاجة دى
و كنت بكره فكرة الظلام بس على الرغم من ان الظلام لايحمل للناس إلا السيئ إلا غنى كنت احبه
اسلوب حلو ..... كملى
دى أول مرة اقرا ليكى
الغاليه شرين
عامله ايه ياجميله؟يارب تكوني بخير و في أحسن حال
رمضان كريم و كل سنه و انتي طيبه و يارب ينعاد عليكي بالخير و ترجعلنا بالسلامه
طمنينا عليكي
شيرين الرقيقة
أوحشتنى كلماتك جدا
أين أنتى؟؟
هل من أحد يستطيع يطمنا عليكى؟؟
يا رب تكونى بخير دوما
أنت تعلمين أن مدوناتى ميتة بدونك وأنا لم أكتب كلمة عليها منذ غيابك
سأنتظر حتى عودتك
=========
تحياتى لكى شيرين
اريدك ان تعلمى انى من عشاق الظلام و الهدوء ايضا فهو يريحك من كل شىء مزعج او منبة لكى, تحياتى لاحاسيسك الطبيعية الجميلة
كل سنه و انتى طيبة يا شرين
و يا رب يعود عليك رمضان بالصحة و السعاده
وحشتنى اوووووووى
اناكمان من عشاق الظلام
انا عارف انك بتقري الكومنت
وبتحاولى تتداري
الهروب مش الحل
مش الحل
مش الحل
رمضان كريم
وكل سنة وانتى طيب وبخير وسلام
وافتكري
القدر له وجوه كثيرة
كريم بهي
لسه برضه مارجعتيش ياشرين
مستنيينك ياجميل
كل سنه و انتي طيبه رمضان كريم
انستى اوسيدتى . ايهما انسب الله اعلم
شيرين اسمك وعرفته من ردور المشاركين
ان اذنت لى بالتعليق فانى اقول :
كتابة الخواطر وتصوير المشاعر الرقيقة شئ رائع ، وليكون عملا فنيا يستحق القراءة وجب علينا التدقيق فى معانى الكلمات التى نختارها
( تقولين خواطر من ذهن مشوه ) هذا غير صحيح لان التشويه يدمر الذهن فلا يعقل ، فكيف تكتبين ، الاصح ان تقولى ذهن مشوش
وصفك لمقتنيات بيتك يغرى بالسرقة ، ولو اعرف العنوان لما ترددت ، وبالمناسبة يوجد دائما زر بجوا ر العداد يفصل التيار ولا الحاجة لخدمات الشركة القابضة
لست وحدك من يعشق الظلام ، انا الاخر اجد راحة فى الظلام خاصة وانا اعانى من الرمد ، ثم ياكدابة هوه فيه حد فاكرهذه الطمانينة فى كنف الرحمن
ابنتى ... صدقينى انى قلت ماقلت ليكون الخير لك ، وان ظهر فيه شدة ، فغير مقصودة كما حدث مع صاحب مدونة . الاى دى . ورمزه صورة لعينين ، فيبدو انه مراهق وثقافته مثل سنه ظن ان بعثرة الكلام فى سطور تصنع شعرا
كل سنه وانتى طيبه
رمضان كريم
المدونه وحشتنى اوى
انتى عاملة ايه
يا رب تبقى كويسة
الى اقرب لقاء
رازى
السلام عليكم
شيرين معلش لو كنت غايب الفتره الفاتت
امتحانات
المهم انك لسه موجوده
حاله التشتيت الانتى فيها انتى الوحيده التقدر تخرجى نفسك منها
انا معاكى ان الظلام جميل جدا
انا بحبه
بس مينفعش نعيش فيه
حاولى يشيرين
كل سنه وانتى طيبه
شيرين الرقيقة
طولت غيابك ليه؟
يا رب ترجعى بسرعة
يا بنتى عاوزه تغيبى غيبى تقفلى المدونة اقفليها
بس على الاقل قولى اى حاجه لو كويسة وبخير اللى بيحبوكى يطمنوا عليكى
ولو فى حاجه وقلق اللى بيكرهوكى يفرحوا فيكى
بس انتى عارفة محدش بيكرهك
ردى على الناس باى كلمة
يا ريت علشان كده خنقه ويزعل اى حد منك
ورمضان كريم
سلام
اعتذر للكل من جديد
واعتذر عن عدم ردى على كلا منكم ردا منفردا
اعتذر بالفعل وبشدة
لا اقوى على القراءة
الكتابة
او اى نشاط ذهنى يحتاج تركيز
انا بالرغم من ذاكرتى القوية
الا انى امر بحالة غريبة من "التناحة والعتة "
لا اجد مسمى افضل من ذلك
لاصف تلك الحالة
حتى انى لم اتذكر كلمة السر للدخول الى المدونة
او رقم هاتف الكثير من المقربين الى
كما لم اتذكر ترتيب الارقام لهاتف المنزل
حالة غريبة من اللاشعور باى شئ
وفقدان القدرة على التركيز تماما
غيابى ليس تكبرا
او حتى تعمدا
من يعرفونى يدركون ذلك جيدا
حتى انى احتجت ان اقرأ الكثير من التعليقات اكثر من مرة
كى يصل لى المعنى كاملا
اعتذر وبشدة
واكرر حين اختفى هكذا
يكون كما يقال
للشديد الاوى
وكل سنة وانت كلكم طيبين
Post a Comment