كسيجاره مشتعلة.. اعصابى تحترق ببطء شديد .. تتآكلنى نيران الانتظار .. دوما اكره الانتظار .. وخاصة ان كنت لا اعلم ما الذى انتظره !!
فراغ قاتل اشعر به .. فراغ سحيق .. كثقب اسود فى اغوار الفضاء .. يريد ان يجتذبنى اليه .. ثم يفتح فكيه ويبتلعنى بداخله .. لكنى لا زلت املك بعض من الطاقه التى تجعلنى ابتعد قليلا عن قوة جذبة .
انتظار مرهق .. جعلنى اكتسب عادة جديدة لم تكن يوما من طباعى ..بدأت فى قضم اظافرى فى شهوة غريبه .. وانا التى لم امارس هذه العاده يوما حتى فى طفولتى !
اعصابى تنصهر فى بطء ..تحت وطأة عقلى الدائم التحليل والباحث دوما عن الحقيقة .. فقط لو املك ان اجعل عقلى يتوقف عن العمل قليلا ..فقط يحظى ببعض الراحه ..كى يمن على بقترة من الراحة اثناء سكونه ..اتمنى ..لكنى لم استطيع يوما منحه او منحى تلك الفترة من السكون !
تساؤلات ... تساؤلات .. تساؤلات .. ان .. لماذا ؟ .. وهل ؟ .. وكيف ؟ .. وتبقى علامات الاستفهام معلقه فوق رأسى .. دون ان المح الاجابة.
منحنى الطبيب منوما ومهدئا .. واخبرنى ان عقلى لا ينام حتى فى فترات نومى .. دائما نشط .. دائما يفند ويحلل .. مما سبب لى ارقا دائما .. وجعل النوم كالحب .. ابغاه ولا احصل عليه !
اتيه فرحا بالمنوم .. مكتوب انه يمنحنى النوم فى خلال خمس عشر دقيقة من تناوله .. اتناوله .. اقبع بمخدعى وكلى امل ان يأتينى الزائر السحرى .
تيك .. توك .. تيك .. توك .. صوت الساعة المعلقه على الحائط .. يعلن مرور خمس عشر دقيقه .. والنوم لم يأتنى حتى لمحة منه !
تيك .. توك .. تيك .. توك .. اكره هذا الصوت .. يكاد ان يمزق البقية الباقيه من اتزانى النفسى .
انظر للساعه الديجيتال المضيئه امامى .. اربعون دقيقه انقضت .. والنوم حتى لم يداعب اجفانى .
فى الظلام امارس بعضا من تمرينات التنفس عل النوم يرضى عنى ويأتينى !
لافائده ساعة ونصف الساعه انقضت .. بدأت اشكك ذاتى فى كونى تناولت المنوم من عدمه !
اتذكر التفاصيل .. تناولت زجاجة المياة افرغت عددا من الاقراص بيدى .. تناولت احداها وشطرته الى قسمين .. وابتلعته مع بعضا من الماء .. لم يكن وهما اذن .
اتخيل انى وصلت الى الحل .. ربما لانى تناولت نصف قرص فقط .. افتح النور الخافت جانبى .. اتناول العلبة من جديد .. واتناول النصف الاخر .. المح التحذير .. لا تتعدى الجرعة قرصا واحدا باليوم .
اغلق النور من جديد .. تيك .. توك ..تيك .. توك .. اربعون دقيقة اخرى مرت .. لا تأثير !
اقرأ بعض الايات القرانية .. علها تمنحنى بعضا من السكينه ... ثلاث ساعات كاملة بلا تأثير !
جهازى العصبى على وشك الانهيار .. اريد ان انام .. فقط لا اعرف كيف !
ابكى كعادتى بصمت .. دون صوت واحد .. ابكى فتتبلل الوساده .. ابكى فتحرق ملوحة الدموع وجنتى .. ابكى كثيرا جدا .. ولا اشعر بالوقت !
لا ادرى متى .. كيف .. او لماذا ..؟ سقطت اخيرا بين براثن النوم المحببة .
فقط اتساءل اكان البكاء او المنوم من قدما لى الهدية السحريه .. المتمثله فى ساعات من النوم دون ارق ؟!
25 comments:
السلام عليكى
ربنا يسهل وتنامى النهارده
انا برده بفكر كتير قوى وببحث ودايما بحلل ونفسى ادي لعقلى راحه
بس الغريب انى لما بحط راسى ع المخده بغط فى سبات عميق لا فكاك منه
ساعات بحس انها نعمه
فعلا والله لما الهموم بتكتر عليا اقوم داخل فى البطاطين وانسى الدنيا وانام
اصحى الصبح كل حاجه وردى
اقولك ادخلى خدى شاور اه والله
بعدها هتحسى انك مولوده جديده فى الكون السحرى الأخضر ده
هى زى فتره ريلاكس بتاخديها لعقلك قبل جسمك
ايه الكرسى هى المفتاح السحرى للعراف اللى بيدلك على سكك النوم
ايه الكرسى هى البلسم اللى بيطرد الوساوس قبل الشياطين
بس تبقى موقنه بفاعليه الدوا السحرى النورانى ده مش على سبيل التجريب
والدعاء السلاح الفتاك بتاع المؤمن
والأحلى بقه تحاولى تعيشى نورمال شويه وتبطلى تفكير كتير من اللى بيعصر المخ فى دوامه المتاهه اللى عايشينها ليل نهار
استمتعت بعزفك على روتين يومك الرتيب
بس بجد جميل السرد
متشابهه التفاصيل
ومبروك العاده الجديده
سلام
عزيزتى شيرين
مهما كان ما يؤرقك ويجعل النوم شئ تتمنيه ولا تحصلين عليه
فمن حق نفسك عليك ان تنعمى عليها براحه كى تستطيعى انتى المواصله
أفرغى عقلك مما فيه ..أطلقى له العنان حتى لا يفكر فى شئ دنياوى
اجعليه يتجول فى اللاشئ
حتى يصفى من كل شئ
لكن اذا تمكنتى من السيطرة على عقلك..فما بالك بالقلب؟؟
اعانك الله على ما انتى فيه ورزقك راحه البال
ربنا يوفقك يا جميل:)
شرين
حاولى تذكر لحظات السعاده التى مرت عليكى فى حياتك
فلسوف تنعمين بنوم هادىء
نوم و انت مبتسمه و لسوف يرتاح عقلك من التفكير
حاولى البعد عن التساؤلات
فلانها ترهق العقل و القلب فحاولى
هل تعلمى؟ و لا تقولى اننى احاول التخفيف عنك بمجارتك
و لكن انا ايضا لا استطيع النوم و فى عقلى تتعارك هذه التساؤلات و لا انام الا ان اترك لدموعى العنان
و لكنى عرفت الحل
اتذكر اى لحظة مرت علي سعدت فيها او سعدت بها و اترك لخيالى العنان
الى ان اذهب فى ثبات عمييييق
حبيبتى حاولى انت الاخرى
الم تقولى على صديقة الاحساس؟
حاولى غاليتى
تحياتى
أسلوبك رائع
حكي .. هو بمثابة فيلم سينمائي
--
أتمني لك كل التوفيق
خالص تحياتي
shery:
plz delete he post u mentioned me on it
thanks yagamiela
ur sisiter sally
شيري ا غالية اوى
انا مش هاعلق ع البوست دا
رغم انى قريته
بس
انا جاي النهاردا اقولك
كل سنة وانتى طيبة
هابى فلانتينتس دااي
اتمنى السنة الجاية تكونى بخير اكتر وسلام وطمأنينة
وربنا يوفقك يارب
ويا تري جبتى لحد هدية ولا لا
انا مجبتش
اصل مبقاش فيه حد
عموما تعاليلى
انا نشرت التاج
تحياتي
كريم بهي
صديقك الدائم
بصى بقى متستنيش حاجة من الاطباء
انا نفسى لجأت لواحدة عشان تدينى حبوب الشجاعة راحت رامية الكورة فى ملعبى تانى وجرجت من عندها بخفى حنين
انتى عارفة كويس ان السلام مع النفس والرضا هوه اللى بيمنحنا نوم هادى ومريح
واحيانا التعب وانا شخصيا بنام من التعب عشان كده بقوم زى اللى واخدة علقة
انتى عارفة ازاى ممكن نلاقى السلام
لما نبطل نفكر كتير ولما نكون ماسكين زمام امورنا فى ايدينا احنا
وبلاش والنبى قرقضة الضوافر عشان انا ادمنتها اكتر من خمستاشر سنة وبطلت من شهور وطبعا ايدى بقى شكلها منيل
خليكى قوية وابحثى عن السلام يا جميلة
وعليكم السلام ورحمة الله وبركاته
كنت فى البدايه
sagittarus
ثم
freak ghost
ثم
s@gi l'ombre
لماذا اشعر انك انت الاخر مشتت وتبحث عن هويه؟
عن موضوع البوست
انا دايما باخد شاور كل يوم
بس للاسف ده بيفوقنى اكتر مش بيساعدنى انى انام اطلاقا بيدى نتيجه عكسيه
نفسى ابقى زيك كده
احط راسى على المخده وانام
عمرها ما حصلت
عارف لما بيقولوا
حد دماغه تاعبه
انا الحد ده
دماغى تعبانى
وبعدين مخى ده مش شغال عن عمد
يعنى انا ما باتعمدش افكر قبل ما انام
لا
ده شئ لا ارادى. ما لو كان ينفع اتحكم فيه كنت اتحكمت فيه من زمان
وجربت ايه الكرسى
وسورة الفجر
وكل شئ يخطر فى بالك
وكنت مؤمنه ان القرآن هيهدينى ويخلينى انام
وما كانش على سبيل التجربه
وما فيش فايده
حتى المنوم
ما فيش فايده
يمكن مع الوقت يأثرفيا
يارب
لانى بجد تعبت من قلة النوم
----------------------------------
lonlysmily
والله ياريت اعرف افضى عقلى
الكلام سهل
بس ازاى افضيه ما اعرفش
لا دوا نام
ولا تمرينات تنفس
ولا قرايه قرآن
وحكايه
اذا تمكنتى من السيطرة على عقلك..فما بالك بالقلب؟؟
انا فاقده التحكم فى كل حاجه دلوقت اصلا
وقلبى اساسا هو اللى بيمشى عقلى
شوفتى اللخبطه
واحده مجنونه بقى تعملى ايه
:)
---------------------------------
Rania
حاحاول افتكر لحظة سعاده يا رانيا
مع ان بقالى كتير جدا مش فاكره ان مر على لحظه من دول
حاحاول كده
يمكن تكون فى واحده ايام العصر الحجرى عشتها
:)
----------------------------------
على باب الله
زيارة للمره الثاثه
وتعليق رقيق
الف شكر على المتابعه
كلماتك تزين مدونتى
---------------------------------
سولا
حاضر يا سولا
هاشيل البوست
مع انى مش عارفه ليه؟ ولا ايه السبب
بس طلباتك اوامر
هاااى
ازيك شيرين انا دايما بزور مدونتك بس مش دايما بعلق لان بلاقيكى بتكتبى كل كلمه انا بكون عايزه اقولها بعجز بعد قراتى ليكى انى اعبر عن حاجه جوايه تانيه
انا بندهش تماما من انى الاقى حد يعبرعنى بدقه التفاصيل اكنك عايشه معايه
اما عن الموضوع النوم انا كل المحاولات اللى انتى عملتيها انا عملتها
ونفسى الاقى حل ف النوم ده لانى ماعنتش مركزه ف اى حاجه لاحد يقولى ناوينى حاجه ادى حاجه تانيه
ماما تقولى جيبه حاجه من السوق اروح واجى وانا جايبه حاجه تانيه خالص
مؤثر ع نفسيتى جدا
وانا من الشخصيات اللى ما ببينش لحد ضعفى او اى اضطرابات
دعيت كتير وانا ساجده يارب يارب
واشكى كل اللى جوايه علشان ارتاح
جايز بعديها اتخمد ولا تنام عليه حيطه زى ما الامهات احيانا بتدعيها عليه ف ساعات الزعل
مش عارفه اقولك ادعيلى ولا الحال من بعضه
عموما انا ما بياس ومش بايدى اوقف عقلى وكل اللى ما بين اديه محاولات
معلش رغيت كتير عليكى اعمل ايه مش كتير بلاقى حد برتاح ف الكلام كده
سلام
شيري
انت كويسة
اتمنى دا
لكنك غايبة كدا
حتى انك مردتيش على كومنتى فى الفلانتين
فى ايه ؟؟
اتمنى يكونخير
وعارفة لو كت مطنشة
هازعل اوى
طمنينى
باي
هى الزياره الاول لكنى علمت من بدايه السطور انها لن تكون الاخيره هى تلك الحاله التى تنتابنا جميعا اجدتى وصفها اجدتى عندما تحدثتى عن تلك الحقيقه الغائبه الحقيقه اللامتناهيه فى اعماقنا تلك الحاله التى تحترق اعصابنا بداخلها فلا نجد سوى تلك الكبسوله من مفردات الخلود الهادىء فى سبات نوم عميق كثيرا ما سمعنا و ادركنا لحظات يكون فيها اليان هو دافعنا و متنهى لذتنا و لكننا نتامل حينها الحال فنجد الطريق الاسهل المفروش بالورود فى سبات النوم غير راضى عن الحال
و يكون الطريق له اسهل بكثير
تحياتى على اسلوبك الرائع و هى حقا حاله من الاحتراق الذاتى
اتاخرت انا عارف وانتى اتاخرتى يبقى خالصين نقطه من اول السطر
بس خلاص لانى مش لاقى تعليق او كلام ااقوله بجد يمكن لانك بتوصفى حالتى بس انا باخد موضوع عدم النوم بالراحه بقرى كتاب او جورنال او بمارس عاده شرب كوب من النسكافيه الساخن وبنام فى الاخر
بس السوال الاخير مش لاقى ليه ليكى اجابه وان كنت اتمنى انك تبطلى الاتنين
كنت حنسى
محمود
مريم
والله يا مريم لو ع السلام النفسى كان موجود زمان بس برده ما كنتش بانام بسهوله
انا مخى اصلا تاعبنى
ما بيعرفش يبطل تفكير
بس من غير ضحك
زمان اللى كان ممكن نفسى وافكر فيه قبل ما انام وتاتقى دماغى شغاله
تلاقينى عماله بافكر فى نظرية اصل الانواع
انقراض الديناصورات
نشأة المجموعه الشمسيه
كل الحاجات اللى مش محسومه دى كنت بقعد افكر فيها . واحاول اوصل فيها لحاجه ترضى عقلى
مش بقولك
عقلى تاعبنى
وعلى قرقضه الاظافر دى
هى كانت حاله مؤقته و راحت لحالها
ده انا ما كنتش حتى باكل ضوافرى وانا صغيره
وحكايه الدكتور دى كلامك صح
ولا نفع المهدئ ولا المنوم
تخيلى ان اكتر وقت حسيت فيه بالهدوء لما اغمى عليا
ما كنتش عايزه افوق
احسن حل علشان ارجع انام تانى
حد يجيب حاجه تقيله ويخبطنى بيها على راسى
يقوم يغمى عليا تانى
ويريحنى ويريح دماغى
ياريت تطمنينى عليك قريب
انت وحشانى
:)
bob
يعنى انا وانت الحال من بعضه
يبقى بتقولى معلش على ايه يا بنتى
عادى اتكلمى وارغى براحتك
وقولى كل اللى انت عايزاه
وانا لو لقيت حل لحكاية النوم دى هاقولهالك
وكون ان كلامى بيعبر عنك
واحساسى بيوصلك
ده حاجه جميله
بس طبعا مش جميل انك تكونى عايشه فى قلق زيى كده
نورتينى
انا حاولت ازور مدونتك
لقيت مش عندك
ابقى طمنينى عليك على طول
:)
-----------------------------------
كريم
وبعدين بقى
انا مش بحب سوء الظن ده
انا هطنشك ليه
انا لما رديت على التعليقات يوم الفلانتين
ما كانش تعليقك ولا تعليق مريم موجودين
تقريا انا كنت برد وانتم بتبعتوا
علشان كده
حصلت اللخبطه دى
happy valentines day
ولو انها متأخره
ويارب السنه الجايه يكون فى حد تجيبله هديه
انا عن نفسى جبت هديه
انا جيالك كمان شويه
علشان اشوف التاج قلت فيه ايه
:)
----------------------------------
شريف
هى حالة حقا من الاحتراق الذاتى
كما قلت
كسيجاره مشتعله
تحترق ببطئ
لم تجدى معى ادويه مهدئه ولا منومه
يبدو ان من حسم القضيه فى النهايه
هو الارهاق الناتج عن البكاء
اتمنى تكرار الزياره
اعجبنى اسلوبك فى استخدام المفردات فى التعليق
تحياتى
-----------------------------------
محمود
حمد لله ع السلامه
ايه الغيبه دى كلها؟
ولسه كمان فاكر الامضاء
على حكايه النوم دى يا محمود
والله عذاب
زى ما قلتلك
لا شاور قبل النوم نافع
ولا منوم
ولا حاجه شخنه اشربها
ولا قرآن
زى ما قلت لمريم
احسن حل
حد يخبطنى على راسى بحاجه تقيله
علشان عقلى يهدأ شويه
واعرف انام فى هدوء
انا ريحالك كمان شويه
ياه ياشيري
ايه الوصف المبهر دا
ايه الأرق الحارق دا
ساعات بيكون النوم..نعمة عصية المنال
ساعات بيكون صوت الساعة..زي الطلقات الي بتخترق عقولنا المنهكة
ساعات بنكون على الجافة بين الجنون والعقل..بين النوم والموت
لحظات تقيلة ومنهكة لكنها بتمر في النهاية زي حاجات كتير مابتمر..وتسيبنا لوحدنا برضه
عزيزتى
ايه ده كله وليه ده كله
عارفة يا شرين فى حاجتين تخلى الانسان يحس براحة مهما كانت دنيته مفهاش راحة
اول حاجه دايمن تقيسى اللى انتى فيه بالدنيا اللى حوليكى دنيتك الضيقه ودنيتنا الواسعة انا لما اشوف دنيتنا دى واللى بيجرا لناس فيها اقول انا كده فل واحمد ربنا اووووووووووى
تانى شئ بقه الرضا عارفة ممكن تكونى غنية قوى بس معندكيش رضا هتشوفى الاغنى مش هترتاحى
ممكن يكون مركزك كويس بس بس معنديش رضا تشوفى الاعلى منك تحسى بعدم الراحه
الرضا مفتاح السعادة
ارضى بكل شئ واى شئ بدل بتعملى اللى بيريح ضميرك وعقلك وقلبك
تفتكرى ايه يستاهل تفكرى فيه ويضيقك قوى غير رضا ربنا
بلاش منوم اقرى القران واقريه بتمعن شويه وحولى كل كام اية تقريها تقكرى فى معناها واللى جواها
صدقينى هترتاحى قوى
دنيتنا صغيرة قوى وكلنا واخدين حاجات حلوة فيها بس احنا دايمن نسيب اللى بايدنا ونبص على اللى بعيد عنا
معلش لولا مستعجل وكمان مش عاوز ازهقك بلت وعجن وكلام يمكن سمعتيه كنت اتكلمت معاكى كتير
اتمنا دايمن تكونى بخير واوعى شئ يضيقك لدرجة انك تتخنقى لمال شئ يخنقك قوليله
طظ فيك
مهما كان غالى الشئ ده مش هيكون اغلى منك
وكمان انتى مش بتخشى البلوج التانى ليه بقه خشيه فى حاجات كاتبه عاوز رائيك
متخفيش مش خناقه مع حد
سلام
شيرين الرقيقة
قلقت عليكى
-------------------------
المهم هو ما تريديه أنت واقتناعك به
كل ما سيفعل الطبيب هو مساعدتك فى التوصل لقرارك الذى سترتاحين فيه
ما بين رغبتك فى التمزق كى ترتاحى
نصف هنا ونصف هناك
ومابين رغبتك أن تختفى كى لا تسمعى نقد الناس لأفعالك
وما بين رغبتك فى أن تكون ذكرياتك ميتة وأن تعيشى حياتك بدونها ورغبتك فى أن تستيقظى من ذلك الحلم المزعج الذى يؤلمك
ولكنك تعلمينه واقعا لا رحمة فيه
وما بين علمك بأستحالة حياتك بدون مشاعرك وشكك فى قدرتك على تربيتها وتهذيبها
--------
شيرين
ربما يستعصى عليكى الألم
ولكن تعلمى أنه رحمة فبه يغفر الله ذنبك
لا تقبليه أو ترضى به ولكن الصبر
-----------
شيرين
صدقينى فى ما سأقول لك
عليك بالصلاة على سيدنا محمد كثيرا
فوالله انها تشرح صدرى دوما... فعلها سحرى
وعليك بالأستغفار
فستجدين فرجا من حيث لا تعلمين
وعليك بالوضوء دوما
أينما شعرت بضيق وحرج فى صدرك
ولا تنسى دعاء ذى النون
عسى الله أن يفرج عنك همك
-------------------------------------
وصدقينى أينما وجدتى قلبا يستمع إليك فتشبثى به وأركنى إليه
المهم أمانته
ولا تركنى لأحد حتى تعلمى أمانته سواء امرأة أو رجلا
-------------------------------------
عشت ألمك وتجربتك ذات مرة
صديقتى الجميلة
كانت تسير وسط الغابة مرتدية فستانها الوردي وكأنها عروس تارة تتعركل وتارة اخري تهرول كلما ازعجت مسامعها اصوات الكائنات المفترسة لكنها لحبها الشديد لجمال الطبيعة وعشقها لصوت المياه كانت تسير دائما في اتجاه صوت الهدير المنبعث لها كانت لا تدرك مكانه لكنها كانت تبحث ترى فستانها من الخلف وقد علقت به زهور الغابة البرية لا ندري لماذا لكنها علقت باطراف الفستان الوردي حتى ان رايتا من بعيد يهيأ لك انها طاوس يرفع ريشاته ليعلن عن جماله ،،، اخذت تهرول وتهرول حتى وجدت الماء الذى تبحث عنى كانت بحير جميلة تحيطها الاشجار تطاير فيها الفراشات الملونة حتى وقفت على حافة الماء انحنت مدت يداها اخذت شربة ماء في كفها الصغير
استعذبت طعم الماء فكشفت عن ساقيها قليلا وتقدمت بعض الخطوات عن استحياء في ماء تلك البحيرة برودة الماء كانت جميلة جدا فدفعها ذلك للتقدم اكثر واكثر حتى فقدت التوازن فغاصت وسط الماء وحتى الآن لم نجدها فقط نري على سطح الماء بعض الوردات التى كانت عالقة في فستانها تري هل لم تدرك خطواتها تري هل خدعت ترى هل قصدت ذلك الاجابة الوحيدة التى حصلنا عليها حتى الآن هي وجود بعض الوردات
صديقتى الرقيقة دائمة المشاعر شرين لك منى
الف الف تحية
شيري
لا الحبوب و البكاء
اهدوك الهدية السحرية
دا بس
قلبك الطيب
مش اكثر
بس بجد البوست رائع
انا كمان حسيت بالارق من طريقة البوست
اما عن الكومنت اللى فات
ماكنش العشم
انا بردوا بسوء الظن بيكي
لا لا
يا شيري
دا بس كنت بهذر وياكي وكمان قلقان عليكي
عموما ماشي
ابقى عدى عليا
صديقتى الجميلة
كريم بهي
dr . rofy
الصديقة الغاليه
احيانا نكون بالفعل على الحافه بين العقل والجنون
واحيانا اشعر انى عبرت هذه الحافه
واحيانا نكون على الحافه بين الحياة والموت
واحيانا اتمنى ان اعبر الى الجهه الاخرى فهى اكثر سلاما
وسكانها كفوا عن اذى من حولهم
وتمر الاوقات واللحظات
وفى النهايه تكون الوحده هى الناتج النهائى
وتدفعنا من جديد الى الحافه بين العقل والجنون
وبين الحياة والموت
انها اللعبه العبثيه ليد القدر
حينما يأخذنا فى دوائر لا نهائيه
لا نستطيع الفرار منها ابدا
-----------------------------------
حسام
انا من النوع القنوع جدا
وعمرى ما ببص للى فى ايد غيرى
وحتى لو حسيت ان غيرى عنده اشياء افضل منى عمرى لا بغير ولا بحسد
بالعكس بدعى دايما
ربنا يزيدهم وربنا يسعدهم
عمرنا ما حسدت حد
او حقدت عليه
او اتمنيت يكون فى ايدى اللى فى ايده
حتى فى الحب
لو بحب انسان وهو بيحب اخرى
لا هحقد ولا هاحسد
هتمنالهم الخير
يعنى عن الرضا والقناعه موجودين
وبقرا قرآن يا حسام
وبصلى
وبدعى ربنا
بس زى ما قلت
عقلى تاعبنى
ومش بعرف اتحكم فيه
وعلى فكره انت بتقول
مهما كان غالى الشئ ده مش هيكون اغلى منك
صدقنى انا اى حاجه فى حياتى هى اغلى منى
ودايما باعمل حساب لمشاعر اللى حواليا حتى لو كان ده على حساب مشاعرى انا وراحتى النفسيه
بس شويه ابتديت احاول اغير الصفه دى
لانها ضيعت منى حاجات كتير
وانا على العموم رحت لك البلوج التانى
وعجبنى الكلام اللى فيه
ولاول مره فى تاريخنا
اتفق معاك 100%
وقلتلك ارغى براحتك وقول اللى انت عايزه
انا مش بزهق ولا حاجه
تحياتى يا حسام
-----------------------------------
arabic Id
الصديق العزيز
عندما قرأت كلماتك
اصابتنى حاله من الذهول
فهى تحمل قدرا كبيرا من الحقيقه
كأنك بطريقة ما
قرأتنى
ربما لان كما ذكرت انت
عشت ذات التجربه وذات الالم
انا ادوام على الصلاه
واقرأ قرآن
وادعو الله كثيرا
وكنت دوما قريبه اليه
وكما قلت انت تماما
هو ما اقتنع به تماما
لذا اصبر وادوام على الدعاء
كلماتك هذه هى سندى حاليا
" بما يستعصى عليكى الألم
ولكن تعلمى أنه رحمة فبه يغفر الله ذنبك
لا تقبليه أو ترضى به ولكن الصبر"
انه الصبر
يا صديقى
ولا املك سواه
الف شكر
والف تحيه
-----------------------------------
صديقى الرائع والعزيز
سيد
دائما وابدا
كلماتك تثير دموعى
اقرأ كلماتك فاجدك تضعنى بطله لقصه رائعه
ودوما واقعيه
صغتها انت باسلوبك الادبى الرائع
لتجعلنى اصل الى المغزى من القصه
وبالطبع التوحد التام مع بطلة القصه
سرا صغير اهمس به فى اذنك صديقى
انا تركت البوست كل الفترة السابقه ولم انشر جديدا
لانى كنت انتظر تعليقك وكلماتك عليه
اادركت الان مدى اهمية كلماتك لدى
:)
كل الود والصداقه
-----------------------------------
كريم
ماشى يا كريم
مصدقاك
انك كنت بتهزر معايا
:)
وما تقلقش يا كريم
قلة النوم دى بقت شئ طبيعى اصلا
ابتديت اتعايش معاه
انا رحتلك على العموم
وعجبنى احتكار جدا
تحياتى
صديق الروح
شيرين الرقيقة
نعم ولكن تلك الأذكار لها تأثير عجيب
جربيها
----
أدعو الله أن يجعل الفرج لكى قريب
صاحبة المدونة الرقيقة شرين
لا اعلم لماذا احسست فى مدونك ببعض الالم الذى يعصر قلوب الكثير منا
ولا اخفى عليكى احسست معها بقربى سوف اقرء بعض المواضيع فيها مع اننى اول زيارة لى فيهااحسست اننى لا اريد الخروج منها قبل ان انتهى منها وساحاول ان اقراها بقدر المستطاع
ارجوا تقبل مرورى
رندا
راندا الرقيقه
اكثر ما يسعدنى ان اشعر ان كلماتى اثارت احساسا داخل انسان
او ان هناك اتفاق فى المشاعر والاحاسيس عبرت عنه كلماتى لشخص اخر
بالرغم من انى لا اتمنى ان يمر اى شخص اخر بما امر به
لكن عندما ذهبت الى مدونتك فقط من قراءه البروفايل الخاص بك
شعرت ان ربما اكون على صواب
انت مرحب بك دائما وابدا وفى كل وقت
أيوة
لما تركتي لي تعليق علي الموضوع
قلتي انه يوجد تشابه
لكن لم تقولوا انه تشابه قد يصل لحد التطابق
نفس الصراع العقلي الذي يدور لحظة التوجه الي النوم
صراع الافكار المثير في اوله
لكن بعد كده بيكون ممل قوي
ولا حل الا الوقوف امامه وتأمله
تامله حتي يقرر ان ينتهي ويسيبك للنوم
نصيحة من واحد غلبان في اخر سنة في كلية الطب
فكك من الدكاترة النفسيين والمنومات والكلام ده
كله مالهوش لازمة
للأسف مافيش حاجة اسمها طب نفسي في مصر
الحل بسيط جدا
ولكنه مقعد برده قوي
الحل في السبب
اعرفي السبب وعالجيه
او اعرفي السبب وتجاهليه
قد يحل المشكلة
انا حاسس كده ان التشابه في الموضوعين معاه تشابه برده في الفكر
واتمني فعلا ان يككون بداية لصداقة بنا
سلاماتي
Post a Comment